ꦲꦸ​ꦒꦶ​ꦏ​ꦮꦱ꧀ꦠ​ꦤ꧀ꦤꦤ꧀ꦏꦤ꧀ꦛꦶ​ꦲꦱ꧀ꦩ​ꦥ​ꦔꦺ​ꦫꦤ꧀ꦩꦁ​ꦑꦸꦨꦸꦩꦶ​꧈ ꦲꦶꦁ​ꦏꦁ​ꦩ​ꦢꦼ​ꦒ꧀ꦲ​ꦏꦼꦤ꧀ꦏ​ꦫ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ​ꦥꦸ​ꦤꦶ​ꦏ​ꦩꦶ​ꦪꦺꦴꦱ꧀ꦲꦶꦁ​ꦱꦸ​ꦫꦾ​ꦏ​ꦥꦶꦁ​ ꧇​꧕꧇ ꦲ​ꦒꦸꦱ꧀ꦠꦸꦱ꧀ ꧇​꧑​꧗​꧑​꧗꧇ ꦏꦤ꧀ꦛꦶ​ꦲꦱ꧀ꦩ​ꦧꦼꦤ꧀ꦢ​ꦫ​ꦫ​ꦢꦺꦤ꧀ꦩꦱ꧀ꦯꦸꦗꦟ​꧉ ꦥ​ꦔꦺꦫꦤ꧀ꦩꦁ​ꦑꦸꦨꦸꦩꦶ​ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦥꦸ​ꦠꦿ​ꦯꦸꦟꦟ꧀ꦲ​ꦩꦁ​ꦑꦸꦫꦠ ꧇꧔꧇ꦱ​ꦏꦶꦁ​ꦒꦂꦮꦲꦩ꧀ꦥꦺ ꦪꦤ꧀ꦲꦶꦁ​ꦏꦁ​ꦲꦱ꧀ꦩ​ꦤꦶ​ꦥꦸꦤ꧀ꦩꦱ꧀ꦲ​ꦪꦸ​ꦡꦺꦗꦮꦡꦶ​꧉ ꦲꦶꦁ​ꦩꦁ​ꦏꦺ​꧈ ꦩꦶ​ꦤꦁ​ꦏ​ꦲꦶꦁ​ꦏꦁ​ꦲ​ꦤꦼ​ꦠꦼ​ꦥ꧀ꦥꦏꦼꦤ꧀ꦝ​ꦱꦂꦫꦶꦁ​ꦏ​ꦧꦸ​ꦢ​ꦪꦤ꧀ꦩ​ꦡ​ꦫꦩ꧀꧈ ꦥꦚ꧀ꦗꦼ​ꦤꦼꦔꦤ꧀ꦤꦶ​ꦥꦸꦤ꧀ꦧ​ꦝꦺ​ꦲꦁ​ꦔꦽꦁ​ꦒ​ꦭꦤ꧀ꦥ​ꦫꦶꦁ​ꦢ​ꦪ​ꦝꦸ​ꦩ​ꦠꦼꦁ​ꦏꦿ​ꦠꦺꦴꦤ꧀ꦭꦤ꧀ꦱ​ꦢ​ꦪ​ꦏ​ꦮꦸ​ꦭ​ꦔ​ꦪꦺꦴ​ꦓꦾꦑꦂꦡ​꧉

ꦩꦶ​ꦪꦺꦴꦱ꧀ꦲꦶꦁ​ꦥꦺ​ꦫꦺꦁ​ꦔꦶꦁ​ꦉ​ꦢꦶ​ꦱꦶꦤ꧀ꦢꦫ​ꦮꦺꦴꦤ꧀ꦠꦼꦤ꧀ꦲꦶꦁ​ꦱꦸꦂꦪꦏ​ꦥꦶꦁ​ ꧇​꧗꧇ ꦩ​ꦉꦠ꧀ ꧇​꧑​꧗​꧕​꧐꧇ ꦱ​ꦏꦶꦁ​ꦥꦿ​ꦩꦺꦱ꧀ꦮ​ꦫꦶ​ꦤꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ​꧇꧑꧇​ꦲꦶꦁ​ꦏꦁ​ꦏ​ꦥꦶꦁ​ꦏ​ꦭꦶꦃ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦏ​ꦒꦸ​ꦔꦤ꧀ꦲꦱ꧀ꦩ​ꦠꦶ​ꦩꦸꦂ​ꦫ​ꦢꦺꦤ꧀ꦩꦱ꧀꧉ꦫ꧈ꦩ꧉ ꦱꦸꦤ꧀ꦢ​ꦫ​꧉ ꦤ​ꦭꦶ​ꦏ​ꦠꦏ꧀ꦱꦶꦃ​ꦲ​ꦭꦶꦠ꧀꧉ꦫ꧈ꦩ꧉ꦱꦸꦤ꧀ꦢ​ꦫ​ꦏ​ꦭꦶ​ꦪꦤ꧀ꦲꦶ​ꦧꦸ​꧈ ꦒꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​ ꧉ꦒ꧈ꦏ꧈ꦫ꧉ ꦏ​ꦢꦶ​ꦥ​ꦠꦼꦤ꧀ꦢꦼ​ꦢꦸ​ꦤꦸꦁ​ꦲꦶꦁ​ꦥ​ꦔ​ꦭꦸ​ꦱ꧀ꦱꦤ꧀ꦲ​ꦩꦂ​ꦒꦶ​ꦥꦿꦁ​ꦏ​ꦭꦶ​ꦪꦤ꧀꧉ ꦥ꦳ꦺ꧈ꦎ꧈ꦕꦺ꧉꧉ ꦏ​ꦲ​ꦤꦤ꧀ꦥꦸ​ꦤꦶ​ꦏ​ꦲꦶꦁ​ꦏꦁ​ꦢ​ꦢꦺꦴ​ꦱ꧀ꦱ​ꦏꦼꦤ꧀ꦱꦶ​ꦥꦠ꧀ꦱ​ꦲ​ꦮ​ꦠ​ꦏ꧀ꦏꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦲꦶꦁ​ꦏꦁ​ꦏꦼꦤ꧀ꦢꦼꦭ꧀ꦲꦸ​ꦒꦶ​ꦱꦸ​ꦫ​꧉

ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧇꧓꧇​ꦏ​ꦒꦸ​ꦔꦤ꧀ꦲꦱ꧀ꦩ​ꦠꦶ​ꦩꦸꦂ​ꦫ​ꦢꦺꦤ꧀ꦩꦱ꧀ꦯꦸꦫ​ꦗ​꧉ꦲꦶꦁ​ꦏꦁ​ꦩꦶ​ꦪꦺꦴꦱ꧀ꦠꦁ​ꦒꦭ꧀ ꧇​꧒​꧐꧇ ꦥ꦳ꦼ​ꦧꦿꦸ​ꦮ​ꦫꦶ​ ꧇​꧑​꧗​꧖​꧙꧇ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦥꦸ​ꦠꦿ​ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧇꧒꧇​ꦏ​ꦭꦶ​ꦪꦤ꧀ꦓꦸꦱ꧀ꦠꦶ​ꦑꦚ꧀ꦗꦼꦁ​ꦫ​ꦠꦸ​ꦑꦼ​ꦣ​ꦠꦺꦴꦤ꧀꧉ꦮꦺꦴꦤ꧀ꦠꦼꦤ꧀ꦧꦶ​ꦲꦺꦴ​ꦒꦿ​ꦥ꦳ꦶ​ꦠꦤ꧀ꦗꦶꦤ꧀ꦱꦶꦁ​ꦢꦶ​ꦥꦸꦤ꧀ꦱꦼ​ꦧ​ꦠ​ꦏꦼꦤ꧀ꦧꦶ​ꦭꦶꦃ​ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦏ​ꦊ​ꦧꦼꦠ꧀ꦠꦶ​ꦪꦁ​ꦲꦶꦁ​ꦏꦁ​ꦩꦺꦤ꧀ꦢꦼꦭ꧀ꦱ​ꦲ​ꦉ​ꦩꦼꦤ꧀ꦔ​ꦭꦃ​꧉

꧋ꦩꦶ​ꦪꦺꦴꦱ꧀ꦱꦸꦂ​ꦪꦏ​ꦥꦶꦁ​ ꧇​꧓꧇ ꦲ​ꦥꦿꦶꦭ꧀ ꧇​꧑​꧘​꧐​꧔꧇ ꦏꦤ꧀ꦛꦶ​ꦲꦱ꧀ꦩ​ꦲ​ꦭꦶꦠ꧀ꦓꦸꦱ꧀ꦠꦶ​ꦫ​ꦢꦼꦤ꧀ꦩꦱ꧀꧌ꦒ꧈ꦫ꧈ꦩ꧍ꦆꦧ꧀ꦤꦸ​ꦗ​ꦫꦺꦴꦠ꧀꧈ ꦥꦚ꧀ꦗꦼ​ꦤꦼ​ꦔ​ꦤꦶ​ꦥꦸꦤ꧀ꦢꦶ​ꦥꦸꦤ꧀ꦠꦼ​ꦢꦃ​ꦢ​ꦢꦺꦴꦱ꧀ꦥꦔꦺꦫꦤ꧀ꦥꦠꦶ​ꦤ​ꦭꦶ​ꦏ​ꦥ​ꦲꦧꦶꦱꦺꦏ​ꦤꦶ​ꦥꦸꦤ꧀ꦫꦩꦢꦊꦩ꧀ꦢ​ꦢꦺꦴꦱ꧀ꦱꦸꦭ꧀ꦠꦤ꧀ꦫꦶꦏꦭ​ꦱꦸꦂꦪ​ꦏ​ꦥꦶꦁ​ ꧇​꧒​꧑꧇ ꦗꦸ​ꦤꦶ​ ꧇​꧑​꧘​꧑​꧒꧇ ꧉ ꦩ꧀ꦧꦺꦴ​ꦠꦼꦤ꧀ꦢ​ꦔꦸ​꧈ ꦥꦸ​ꦠꦿ​ꦯꦿꦶ​ꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮꦤ​꧇꧓꧇​ꦏ​ꦭꦶ​ꦪꦤ꧀ꦥꦿ​ꦩꦺꦱ꧀ꦮꦫꦶ​​ꦓꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​꧌ꦒ꧈ꦏ꧈ꦫ꧍ꦲ​ꦒꦼꦁ​ꦥꦸ​ꦤꦶ​ꦏ​ꦗꦸ​ꦩꦼ​ꦤꦼꦁ​ꦢ​ꦢꦺꦴꦱ꧀ꦯꦿꦶ​ꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧇꧔꧇ ꦫꦶ​ꦏ​ꦭ​ꦱꦸꦂꦪ​ꦏ​ꦥꦶꦁ​ ꧇​꧙꧇ ꦤꦺꦴ​ꦥ꦳ꦼꦩ꧀ꦧꦼꦂ​ ꧇​꧑​꧘​꧑​꧔꧇ ꦤ​ꦭꦶ​ꦏ​ꦪꦸ​ꦱ꧀ꦮ​ꦤꦶ​ꦥꦸꦤ꧀ꦠꦏ꧀ꦱꦶꦃ​ ꧇​꧑​꧐꧇ ꦠꦲꦸꦤ꧀꧉

꧋ꦩꦶ​ꦪꦺꦴꦱ꧀ꦲꦶꦁ​ꦮꦚ꧀ꦕꦶ​ ꧇​꧒​꧐꧇ ꦗ​ꦤꦸ​ꦮ​ꦫꦶ​ ꧇​꧑​꧘​꧒​꧑꧇ ꧈ ꦥꦸ​ꦠꦿ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦨꦸ​ꦮꦤ​꧇꧔꧇​ꦏ​ꦭꦶꦪꦤ꧀ꦒꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​꧌ꦒ꧈ꦏ꧈ꦫ꧍ꦏꦼꦚ꧀ꦕꦤ​ꦢꦶ​ꦥꦸꦤ꧀ꦥ​ꦫꦶ​ꦔꦶ​ꦲꦱ꧀ꦩ​ꦒꦸꦱ꧀ꦠꦶ​ꦫ​ꦢꦼꦤ꧀ꦩꦱ꧀꧌ꦒ꧈ꦫ꧈ꦩ꧍ꦒ​ꦠꦺꦴꦠ꧀ꦩꦺ​ꦤꦺꦴꦭ꧀꧉ ꦮꦂ​ꦱ​ ꧇​꧑​꧘​꧒​꧓꧇ ꧈ ꦤ​ꦭꦶ​ꦏ​ꦫ​ꦩ​ꦤꦶ​ꦥꦸꦤ꧀ꦱꦺꦢ​꧈ ꧍​꧌ꦒ꧈ꦫ꧈ꦩ꧍ ꦒ​ꦠꦺꦴꦠ꧀ꦩꦺꦤꦺꦴꦭ꧀ꦢ​ꦢꦺꦴꦱ꧀ꦯꦿꦶ​ꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤꦺ꧇꧕꧇ꦤ​ꦭꦶ​ꦏ​ꦠ​ꦱꦶꦃ​ꦪꦸ​ꦱ꧀ꦮ​ ꧇​꧓꧇ ꦠꦲꦸꦤ꧀꧉ ꦠꦸ​ꦮꦸꦃ​ꦲ​ꦒꦼꦁ​ꦏꦤ꧀ꦛꦶ​ꦲꦸꦥꦏꦿꦩ​ꦩ꧀ꦭꦶꦒꦶ​ꦲꦤ꧀ꦠ​ꦮꦶꦱ꧀ꦥ​ꦔꦿ​ꦲꦺꦴ​ꦱꦤ꧀ꦏꦸ​ꦕꦶ​ꦮ​ꦭꦤ꧀ꦠꦁ​ꦒꦼꦭ꧀ꦗ​ꦮꦧ꧀ꦲꦶꦁ​ꦏꦁ​ꦲ​ꦒꦼꦁ​ꦢ​ꦢꦺꦴ​ꦱ​ꦏꦼꦤ꧀ꦔꦂ​ꦱ​ꦢ​ꦊꦩ꧀ꦢ​ꦢꦺꦴꦱ꧀ꦠꦶ​ꦪꦁ​ꦲꦶꦁ​ꦏꦁ​ꦲ​ꦭꦸꦱ꧀ꦭꦤ꧀ꦱ​ꦱ​ꦒꦼ​ꦢꦠꦶ​ꦥꦸꦤ꧀ꦩ꧀ꦧꦺꦴ​ꦠꦼꦤ꧀ꦏ​ꦱꦂ​꧉

꧋ꦓꦸꦱ꧀ꦠꦶ​ꦫ​ꦢꦺꦤ꧀ꦩꦱ꧀꧌ꦒ꧈ꦫ꧈ꦩ꧍ꦩꦸꦱ꧀ꦠ​ꦗ​ꦩꦶ​ꦪꦺꦴꦱ꧀ꦲꦶꦁ​ ꧇​꧑​꧐꧇ ꦄꦒꦸꦱ꧀ꦠꦸꦱ꧀ ꧇​꧑​꧘​꧒​꧑꧇ ꧈ ꦲꦶꦁ​ꦒꦶꦃ​ꦩꦼ​ꦤꦶ​ꦏ​ꦥꦸ​ꦠꦿ​ꦯꦿꦶ​ꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧇꧔꧇ꦱ​ꦏꦶꦁ​ꦥꦿ​ꦩꦺꦱ꧀ꦮ​ꦫꦶ​ꦒꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​꧌ꦒ꧈ꦏ꧈ꦫ꧍ꦏꦼꦚ꧀ꦕ​ꦤ​꧉ ꦫꦶ​ꦏ​ꦭ​ꦠ​ꦲꦸꦤ꧀ ꧇​꧑​꧘​꧓​꧙꧇ ꧈ ꦩꦸꦱ꧀ꦠ​ꦗ​ꦏ​ꦮꦶ​ꦱꦸ​ꦣ​ꦲꦱ꧀ꦩ​ꦤꦶꦥꦸꦤ꧀ꦢ​ꦢꦺꦴꦱ꧀ꦥ​ꦔꦺ​ꦫꦤ꧀ꦲ​ꦢꦶ​ꦥ​ꦠꦶ​ꦩꦁ​ꦏꦸ​ꦧꦸ​ꦩꦶ​꧉ ꦭ​ꦗꦼꦁ​ꦥꦚ꧀ꦗꦼ​ꦤꦼ​ꦔ​ꦤꦶ​ꦥꦸꦤ꧀ꦥꦶ​ꦏꦤ꧀ꦠꦸꦏ꧀ꦥꦁ​ꦏꦠ꧀ꦭꦺꦠ꧀ꦤꦤ꧀ꦏꦺꦴ​ꦭꦺꦴ​ꦤꦺꦭ꧀ꦱ​ꦏꦶꦁ​ꦥ​ꦩ​ꦫꦶꦤ꧀ꦠꦃ​ꦲꦶꦤ꧀ꦢꦶ​ꦪ​ꦧꦼ​ꦭꦤ꧀ꦢ​꧉ ꦲꦶꦁ​ꦏꦁ​ꦲꦶꦁ​ꦠꦼꦩ꧀ꦧꦺ​꧈ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦩꦶꦁ​ꦒꦃ​ꦥꦁ​ꦏꦠ꧀ꦢ​ꦢꦺꦴꦱ꧀ꦏꦺꦴ​ꦭꦺꦴ​ꦤꦺꦭ꧀ꦲꦶꦁ​ꦠ​ꦲꦸꦤ꧀ ꧇​꧑​꧘​꧔​꧗꧇ ꧉

ꦓꦸꦱ꧀ꦠꦶ​ꦫ​ꦢꦺꦤ꧀ꦩꦱ꧀꧌ꦒ꧈ꦫ꧈ꦩ꧍ꦩꦸꦂ​ꦠꦺ​ꦗ​꧈ ꦥꦸ​ꦤꦶ​ꦏ​ꦲꦱ꧀ꦩ​ꦠꦶ​ꦩꦸꦂ​ꦫꦶ​ꦥꦸꦤ꧀꧈ ꦩꦶ​ꦪꦺꦴꦱ꧀ꦲꦶꦁ​ꦱꦸꦂꦪ​ꦏ​ꦥꦶꦁ​ ꧇​꧔꧇ ꦥ꦳ꦼ​ꦧꦿꦸ​ꦮ​ꦫꦶ​ ꧇​꧑​꧘​꧓​꧙꧇ ꦱ​ꦏꦶꦁ​ꦱꦁ​ꦲꦶ​ꦧꦸ​ꦓꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​꧌ꦒ꧈ꦏ꧈ꦫ꧍ꦱꦸꦭ꧀ꦠꦤ꧀꧉ ​꧌ꦒ꧈ꦏ꧈ꦫ꧍ꦱꦸꦭ꧀ꦠꦤ꧀ꦥꦸ​ꦤꦶ​ꦏ​ꦥꦿ​ꦩꦺ​ꦱ꧀ꦮ​ꦫꦶ​ꦲꦶꦁ​ꦏꦁ​ꦏ​ꦥꦶꦁ​ꦏ​ꦭꦶꦃ​ꦲꦶ​ꦥꦸꦤ꧀ꦯꦿꦶꦯꦸꦱꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​ ꧇​꧖꧇ ꧉ ꦥꦿ​ꦩꦺ​ꦱ꧀ꦮ​ꦫꦶ​ꦲꦶꦁ​ꦏꦁ​ꦱ​ꦥꦶ​ꦱꦤ꧀꧈​꧌ꦒ꧈ꦏ꧈ꦫ꧍ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧈ ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦥꦸ​ꦠꦿꦶ​ꦢ​ꦊꦩ꧀ꦦꦏꦸ​ꦧꦸ​ꦮ​ꦤ​ ꧇​꧗꧇ ꦱ​ꦏꦶꦁ​ꦱꦸ​ꦫ​ꦏꦂ​ꦠ​꧈ ꦩ꧀ꦧꦺꦴ​ꦠꦼꦤ꧀ꦒ​ꦣꦃ​ꦥꦸ​ꦠꦿ​ꦗ​ꦊꦂ​꧉ ꦩꦶ​ꦭ​ꦩ​ꦏ​ꦠꦼꦤ꧀꧈ ꦱ​ꦱꦩ꧀ꦥꦸ​ꦤꦶ​ꦥꦸꦤ꧀ꦯꦿꦶ​ꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​ ꧇​꧖꧇ ꦱꦸ​ꦫꦸꦢ꧀꧈ ​꧌ꦒ꧈ꦫ꧈ꦩ꧍ꦩꦸꦂ​ꦠꦺꦗ​ꦢ​ꦢꦺꦴꦱ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​ ꧇​꧗꧇ ꦫꦶ​ꦏ​ꦭ​ꦠꦁ​ꦒꦭ꧀ ꧇​꧑​꧓꧇ ꦲ​ꦒꦸꦱ꧀ꦠꦸꦱ꧀ ꧇​꧑​꧘​꧗​꧗꧇ ꧉

ꦮꦺꦴꦤ꧀ꦠꦼꦤ꧀ꦲꦶꦁ​ꦱꦸꦂꦪ꧇​꧓꧇ ꦩ​ꦉꦠ꧀ ꧇​꧑​꧘​꧘​꧐꧇ ꧈ ꦩꦶ​ꦪꦺꦴꦱ꧀ꦥꦸ​ꦠꦿ​ꦢ​ꦊꦩ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮꦤ ꧇꧗꧇ ​ꦱ​ꦏꦶꦁ​ꦒꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​ ꧉ꦒ꧈ꦏ꧈ꦫ꧉ ꦲꦼ​ꦩꦱ꧀ꦲꦶꦁ​ꦏꦁ​ꦢꦶ​ꦥꦸꦤ꧀ꦥ​ꦫꦶꦁ​ꦔꦶꦲꦱ꧀ꦩ​ꦒꦸꦱ꧀ꦠꦶ​ꦫ​ꦢꦺꦤ꧀ꦩꦱ꧀ ꧉ꦒ꧈ꦫ꧈ꦩ꧉ ꦱꦸ​ꦗ​ꦢꦶ​꧉ ꦱꦏ꧀ꦱꦩ꧀ꦥꦸ​ꦤꦶ​ꦥꦸꦤ꧀ꦔꦚ꧀ꦕꦶꦏ꧀ꦢꦶ​ꦮ​ꦱ​꧈ ꧉ꦒ꧈ꦫ꧈ꦩ꧉ ꦱꦸ​ꦗ​ꦢꦶ​ꦥꦶ​ꦤ​ꦫꦶ​ꦔꦤ꧀ꦏ​ꦊꦁ​ꦒꦃ​ꦲꦤ꧀ꦩꦶꦤꦁꦏꦒꦸꦱ꧀ꦠꦶ​ꦥ​ꦔꦺꦫꦤ꧀ꦲꦂꦪ ꧉ꦒ꧈ꦥ꧈ꦲ꧉ ꦥꦸ​ꦫꦸ​ꦧꦪ​ꦲꦶꦁ​ꦏꦁ​ꦗꦸ​ꦩꦼ​ꦤꦼꦁ​ꦤ​ꦠꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮꦤ ꧇꧘꧇ ​ꦲꦶꦁ​ꦠꦼꦩ꧀ꦧꦺ​꧉

ꦒꦸꦱ꧀ꦠꦶ​ꦫ​ꦢꦺꦤ꧀ꦩꦱ꧀ꦢ​ꦫ​ꦗ​ꦠꦸꦤ꧀꧈ ꦥꦸ​ꦤꦶ​ꦏ​ꦲꦱ꧀ꦩ​ꦥꦚ꧀ꦗꦼ​ꦤꦼ​ꦔ​ꦤꦶ​ꦥꦸꦤ꧀ꦫꦶ​ꦏ​ꦭ​ꦠꦏ꧀ꦱꦶꦃ​ꦠꦶ​ꦩꦸꦂ​꧉ ꦩꦶ​ꦪꦺꦴꦱ꧀ꦲꦶꦁ​ꦱꦸꦂꦪ​ ꧇​꧑​꧒꧇ ꦲ​ꦥꦿꦶꦭ꧀ ꧇​꧑​꧙​꧑​꧒꧇ ꧈ ꦥꦚ꧀ꦗꦼ​ꦤꦼ​ꦔ​ꦤꦶ​ꦥꦸꦤ꧀ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦥꦸ​ꦠꦿ​ꦏ​ꦥꦶꦁ​ꦱ​ꦔ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦏꦸ​ꦧꦸ​ꦮ​ꦤ​꧇꧘꧇​ꦱ​ꦏꦶꦁ​ꦒꦂꦮ​ꦤꦶ​ꦥꦸꦤ꧀ꦲꦶꦁ​ꦏꦁ​ꦲꦁ​ꦏ​ ꧇​꧕꧇ ꧈ ꦫ​ꦢꦺꦤ꧀ꦲ​ꦗꦼꦁ​ꦏꦸꦱ꧀ꦠꦶ​ꦭꦃ​ꦲꦸ​ꦠ​ꦮꦶ​ꦏꦚ꧀ꦗꦼꦁ​ꦫ​ꦠꦸ​ꦲ​ꦭꦶꦠ꧀꧉