ꦱꦢꦺꦫꦺꦁꦔꦶꦥꦸꦤ꧀ꦗꦸꦩꦼꦤꦼꦁꦤꦠ

꧋ꦩꦶꦪꦺꦴꦱ꧀ꦥꦫꦶꦁꦲꦱ꧀ꦩꦧꦼꦤ꧀ꦢꦫꦫꦢꦺꦤ꧀ꦩꦱ꧀꧌ꦧꦺ꧈ꦌꦂ꧈ꦌꦩ꧀꧍ꦲꦺꦂꦗꦸꦤꦢꦂꦥꦶꦠꦲꦶꦁꦠꦁꦒꦭ꧀꧇꧒꧇ꦄꦥꦿꦶꦭ꧀꧇꧑꧙꧔꧖꧇ꦮꦺꦴꦤ꧀ꦠꦼꦤ꧀ꦪꦺꦴꦒꦾꦏꦂꦠ꧈ꦭꦗꦼꦁꦤꦼꦭꦱ꧀ꦱꦏꦼꦤ꧀ꦱꦭꦩꦶꦤꦶꦥꦸꦤ꧀ꦱꦸꦒꦼꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦶꦛꦲꦶꦁꦏꦁꦢꦶꦥꦸꦤ꧀ꦠꦽꦱ꧀ꦤꦤꦶ꧈ꦯꦿꦶꦯꦸꦭ꧀ꦡꦤ꧀ꦲꦩꦼꦁꦏꦸꦨꦸꦮꦤꦏ꧇꧑꧐꧇ꦢꦢꦺꦴꦱ꧀ꦥꦿꦶꦧꦢꦶꦲꦶꦁꦏꦁꦕꦼꦭꦏ꧀ꦱꦔꦼꦠ꧀ꦏꦭꦶꦪꦤ꧀ꦏꦶꦛꦭꦤ꧀ꦏꦮꦸꦭꦤꦶꦥꦸꦤ꧀‍‍ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦪꦸꦱ꧀ꦮ꧈ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦝꦮꦸꦃꦲꦶꦲꦶꦁꦏꦁꦫꦩ꧈ꦢꦢꦺꦴꦱ꧀ꦥꦔꦺꦫꦤ꧀ꦭꦸꦫꦃꦲꦸꦠꦮꦶꦲꦶꦁꦏꦁꦢꦶꦥꦸꦤ꧀ꦱꦼꦥꦸꦃꦲꦏꦼꦤ꧀ꦲꦶꦁꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦥꦫꦥꦔꦺꦫꦤ꧀ꦭꦸꦫꦃꦲꦸꦠꦮꦶꦲꦶꦁꦏꦁꦢꦶꦥꦸꦤ꧀ꦱꦼꦥꦸꦃꦲꦏꦼꦤ꧀ꦲꦶꦁꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦥꦫꦥꦔꦺꦫꦤ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠ꧈ꦩꦱ꧀ꦗꦸꦤ꧀꧈ꦏꦢꦺꦴꦱ꧀ꦥꦸꦤꦶꦏꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦭꦶꦩꦿꦃꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦲꦶꦁꦏꦭꦤꦶꦥꦸꦤ꧀ꦠꦶꦩꦸꦂ꧈ꦭꦗꦼꦁꦥꦶꦤꦫꦶꦁꦔꦤ꧀ꦏꦏꦚ꧀ꦕꦶꦁꦔꦤ꧀ꦒꦸꦱ꧀ꦠꦶꦥꦔꦺꦫꦤ꧀ꦲꦂꦪ꧍ꦏ꧈ꦒꦺ꧈ꦥꦺ꧈ꦲ꧈꧍ꦩꦁꦏꦸꦨꦸꦩꦶ꧉

꧋ꦱꦢꦺꦫꦺꦔꦁꦔꦶꦥꦸꦤ꧀ꦗꦸꦩꦤꦼꦤꦼꦁꦤꦠꦩꦶꦤꦺꦴꦏꦯꦸꦭ꧀ꦡꦤ꧀ꦲꦶꦁꦔꦪꦺꦴꦒꦾꦏꦂꦠ꧈ꦏ꧈ꦒꦺ꧈ꦥꦺ꧈ꦲ꧈ꦩꦁꦏꦸꦨꦸꦩꦶꦱꦩ꧀ꦥꦸꦤ꧀ꦏꦸꦭꦶꦤꦲꦶꦁꦧꦧ꧀ꦠꦠꦫꦏꦶꦠ꧀ꦠꦶꦁꦥꦥꦿꦺꦤ꧀ꦠꦃꦲꦤ꧀꧈ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦲꦱꦿꦶꦁꦏꦱꦸꦮꦸꦤ꧀ꦲꦩ꧀ꦧꦶꦪꦤ꧀ꦠꦸꦗꦶꦗꦶꦧꦃꦲꦤ꧀ꦤꦶꦥꦸꦤ꧀ꦲꦶꦁꦏꦁꦫꦩ꧈ꦯꦿꦶꦯꦸꦭ꧀ꦡꦤ꧀ꦲꦩꦼꦁꦏꦸꦨꦸꦩꦮ꧇꧙꧇꧈ꦲꦶꦁꦏꦁꦮꦼꦏ꧀ꦢꦭ꧀ꦱꦩꦤ꧀ꦠꦼꦤ꧀ꦔꦱ꧀ꦠꦩꦶꦤꦺꦴꦁꦏꦮꦏꦶꦭ꧀ꦥꦿꦺꦱꦶꦣꦺꦤ꧀ꦫꦺꦥꦸꦧ꧀ꦭꦶꦏ꧀ꦆꦤ꧀ꦝꦺꦴꦤꦺꦱꦾꦏꦗꦮꦶꦥꦸꦤꦶꦏ꧈ꦏ꧈ꦒꦺ꧈ꦥꦺ꧈ꦲ꧈ꦩꦁꦏꦸꦨꦸꦩꦶꦲꦸꦒꦶꦄꦏ꧀ꦠꦶꦥ꦳꧀ꦮꦺꦴꦤ꧀ꦠꦼꦤ꧀ꦠꦼꦤ꧀ꦱꦮꦼꦠꦫꦏꦼꦒꦶꦪꦠꦤ꧀ꦱꦺꦴꦱꦶꦪꦭ꧀ꦏꦼꦩꦱꦾꦫꦏꦠꦤ꧀꧈ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦲꦪꦃꦲꦤ꧀ꦲꦶꦁꦏꦁꦤꦠꦺꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦲꦱ꧀ꦠꦲꦶꦁꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦢꦢꦺꦴꦱ꧀ꦏꦼꦠꦸꦮꦈꦩꦸꦩꦩ꧀꧈ꦏꦣꦶꦤ꧀ꦝ꧈ꦣꦺ꧈ꦆ꧈ꦪꦺ꧉ꦏꦼꦠꦸꦮ꧈ꦣꦺ꧈ꦥꦺ꧈ꦣꦺ꧈ꦒꦺꦴꦭ꧀ꦏꦂ꧉ꦏꦼꦠꦸꦮ꧈ꦏꦺꦴꦤꦶ꧈ꦣꦺ꧈ꦆ꧈ꦪꦺ꧉ꦭꦤ꧀ꦥꦿꦺꦱꦶꦣꦺꦤ꧀ꦏꦺꦴꦩꦶꦱꦫꦶꦱ꧀꧈ꦥꦺ꧈ꦒꦺ꧈ꦩꦢꦸꦏꦶꦱ꧀ꦩ꧉

꧋ꦲꦶꦁꦠꦁꦒꦭ꧀꧇꧒꧇ꦎꦏ꧀ꦠꦺꦴꦧꦼꦂ꧇꧑꧙꧘꧘꧇ꦯꦿꦶꦯꦸꦭ꧀ꦡꦤ꧀ꦲꦩꦼꦁꦏꦸꦨꦸꦮꦤ꧇꧙꧇ꦱꦸꦫꦸꦢ꧀‍꧈ꦏ꧈ꦒꦺ꧈ꦥꦺ꧈ꦲ꧈ꦩꦁꦏꦸꦨꦸꦩꦶꦭꦗꦼꦁꦢꦢꦺꦴꦱ꧀ꦧꦏꦭ꧀ꦕꦭꦺꦴꦤ꧀ꦲꦶꦁꦏꦁꦔ꧀ꦭꦺꦁꦱꦺꦂꦏꦼꦥꦿꦧꦺꦴꦤ꧀ꦱꦭꦗꦼꦁꦔꦶꦥꦸꦤ꧀꧈ꦗꦸꦩꦼꦤꦼꦁꦔꦤ꧀ꦢꦊꦩ꧀ꦥꦸꦤꦶꦏꦩꦶꦤꦺꦴꦁꦏꦧꦧ꧀ꦲꦶꦁꦏꦁꦏꦥꦺꦠꦁꦲꦺꦁꦒꦭ꧀ꦲꦶꦁꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠ꧈ꦲꦮꦶꦠ꧀ꦲꦶꦁꦗꦩꦤ꧀ꦱꦢꦺꦫꦺꦁꦔꦶꦥꦸꦤ꧀꧈ꦱꦧꦼꦤ꧀ꦯꦸꦭ꧀ꦡꦤ꧀ꦲꦶꦁꦏꦁꦧꦣꦺꦗꦸꦩꦼꦤꦼꦁꦤꦠꦏꦼꦢꦃꦩꦮꦶꦥꦭꦶꦭꦃꦲꦶꦥꦸꦤ꧀ꦮꦭꦤ꧀ꦢꦶ꧉

꧋ꦱꦢꦺꦫꦺꦁꦔꦶꦥꦸꦤ꧀ꦏꦗꦸꦩꦼꦤꦼꦁꦏꦼꦤ꧀꧈ꦏ꧈ꦒꦺ꧈ꦥꦺ꧈ꦲ꧈ꦩꦁꦏꦸꦨꦸꦩꦶꦏꦥꦫꦶꦁꦔꦤ꧀ꦏꦏꦚ꧀ꦕꦶꦁꦔꦤ꧀ꦲꦱ꧀ꦩꦏꦁꦗꦼꦁꦥꦔꦺꦫꦤ꧀ꦲꦢꦶꦥꦠꦶꦲꦩꦼꦁꦏꦸꦤꦒꦫꦶꦱꦸꦢꦶꦧꦾꦠꦗꦥꦸꦠꦿꦤꦭꦺꦤ꧀ꦢꦿꦩꦠꦫꦩ꧀ꦩꦶꦤꦺꦴꦁꦏꦕꦶꦃꦤꦢꦢꦺꦴꦱ꧀ꦥꦔꦺꦫꦤ꧀ꦥꦠꦶ꧈ꦭꦤ꧀ꦏꦗꦸꦩꦸꦤꦼꦁꦔꦏꦼꦤ꧀ꦩꦶꦤꦺꦴꦁꦏꦯꦸꦭ꧀ꦡꦤ꧀ꦲꦶꦁꦏꦯꦸꦭ꧀ꦡꦤ꧀ꦤꦤ꧀ꦔꦪꦺꦴꦒꦾꦏꦂꦠꦲꦶꦁꦠꦁꦒꦭ꧀꧇꧗꧇ꦩꦉꦠ꧀꧇꧑꧙꧘꧙꧇ꦲꦸꦠꦮꦶꦢꦶꦤ꧀ꦠꦼꦤ꧀ꦱ꧀ꦭꦱꦮꦒꦺ꧇꧒꧙꧇ꦉꦗꦼꦧ꧀꧇꧑꧙꧒꧑꧇ꦗꦮꦶ꧉

Sri Sultan Hamengku Buwono Ka10 pada saat dinobatkan pada tanggal 7 Maret 1989. Sumber: Tepas Tandha Yekti

PROFIL HB Ka 10

TATA PEMERINTAHAN