ꦩꦶ​ꦪꦺꦴꦱ꧀ꦲꦶꦁ​ꦥꦺ​ꦫꦺꦁ​ꦔꦶꦁ​ꦉ​ꦢꦶ​ꦱꦶꦤ꧀ꦢꦫ​ꦮꦺꦴꦤ꧀ꦠꦼꦤ꧀ꦲꦶꦁ​ꦱꦸꦂꦪꦏ​ꦥꦶꦁ​ ꧇​꧗꧇ ꦩ​ꦉꦠ꧀ ꧇​꧑​꧗​꧕​꧐꧇ ꦱ​ꦏꦶꦁ​ꦥꦿ​ꦩꦺꦱ꧀ꦮ​ꦫꦶ​ꦤꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ​꧇꧑꧇​ꦲꦶꦁ​ꦏꦁ​ꦏ​ꦥꦶꦁ​ꦏ​ꦭꦶꦃ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦏ​ꦒꦸ​ꦔꦤ꧀ꦲꦱ꧀ꦩ​ꦠꦶ​ꦩꦸꦂ​ꦫ​ꦢꦺꦤ꧀ꦩꦱ꧀꧉ꦫ꧈ꦩ꧉ ꦱꦸꦤ꧀ꦢ​ꦫ​꧉ ꦤ​ꦭꦶ​ꦏ​ꦠꦏ꧀ꦱꦶꦃ​ꦲ​ꦭꦶꦠ꧀꧉ꦫ꧈ꦩ꧉ꦱꦸꦤ꧀ꦢ​ꦫ​ꦏ​ꦭꦶ​ꦪꦤ꧀ꦲꦶ​ꦧꦸ​꧈ ꦒꦸꦱ꧀ꦠꦶ​ꦏꦚ꧀ꦗꦼꦁ​ꦫ​ꦠꦸ​ ꧉ꦒ꧈ꦏ꧈ꦫ꧉ ꦏ​ꦢꦶ​ꦥ​ꦠꦼꦤ꧀ꦢꦼ​ꦢꦸ​ꦤꦸꦁ​ꦲꦶꦁ​ꦥ​ꦔ​ꦭꦸ​ꦱ꧀ꦱꦤ꧀ꦲ​ꦩꦂ​ꦒꦶ​ꦥꦿꦁ​ꦏ​ꦭꦶ​ꦪꦤ꧀꧉ ꦥ꦳ꦺ꧈ꦎ꧈ꦕꦺ꧉꧉ ꦏ​ꦲ​ꦤꦤ꧀ꦥꦸ​ꦤꦶ​ꦏ​ꦲꦶꦁ​ꦏꦁ​ꦢ​ꦢꦺꦴ​ꦱ꧀ꦱ​ꦏꦼꦤ꧀ꦱꦶ​ꦥꦠ꧀ꦱ​ꦲ​ꦮ​ꦠ​ꦏ꧀ꦏꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦲꦶꦁ​ꦏꦁ​ꦏꦼꦤ꧀ꦢꦼꦭ꧀ꦲꦸ​ꦒꦶ​ꦱꦸ​ꦫ​꧉

ꦤ​ꦭꦶ​ꦏ​ꦠꦶ​ꦠꦶ​ꦮꦚ꧀ꦕꦶ​ꦤꦶ​ꦥꦸꦤ꧀ꦥꦿ​ꦗꦚ꧀ꦗꦺꦤ꧀ꦒꦶ​ꦪꦤ꧀ꦠꦶ​ꦭꦤ꧀ꦱ​ꦭ​ꦗꦼꦁꦔꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇​ꦱ​ꦏꦸ​ꦭ​ꦮꦂ​ꦒ​ꦢ​ꦊꦩ꧀ꦧꦺꦴ​ꦪꦺꦴꦁ​ꦔꦤ꧀ꦝ​ꦠꦼꦁ​ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ​꧈ ꧉ꦫ ꧈ ꦩ꧉ ꦱꦸꦤ꧀ꦢ​ꦫ​ꦩꦁ​ꦒꦺꦤ꧀ꦮꦺꦴꦤ꧀ꦠꦼꦤ꧀ꦭꦼ​ꦧꦼꦠ꧀ꦧꦺꦠꦺꦁꦏꦿ​ꦠꦺꦴꦤ꧀ꦏꦤ꧀ꦛꦶ​ꦒꦼ​ꦭꦂ​ꦥꦸ​ꦠꦿ​ꦫ​ꦗ​꧉ ꦮꦶ​ꦮꦶꦠ꧀ꦥꦸ​ꦤꦶ​ꦏ​ꦲꦸ​ꦒꦶ​ꦏ​ꦠꦽꦱ꧀ꦤꦤ꧀ꦭꦤ꧀ꦏ​ꦥꦶ​ꦠ​ꦗꦼꦁꦔꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇​ꦢ​ꦢꦺꦴꦱ꧀ꦱꦁ​ꦱ​ꦪ​ꦲ​ꦒꦼꦁ​꧉ ꦲꦶꦁ​ꦮꦂ​ꦱ​ ꧇​꧑​꧗​꧕​꧘꧇ ꧈ ꦤ​ꦭꦶ​ꦏ​ ꧉ꦫ꧈ꦩ꧉ ꦱꦸꦤ꧀ꦢ​ꦫ​ꦢꦶ​ꦥꦸꦤ꧀ꦱꦸ​ꦥꦶꦠ꧀꧈ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦢꦶ​ꦥꦸ​ꦤ꧀ꦮꦶ​ꦱꦸ​ꦝ​ꦢ​ꦢꦺꦴꦱ꧀ꦥ​ꦔꦺꦫꦤ꧀ꦥꦠꦶ꧉

ꦱ​ꦗ​ꦠꦺꦴ​ꦱ꧀ꦱꦶ​ꦥꦸꦤ꧀ꦭꦸ​ꦩꦤ꧀ꦠꦂ​ꦱ​ꦏꦶꦁ​ꦒꦂꦮ​ꦥꦿ​ꦩꦺ​ꦱ꧀ꦮ​ꦫꦶ​ꦲꦶꦁ​ꦏꦁ​ꦏ​ꦥꦶꦁ​ꦱꦼ​ꦠꦸꦁ​ꦒꦭ꧀ ꧉ꦒ꧈ꦏ꧈ꦫ꧉ꦏꦼꦚ꧀ꦕ​ꦤ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇ꦱꦩ꧀ꦥꦸꦤ꧀ꦤꦼ​ꦠꦼ​ꦥ꧀ꦥ​ꦏꦼꦤ꧀ꦱꦶꦤ꧀ꦠꦼꦤ꧀ꦲꦶꦁ​ꦏꦁ​ꦩꦁ​ꦏꦺ​ꦢ​ꦢꦺꦴꦱ꧀ꦥ​ꦔꦺꦫꦤ꧀ꦥꦠꦶ꧉ ꦫ​ꦢꦺꦤ꧀ꦩꦱ꧀ꦲꦺꦤ꧀ꦠ​꧈ ꦥꦸ​ꦤꦶ​ꦏ​ꦲꦱ꧀ꦩ​ꦥ​ꦔꦺꦫꦤ꧀ꦥꦠꦶꦏ​ꦭ​ꦥꦸ​ꦤꦶ​ꦏ​꧉ ꦥ​ꦫ​ꦥꦸ​ꦗꦁ​ꦒ​ꦏꦿ​ꦠꦺꦴꦤ꧀ꦲ​ꦚꦼ​ꦫꦠ꧀ꦧꦶ​ꦭꦶꦃ​ꦏꦺꦴꦤꦢꦸꦂ​ꦫꦶ​ꦥꦸꦤ꧀ꦱ​ꦏꦶꦁ​ꦊ​ꦭ​ꦏꦸ​ꦝ​ꦠꦼꦁ​ꦧ​ꦫ​ꦧꦸ​ꦣꦸꦂ​꧈ ꦫ​ꦢꦺꦤ꧀ꦩꦱ꧀ꦲꦺꦤ꧀ꦠ​ꦤꦤ꧀ꦝꦁ​ꦒꦼ​ꦫꦃ​ꦱ​ꦱꦩ꧀ꦥꦸ​ꦤ꧀ꦤꦶ​ꦥꦸꦤ꧀ꦭ​ꦗꦼꦁ​ꦱꦸ​ꦫꦸꦢ꧀꧉ ꦲ​ꦮꦶꦠ꧀ꦱ​ꦏꦶꦁ​ꦥꦸ​ꦤꦶ​ꦏ​꧈ ꦲꦱ꧀ꦩ​ꦢ​ꦊꦩ꧀ꦥ​ꦔꦺꦫꦤ꧀ꦥꦠꦶꦢꦶꦥꦸꦤ꧀ꦥ​ꦫꦶꦁꦔꦏꦼꦤ꧀ꦝ​ꦠꦼꦁ​꧉ ꦫ꧈ꦩ꧉ ꦱꦸꦤ꧀ꦢ​ꦫ​꧉

ꦤ​ꦭꦶ​ꦏ​꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦔꦚ꧀ꦕꦶꦏ꧀ꦢꦶ​ꦮ​ꦱ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇ꦲꦁ​ꦒ​ꦝꦃꦲꦶ​ꦤꦶ​ꦪꦠ꧀ꦧ​ꦝꦺꦝꦲꦸ​ꦥ꧀ꦥ​ꦏꦼꦤ꧀ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦏ​ꦭꦶ​ꦪꦤ꧀ꦥꦸ​ꦠꦿꦶ​ꦱ​ꦏꦶꦁ​ꦏꦿ​ꦠꦺꦴꦤ꧀ꦏ​ꦱꦸ​ꦤ​ꦤꦤ꧀ꦯꦸꦫꦑꦂꦡ​꧉ ꦭꦸ​ꦩꦤ꧀ꦠꦂ​ꦗꦼ​ꦗꦺꦴ​ꦝꦺꦴꦃ​ꦲꦤ꧀ꦥꦸ​ꦤꦶ​ꦏ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ​꧇꧑꧇​ꦠꦏ꧀ꦱꦶꦃ​ꦏ​ꦒꦸ​ꦔꦤ꧀ꦏꦼꦂ​ꦱ​ꦏꦁ​ꦒꦺ​ꦲ​ꦚ​ꦮꦶ​ꦗꦶꦏ꧀ꦏ​ꦏꦼꦤ꧀ꦠꦿꦃꦲꦶꦁ​ꦩ​ꦠ​ꦫꦩ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏ​ꦉꦁ​ꦏ​꧉ ꦏ​ꦕ​ꦫꦶ​ꦪꦺꦴꦱ꧀ꦧꦶ​ꦭꦶꦃ​꧉ ꦫ꧈ꦩ꧉ ꦱꦸꦤ꧀ꦢ​ꦫ​ꦠꦶꦤ꧀ꦢꦏ꧀ꦝ​ꦠꦼꦁ​ꦱꦸ​ꦫ​ꦏꦂ​ꦠ​ꦲꦶꦁ​ꦮꦂ​ꦱ​ ꧇​꧑​꧗​꧖​꧓꧇ ꦲꦸ​ꦒꦶ​ ꧇​꧑​꧗​꧖​꧕꧇ ꧉ ꦥꦼ​ꦥꦁ​ꦒꦶꦃꦲꦤ꧀ꦲꦁ​ꦒꦺ​ꦤ꧀ꦤꦶ​ꦥꦸꦤ꧀ꦧ​ꦝꦺ​ꦤꦩ꧀ꦧꦸꦠ꧀ꦱꦶ​ꦭ​ꦤꦶꦁ​ꦲ​ꦏꦿ​ꦩꦶ​ꦥꦸ​ꦤꦶ​ꦏ​ꦮꦸ​ꦏꦤ꧀꧉ ꦥꦸ​ꦠꦿꦶꦦꦑꦸꦨꦸꦮꦟ꧇꧓꧇ꦝꦲꦸꦥ꧀ꦏꦭꦶ​ꦪꦤ꧀ꦥꦸ​ꦠꦿ​ꦱ​ꦏꦶꦁ​ꦲ​ꦢꦶ​ꦥ​ꦠꦶ​ꦩꦁ​ꦑꦸꦟꦺꦓꦫ꧇꧑꧇​꧉

ꦤ​ꦭꦶ​ꦏ​꧉ ꦫ꧈ꦩ꧉ ꦱꦸꦤ꧀ꦢ​ꦫ​ꦠꦏ꧀ꦱꦶꦃ​ꦠꦶ​ꦩꦸꦂ​꧈ ꦱ​ꦱꦩ꧀ꦧꦼ​ꦠ꧀ꦠꦤ꧀ꦏꦿ​ꦠꦺꦴꦤ꧀ꦪꦺꦴ​ꦓꦾꦏꦂꦡꦏ​ꦭꦶ​ꦪꦤ꧀ꦯꦸꦫꦑꦂꦡꦲꦁꦭꦩ꧀ꦥꦃꦲꦶ​ꦒꦺꦴ​ꦫꦺꦃ꧉ ꦲꦶꦁ​ꦏꦁ​ꦗ​ꦭ​ꦫꦶ​ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦠ​ꦥꦺꦭ꧀ꦮ​ꦠꦼ​ꦱ꧀ꦱꦶꦁꦤ​ꦒꦿꦶ​ꦲꦶꦁ​ꦏꦁ​ꦧꦺꦴ​ꦠꦼꦤ꧀ꦕꦼ​ꦛ​꧉ ꦧꦼ​ꦝ​ꦩꦺꦤ꧀ꦭꦸ​ꦩꦤ꧀ꦠꦂ​ꦗꦼ​ꦗꦺꦴ​ꦝꦺꦴꦃ​ꦲꦤ꧀ꦲꦤ꧀ꦠ​ꦮꦶꦱ꧀ꦏꦼ​ꦏ​ꦭꦶꦃ​ꦥꦿ​ꦗ​ꦧꦺꦴ​ꦠꦼꦤ꧀ꦏ​ꦱꦶꦭ꧀꧉ ꦭ​ꦗꦼꦁ​ꦲꦶꦁ​ꦱꦸꦂꦪ ꧇​꧒​꧖꧇ ꦲ​ꦥꦿꦶꦭ꧀ ꧇​꧑​꧗​꧗​꧔꧇ ꧈ ꦢꦶ​ꦥꦸꦤ꧀ꦢ​ꦩꦼꦭ꧀ꦥꦿ​ꦗꦚ꧀ꦗꦺꦤ꧀ꦱꦼ​ꦩ​ꦫꦁ​ꦲꦶꦁ​ꦏꦁ​ꦢꦶ​ꦥꦸꦤ꧀ꦥꦤ꧀ꦝꦺꦒ​ꦤꦶ​ꦢꦺꦤꦶꦁ​ꦒꦸ​ꦧꦼꦂ​ꦤꦸꦂ꧉ꦥ꦳ꦺ꧈ꦎ꧈ꦕꦺ꧉ꦥ꦳ ꦤ꧀ꦢꦼ​ꦧꦸꦂ​꧉ ꦥꦿ​ꦗꦚ꧀ꦗꦺꦤ꧀ꦥꦸ​ꦤꦶ​ꦏ​ꦔ​ꦱꦶ​ꦭ꧀ꦭ​ꦏꦼꦤ꧀ꦮ​ꦠꦼꦱ꧀ꦤ​ꦒꦿꦶ​ꦲꦶꦁ​ꦏꦁ​ꦕꦼ​ꦛ​ꦱꦸ​ꦥ​ꦢꦺꦴꦱ꧀ꦧꦺꦴ​ꦠꦼꦤ꧀ꦮꦺꦴꦤ꧀ꦠꦼꦤ꧀ꦥ​ꦱꦸ​ꦭ​ꦪꦤ꧀ꦲꦶꦁ​ꦱ​ꦭ​ꦗꦼꦁꦔꦶ​ꦥꦸꦤ꧀꧉

꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦩꦼꦁ​ꦒ​ꦭꦶꦃ​ꦧꦶ​ꦭꦶꦃ​ꦥꦿ​ꦗꦚ꧀ꦗꦺꦤ꧀ꦒꦶ​ꦪꦤ꧀ꦠꦶ​ꦱ​ꦲ​ꦥꦿ​ꦗꦚ꧀ꦗꦺꦤ꧀ꦱꦼ​ꦩ​ꦫꦁ​ꦥꦸ​ꦤꦶ​ꦏ​ꦲꦤ꧀ꦢ​ꦩꦼꦭ꧀ꦏ​ꦮꦼ​ꦤꦁ​ꦔꦤ꧀ꦭꦤ꧀ꦮꦼ​ꦮꦼꦁ​ꦏꦺꦴ​ꦤ꧀ꦤꦶꦁꦫ​ꦗ​ꦫ​ꦗ​ꦗ​ꦮꦶ​ꦱꦤ꧀ꦱ​ꦪ​ꦕꦶ​ꦪꦸꦠ꧀꧉ ꦏ​ꦭꦶꦃ​ꦥꦿ​ꦗꦚ꧀ꦗꦺꦤ꧀ꦥꦸ​ꦤꦶ​ꦏ​ꦭꦁ​ꦏꦸꦁ​ꦥ​ꦏꦼ​ꦤ​ꦝꦸꦩ​ꦠꦼꦁ꧉ꦥ꦳ꦺ꧈ꦎ꧈ꦕꦺ꧉ꦲ​ꦩꦂ​ꦒꦶ​ꦮꦼ​ꦮꦼꦁ​ꦏꦺꦴ​ꦤ꧀ꦤꦶꦁꦏ​ꦮꦼ​ꦤꦁꦔ​ꦤ꧀ꦤꦶ​ꦥꦸꦤ꧀ꦏ​ꦊ​ꦉ​ꦱ꧀ꦱꦤ꧀ꦱꦁ​ꦱ​ꦪ​ꦲ​ꦒꦼꦁ​꧉ ꦱꦼ​ꦉ​ꦒ​ꦤꦶꦁ꧉ꦥ꦳꧈ꦎ꧈ꦕꦺ꧉​ꦲꦸꦒꦶ​ꦱꦁ​ꦱ​ꦪ​ꦏ​ꦠꦺꦴꦤ꧀ꦤ​ꦭꦶ​ꦏ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇ꦲꦸ​ꦒꦶ​ꦱꦸ​ꦤꦤ꧀ꦦꦑꦸꦨꦸꦮꦟ꧇꧓꧇​ꦮꦶ​ꦮꦶꦠ꧀ꦱꦸ​ꦢ​ꦏ​ꦱ​ꦫ​ꦱ꧀ꦱ​ꦤ꧀ꦤꦶ​ꦥꦸꦤ꧀꧉

ꦮꦶ​ꦮꦶꦠ꧀ꦱ​ꦏꦶꦁ​ꦥꦸ​ꦤꦶ​ꦏ​꧈ ꦫꦶ​ꦫꦶ​ꦱ꧀ꦱꦶꦁ​ꦩ​ꦤꦃꦲꦶ​ꦥꦸꦤ꧀꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦝꦸ​ꦩ​ꦠꦼꦁ꧉ꦥ꦳ꦺ꧈ꦎ꧈ꦕꦺ꧉ꦩ꧀ꦭꦶꦒꦶ​ꦤꦶ​ꦥꦸꦤ꧀ꦭꦤ꧀ꦠꦶ​ꦪꦁ​ꦔ​ꦩꦚ꧀ꦕ​ꦭꦶ​ꦩꦿꦃꦲꦶ​ꦥꦸꦤ꧀ꦱꦁ​ꦱ​ꦪ​ꦲ​ꦒꦼꦁ​꧉ ꦲ​ꦤ​ꦔꦶꦁ​꧈ ꦏ​ꦱꦸ​ꦚ​ꦠꦤ꧀ꦥꦸ​ꦤꦶ​ꦏ​ꦭꦁ​ꦏꦸꦁ​ꦢ​ꦢꦺꦴ​ꦱ꧀ꦱꦏꦼꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇ꦱꦁ​ꦱ​ꦪ​ꦠꦽꦱ꧀ꦤ​ꦱ​ꦲ​ꦒꦝꦁ꧉ ꦫ꧈ꦩ꧉ ꦱꦸꦤ꧀ꦢ​ꦫ​ꦱꦸ​ꦥ​ꦢꦺꦴꦱ꧀ꦱ​ꦒꦼꦢ꧀ꦗ​ꦒꦶ​ꦱ​ꦲ​ꦔ꧀ꦭꦼꦱ꧀ꦠꦤ꧀ꦠꦸ​ꦤ꧀ꦤ​ꦏꦼꦤ꧀ꦔ​ꦪꦺꦴ​ꦓꦾꦑꦂꦡ​ꦱ​ꦏꦶꦁ​ꦥ​ꦔ​ꦫꦶ​ꦧ​ꦮ​ꦤ꧀ꦤꦶꦁꦥ​ꦫ​ꦥꦚ꧀ꦗ​ꦗꦃ​꧉ ꦥꦼꦂ​ꦏ​ꦮꦶꦱ꧀ꦥꦸ​ꦤꦶ​ꦏ​ꦢꦶ​ꦥꦸ​ꦤ꧀ꦮꦸ​ꦗꦸ​ꦢ꧀ꦢ​ꦏꦼꦤ꧀ꦏꦤ꧀ꦛꦶ​ꦥ​ꦲꦂ​ꦒꦾꦤ꧀ꦲ​ꦮꦶꦠ꧀ꦮꦶ​ꦱꦸ​ꦢꦤ꧀꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦩꦶ​ꦤꦁ​ꦏ​ꦲꦶꦁ​ꦩꦁ​ꦏꦼ​ꦢ​ꦢꦺꦴꦱ꧀ꦱꦼ​ꦱꦸ​ꦭꦶꦃꦲꦶ​ꦥꦸꦤ꧀ꦫ​ꦗ​ꦫꦶꦏꦭ​ꦮꦂ​ꦱ​ ꧇​꧑​꧗​꧘​꧕꧇ ꧉ ꦥ​ꦲꦂ​ꦒꦾꦤ꧀ꦏ​ꦱꦼ​ꦧꦠ꧀ꦩꦶ​ꦠꦸ​ꦫꦸꦠ꧀ꦱ​ꦮꦼ​ꦠ​ꦮꦶꦱ꧀ꦱꦼ​ꦗ​ꦫ​ꦮꦤ꧀ꦢꦶ​ꦥꦸ​ꦤ꧀ꦮꦺꦴꦤ꧀ꦠꦼ​ꦤ꧀ꦤꦏꦼꦤ꧀ꦢꦺ​ꦤꦶꦁ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇​ꦏꦁ​ꦒꦺꦲꦁꦭꦁꦒꦼꦁꦔ​ꦏꦼꦤ꧀ꦲꦺꦮꦃ​ꦲꦶꦁ​ꦲ​ꦧꦢ꧀ꦮꦂ​ꦱ​ꦗ​ꦮꦶ​꧌ ꧇​꧑​꧗​꧐​꧐꧇ ꧍ꦏꦁ​ꦭꦶ​ꦩꦿꦃ​ꦲꦶ​ꦥꦸꦤ꧀ꦢꦶ​ꦥꦸꦤ꧀ꦠꦶ​ꦠꦶ​ꦩꦁ​ꦱ​ꦤꦶ​ꦏꦤ꧀ꦛꦶ​ꦊ​ꦭꦩ꧀ꦥꦃ​ꦲꦤ꧀ꦲꦶꦁ​ꦏꦁ​ꦮꦶ​ꦒ​ꦠꦺꦴꦱ꧀ꦲꦶꦁ​ꦧꦸ​ꦩꦶ​ꦗ​ꦮ​꧉

ꦩꦶ​ꦤꦁ​ꦏ​ꦱꦼ​ꦱꦸ​ꦭꦶꦃꦲꦶ​ꦥꦸꦤ꧀ꦫ​ꦗ​ꦲꦶꦁ​ꦠꦼꦩ꧀ꦧꦺ​ꦥꦸ​ꦤꦶ​ꦏ​꧈ ꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦩꦶ​ꦮꦶ​ꦠ꧀ꦠꦶ​ꦢ​ꦩꦼꦭ꧀ꦲꦺꦮꦃ​ꦲꦺꦮꦃꦲꦤ꧀ꦮꦺꦴꦤ꧀ꦠꦼꦤ꧀ꦭꦼ​ꦧꦼꦠ꧀ꦏꦿ​ꦠꦺꦴꦤ꧀ꦭꦤ꧀ꦗ​ꦒꦶ​ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ​ꦱ​ꦏꦶꦁ​ꦥ​ꦔ​ꦩꦃ​ꦲ​ꦩꦃ​ꦲꦶꦁ꧉ꦥ꦳ꦺ꧈ꦎ꧈ꦕꦺ꧉ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶꦥꦸꦤ꧀ꦲꦸ​ꦒꦶ​ꦔꦸ​ꦥ​ꦪ​ꦒ​ꦒ​ꦫ​ꦏꦼꦤ꧀ꦥꦩ꧀ꦧ​ꦔꦸ​ꦤ꧀ꦤꦤ꧀ꦧꦺꦤ꧀ꦠꦺꦁ​ꦫꦸꦱ꧀ꦠꦼꦤ꧀ꦧꦸꦂ​ꦲꦶꦁ​ꦏꦁ​ꦢꦶ​ꦥꦸꦤ꧀ꦥꦤ꧀ꦝꦺ​ꦒ​ꦤꦶ​ꦢꦺ​ꦤꦶꦁ​ꦏꦺꦴ​ꦩꦶ​ꦱ​ꦫꦶꦱ꧀ꦤꦶꦏꦺꦴꦭꦱ꧀ꦲꦂꦠꦶꦁꦮꦶ​ꦮꦶꦠ꧀ꦠꦲꦸꦤ꧀ ꧇​꧑​꧗​꧖​꧕꧇ ꦏꦤ꧀ꦛꦶ​ꦕ​ꦫ​ꦔꦼ​ꦫꦃꦲ​ꦏꦼꦤ꧀ꦧꦸ​ꦫꦸꦃ​ꦱ​ꦏꦶꦁ​ꦏꦿ​ꦠꦺꦴꦤ꧀ꦏꦁ​ꦒꦺ​ꦢ​ꦩꦼꦭ꧀ꦠꦺꦩ꧀ꦧꦺꦴꦏ꧀ꦧ​ꦭꦸ​ꦮꦂ​ꦠꦶ​ꦲꦶꦁ​ꦏꦁ​ꦔꦸ​ꦥꦼꦁ​ꦔꦶ​ꦲ​ꦭꦸꦤ꧀ꦲ​ꦭꦸꦤ꧀ꦭꦺꦂ​ꦏ​ꦭꦶ​ꦪꦤ꧀ꦏꦶ​ꦢꦸꦭ꧀꧉ ꦮꦸꦱ꧀ꦢꦺꦤ꧀ꦠꦼꦤ꧀꧈ ꦏꦁ​ꦒꦺꦲ​ꦔꦸ​ꦏꦸꦃꦲ​ꦏꦼꦤ꧀ꦧꦺꦠꦺꦁ​꧈ ꦩꦿꦶ​ꦪꦼꦩ꧀ꦕ​ꦕꦃ​ ꧇​꧑​꧓꧇ ꦢꦶ​ꦥꦸꦤ꧀ꦥ​ꦥ​ꦤ꧀ꦤ​ꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦱ​ꦔ​ꦗꦼꦁꦔꦶ​ꦥꦸꦤ꧀ꦏꦿ​ꦠꦺꦴꦤ꧀ꦔ​ꦝꦼꦥ꧀ꦲꦶꦁ​ꦲ​ꦫꦃ​ꦧꦺꦠꦺꦁꦮ​ꦭꦤ꧀ꦢꦶ​ꦏ​ꦱꦼ​ꦧꦠ꧀꧉

ꦥ​ꦩꦁ​ꦒꦶꦃ​ꦲꦁ​ꦒꦺ​ꦤ꧀ꦤꦶ​ꦥꦸꦤ꧀ꦲ​ꦩ​ꦥꦒ꧀ꦥꦚ꧀ꦗ​ꦗꦃ​ꦥꦸ​ꦤꦶ​ꦏ​ꦱ​ꦪ​ꦢ​ꦢꦿ​ꦱ​ꦱꦩ꧀ꦥꦸ​ꦤ꧀ꦤꦶ​ꦥꦸꦤ꧀꧉ꦫ꧈ꦩ ꧉ ꦱꦸꦤ꧀ꦢ​ꦫ​ꦗꦸ​ꦩꦼ​ꦤꦼꦁꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇ꦤ​ꦭꦶ​ꦏꦱꦸꦂꦪ꧇​꧒꧇ ꦲ​ꦥꦿꦶꦭ꧀ ꧇​꧑​꧗​꧙​꧒꧇ ꧉ ꦥꦚ꧀ꦗꦼ​ꦤꦼ​ꦔꦤ꧀ꦤꦶ​ꦥꦸꦤ꧀ꦤꦩ꧀ꦥꦶꦏ꧀ꦥ​ꦚꦸ​ꦮꦸ​ꦤ꧀ꦤꦤ꧀ꦱ​ꦏꦶꦁ​ꦮ​ꦏꦶꦭ꧀꧉ꦥ꦳ꦺ꧈ꦎ꧈ꦕꦺ꧉ꦲꦶꦁꦏꦁ​ꦤꦸꦤ꧀ꦠꦸꦠ꧀ꦢꦶ​ꦥꦸꦚ꧀ꦗꦗꦂꦫ​ꦏꦼꦤ꧀ꦭꦼꦁꦒꦃ​ꦲꦶ​ꦥꦸꦤ꧀ꦲꦶꦁ​ꦱ​ꦧꦼꦤ꧀ꦲ​ꦢꦶ​ꦕ​ꦫ​ꦥꦼ​ꦥꦁ​ꦒꦶꦃ​ꦲꦤ꧀ꦏ​ꦭꦶ​ꦪꦤ꧀ꦱꦸꦭ꧀ꦠꦤ꧀꧉ ꦏ​ꦗ​ꦮꦶ​ꦥꦸ​ꦤꦶ​ꦏ​꧈ ꦠꦤ꧀ꦥ​ꦥ​ꦫꦶꦁ​ꦲꦸ​ꦤꦶ​ꦔ​ꦝꦸ​ꦩ​ꦠꦼꦁ​꧉ꦥ꦳ꦺ꧈ꦎ꧈ꦕꦺ꧉꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ​꧇꧒꧇​ꦔ​ꦮꦸ​ꦭ​ꦮꦶ​ꦱꦸ​ꦢ​ꦥꦶ​ꦪꦩ꧀ꦧꦏ꧀ꦥ​ꦠꦶꦃ​ꦲꦶ​ꦥꦸꦤ꧀ꦩꦶ​ꦤꦁ​ꦏ​ꦱꦼ​ꦱꦸ​ꦭꦶꦃꦲꦶ​ꦥꦸꦤ꧀ꦢ​ꦤꦸ​ꦉ​ꦗ꧇꧑꧇​ꦲꦶꦁ​ꦏꦁ​ꦱꦺ​ꦢ​ꦤ​ꦭꦶ​ꦏ​ꦲ​ꦒꦸꦱ꧀ꦠꦸꦱ꧀ ꧇​꧑​꧗​꧙​꧙꧇ ꧉

ꦮꦺꦴꦤ꧀ꦠꦼꦤ꧀ꦏ​ꦛꦃ​ꦏ​ꦢ​ꦢꦺꦴ​ꦱ꧀ꦱꦤ꧀ꦮꦶ​ꦒ​ꦠꦺꦴꦱ꧀ꦤ​ꦭꦶ​ꦏ​ꦮꦶ​ꦮꦶ​ꦠ​ꦤ꧀ꦤꦶꦁ​ꦲ​ꦧꦢ꧀ ꧇​꧑​꧙꧇ ꧉ ꦩꦶ​ꦤꦁ​ꦏ​ꦏꦺꦴꦁ​ꦱꦶ​ꦢ​ꦒꦁ​꧈ ꧉ꦥ꦳ꦺ꧈ꦎ꧈ꦕꦺ꧉ꦏꦸꦏꦸꦢ꧀ꦭ​ꦗꦼꦁ​ꦢꦶ​ꦥꦸꦤ꧀ꦧꦶ​ꦧꦂꦫ​ꦏꦼꦤ꧀꧉ ꦲꦶꦁ​ꦮꦼꦏ꧀ꦢꦭ꧀ꦥꦸ​ꦤꦶ​ꦏ​꧈ ꦏꦿ​ꦗꦤ꧀ꦮ​ꦭꦤ꧀ꦢꦶ​ꦢꦶ​ꦥꦸꦚ꧀ꦗ​ꦗꦃ​ꦢꦺꦤꦶꦁ​ꦤ​ꦥꦺꦴ​ꦭꦺꦪꦺꦴꦤ꧀ꦱ​ꦏꦶꦁ​ꦥꦿꦚ꧀ꦕꦶꦱ꧀꧉ ꦠꦶ​ꦭ​ꦱ꧀ꦱꦶꦁꦮꦼ​ꦮꦼꦁ​ꦏꦺꦴꦤ꧀ꦲꦶꦁ​ꦏꦁ​ꦢꦶ​ꦥꦸꦤ꧀ꦏꦸ​ꦮ​ꦲꦺꦴ​ꦱ꧀ꦱꦶ​ꦢꦺ​ꦤꦶꦁ꧉ꦥ꦳ꦺ꧈ꦎ꧈ꦕꦺ꧉ꦭ​ꦗꦼꦁ​ꦢꦶ​ꦥꦸꦤ꧀ꦥꦸꦂ​ꦧ​ꦮꦶ​ꦱꦺ​ꦱ​ꦢꦺ​ꦤꦶꦁ​ꦥꦁ​ꦔꦿꦺꦃꦏꦺꦴ​ꦭꦺꦴ​ꦤꦶ​ꦪꦭ꧀꧉ ꦏꦁ​ꦒꦺ​ꦥ​ꦫꦶꦁ​ꦠꦼ​ꦠꦼꦁꦔꦼꦂ​ꦠꦸ​ꦩꦿꦥ꧀ꦲꦺ​ꦮꦃꦲꦶꦁ​ꦏ​ꦮꦺꦴꦤ꧀ꦠꦼ​ꦤ꧀ꦤꦤ꧀ꦏ​ꦱꦼ​ꦧꦠ꧀꧈ ꦲꦶꦁ​ꦱꦸꦂꦪ​ ꧇​꧑​꧔꧇ ꦗ​ꦤꦸ​ꦮ​ꦫꦶ​ ꧇​꧑​꧘​꧐​꧘꧇ ꧈ ꦲꦺꦂ​ꦩꦤ꧀ꦮꦶ​ꦭꦼꦩ꧀ꦝꦺꦤ꧀ꦝꦼꦭ꧀ꦢ​ꦢꦺꦴꦱ꧀ꦒꦸ​ꦧꦼꦂ​ꦤꦸꦂ​ꦗꦺꦤ꧀ꦢꦿꦭ꧀ꦲꦶꦤ꧀ꦝꦶ​ꦪꦃ​ꦧꦼ​ꦭꦤ꧀ꦝꦃꦲꦶꦁ​ꦏꦁ​ꦢꦶ​ꦥꦸ​ꦤ꧀ꦮꦶ​ꦱꦺ​ꦱ​ꦢꦺ​ꦤꦶꦁ​ꦥꦿꦚ꧀ꦕꦶꦱ꧀꧈ ꦩꦶ​ꦤꦁ​ꦏ​ꦱꦼ​ꦱꦸ​ꦭꦶꦃ​ꦲꦶꦁ​ꦥ​ꦫꦶ​ꦤ​ꦠ​ꦲꦶꦁ​ꦏꦁ​ꦱꦏ꧀ꦢꦺꦫꦺꦁ​ꦔꦶ​ꦥꦸꦤ꧀ꦢꦶ​ꦥꦸꦚ꧀ꦕꦼ​ꦥꦼꦁ​ꦢꦺ​ꦤꦶꦁ​ꦲꦭ꧀ꦧꦼꦂ​ꦠꦸꦱ꧀ꦲꦺ​ꦤꦿꦶ​ꦏꦸꦱ꧀ꦮꦶ​​ꦱꦼ​꧉

ꦝꦺꦤ꧀ꦝꦼꦭ꧀ꦢ​ꦩꦼꦭ꧀ꦲꦺꦮꦃ​ꦲꦤ꧀ꦲꦶꦁ​ꦏꦁ​ꦢ​ꦢꦺꦴ​ꦱ꧀ꦱ​ꦏꦼꦤ꧀ꦱ​ꦢ​ꦪ​ꦥꦿ​ꦗ​ꦮꦺꦴꦤ꧀ꦠꦼꦤ꧀ꦭꦼ​ꦧꦼꦠ꧀ꦠꦶ​ꦭ​ꦱ꧀ꦱꦶꦁ​ꦮꦼ​ꦮꦼꦁ​ꦏꦺꦴꦤ꧀ꦗ​ꦗꦃ​ꦲꦤ꧀꧉ꦥ꦳ꦺ꧈ꦎ꧈ꦕꦺ꧉ꦢꦶꦥꦸꦤ꧀ꦮꦶꦱꦺꦱꦢꦺꦤꦶꦁꦏꦿ​ꦗꦤ꧀ꦮ​ꦭꦤ꧀ꦢꦶ​꧉ ꦲ​ꦮꦶꦠ꧀ꦱ​ꦏꦶꦁ​ꦥꦸ​ꦤꦶ​ꦏ​꧈ ꦝꦺꦤ꧀ꦝꦼꦭ꧀ꦔꦼ​ꦢꦃ​ꦲ​ꦏꦼꦤ꧀ꦫ​ꦗ​ꦗ​ꦮꦶꦲ​ꦠꦸ​ꦠꦸꦂ​ꦝꦸ​ꦩ​ꦠꦼꦁ​ꦫ​ꦗ​ꦮ​ꦭꦤ꧀ꦢꦶ​꧉ ꦝꦺꦤ꧀ꦝꦼꦭ꧀ꦲꦸ​ꦒꦶ​ꦢ​ꦩꦼꦭ꧀ꦲꦁ​ꦒꦼꦂ​ꦲꦁ​ꦒꦼꦂ​ꦧꦶ​ꦭꦶꦃ​ꦥꦲꦸ​ꦒꦼꦂ​ꦫꦤ꧀ꦲꦁ​ꦒꦺ​ꦤ꧀ꦤꦶ​ꦥꦸꦤ꧀ꦔꦼ​ꦩꦺꦴ​ꦤꦃ​ꦲ​ꦭꦱ꧀ꦢꦶ​ꦥꦸ​ꦤ꧀ꦮꦶ​ꦱꦺꦱ​ꦢꦺ​ꦤꦶꦁ​ꦥ​ꦩ​ꦫꦺꦤ꧀ꦠꦃ​ꦏꦺꦴ​ꦭꦺꦴ​ꦤꦶ​ꦪꦭ꧀꧉

ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ​꧇꧒꧇​ꦤꦩ꧀ꦥꦶꦏ꧀ꦱꦼ​ꦢ​ꦪꦥꦲꦸ​ꦒꦼꦂ​ꦫꦤ꧀ꦲꦺꦁ​ꦒꦭ꧀ꦥꦸ​ꦤꦶ​ꦏ​꧉ ꦲꦶꦁ​ꦠꦼꦩ꧀ꦧꦺ​꧈ ꦝꦺꦤ꧀ꦝꦼꦭ꧀ꦫ​ꦮꦸꦃ​ꦝꦸꦩ​ꦠꦼꦁ​ꦪꦺꦴ​ꦓꦾꦑꦂꦡ​ꦏꦤ꧀ꦛꦶ​ꦔꦶ​ꦫꦶꦢ꧀ ꧇​꧓​꧓​꧐​꧐꧇ ꦥꦿ​ꦗꦸ​ꦫꦶꦠ꧀ꦏꦁꦒꦺ​ꦲ​ꦚꦼ​ꦉꦒ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​꧉ ꦠꦼ​ꦩꦃ​ꦲ​ꦤ꧀ꦤꦶ​ꦥꦸꦤ꧀ꦱ​ꦏꦶꦁ​ꦱꦼ​ꦉ​ꦒ꧀ꦒꦤ꧀ꦥꦸ​ꦤꦶ​ꦏ​꧈ ꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ​꧇꧒꧇​ꦢꦶ​ꦥꦸꦚ꧀ꦗꦶ​ꦪꦠ꧀ꦭꦺꦁ​ꦱꦺꦂꦏꦼ​ꦥꦿ​ꦧꦺꦴꦤ꧀ꦭ​ꦗꦼꦁ​ꦢꦶ​ꦥꦸꦤ꧀ꦱꦸ​ꦭꦶꦃꦲꦶ​ꦢꦺ​ꦤꦶꦁ​ꦥꦸ​ꦠꦿ​ꦤ꧀ꦤꦶ​ꦥꦸꦤ꧀꧈ ꧉ꦫ꧈ꦩ ꧉ ꦱꦸ​ꦫ​ꦗ​ꦲꦶꦁ​ꦏꦁ​ꦗꦸ​ꦩꦼ​ꦤꦼꦁꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧓꧇​ꦲꦶꦁ​ꦱꦸꦂꦪ꧇​꧓​꧑꧇ ꦝꦺꦱꦺꦩ꧀ꦧꦼꦂ​ ꧇​꧑​꧘​꧑​꧐꧇ ꧉

ꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ꧇꧓꧇​ꦏꦼ​ꦢꦃ​ꦚ​ꦫꦸ​ꦗꦸ​ꦏ꧀ꦏꦶꦥꦿ​ꦗꦚ꧀ꦗꦼꦤ꧀ꦏ​ꦭꦶ​ꦪꦤ꧀ꦮ​ꦭꦤ꧀ꦢꦶ​ꦏꦤ꧀ꦛꦶ​ꦱ​ꦫꦠ꧀ꦲꦶꦁ​ꦏꦁ​ꦲ​ꦮꦿꦠ꧀꧉ ꦲ​ꦤ​ꦔꦶꦁ​ꦥꦿ​ꦗꦚ꧀ꦗꦺꦤ꧀ꦲꦶꦁ​ꦏꦁ​ꦢꦶ​ꦥꦸꦤ꧀ꦠꦼ​ꦠꦼ​ꦥ꧀ꦥ​ꦏꦼꦤ꧀ꦲꦶꦁ​ꦗ​ꦤꦸ​ꦮ​ꦫꦶ​ ꧇​꧑​꧘​꧘​꧑꧇ ꦥꦸ​ꦤꦶ​ꦏ​ꦧꦺꦴ​ꦠꦼꦤ꧀ꦱ​ꦲꦺꦱ꧀ꦠꦸ​ꦢꦶ​ꦥꦸꦤ꧀ꦠꦺ​ꦏꦼ​ꦤ꧀ꦤꦶꦲ​ꦮꦶꦠ꧀ꦝ​ꦠꦼꦁ​ꦔꦶ​ꦥꦸꦤ꧀ꦲꦶꦁ​ꦒꦿꦶꦱ꧀ꦲꦶꦁ​ꦏꦁ​ꦢ​ꦢꦺꦴ​ꦱ꧀ꦱ​ꦏꦼꦤ꧀ꦮ​ꦭꦤ꧀ꦢꦶ​ꦩꦸꦤ꧀ꦢꦸꦂ​꧉ ꦮꦼꦏ꧀ꦢꦭ꧀ꦥꦸ​ꦤꦶ​ꦏ​ꦢꦶ​ꦥꦸ​ꦤ꧀ꦒꦶ​ꦤ​ꦏ꧀ꦏ​ꦏꦼꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ꧇꧓꧇​ꦏꦁ​ꦒꦺ​ꦗꦸ​ꦩꦼ​ꦤꦼꦁ​ꦫ​ꦠꦸ​ꦩ​ꦭꦶꦃ​꧉ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦲꦁꦭꦺꦁꦢꦺꦂꦫ​ꦏꦼꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧓꧇​ꦱ​ꦲ​ꦥ​ꦫꦶꦁ​ꦲꦸ​ꦏꦸ​ꦩ꧀ꦩꦤ꧀ꦝ​ꦠꦼꦁ​ꦥ​ꦠꦶꦃ​ꦢ​ꦤꦸ​ꦉ​ꦗ​꧇꧒꧇​ꦲꦶꦁ​ꦏꦁ​ꦩꦼ​ꦩꦶ​ꦠ꧀ꦠꦿꦤ꧀ꦏ​ꦭꦶ​ꦪꦤ꧀ꦮꦭꦤ꧀ꦝꦼꦭ꧀꧉

ꦥꦩ꧀ꦧꦼ​ꦏ꧀ꦏ​ꦤ꧀ꦤꦶꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦲꦶꦁ​ꦏꦁ​ꦏꦼ​ꦫꦱ꧀ꦥꦸ​ꦤꦶ​ꦏ​ꦢ​ꦢꦺꦴ​ꦱ꧀ꦱꦏꦼꦤ꧀ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶꦥꦸꦤ꧀ꦕꦺꦴꦁ​ꦏꦿꦃ​ꦏ​ꦭꦶ​ꦪꦤ꧀ꦥꦚ꧀ꦗ​ꦗꦃ​꧉ ꦮꦺꦴꦤ꧀ꦠꦼꦤ꧀ꦲꦶꦁ​ꦥ​ꦩꦶꦱꦺ​ꦱꦤ꧀ꦢꦺꦤꦶꦁ​ꦭꦺꦠ꧀ꦤꦤ꧀ꦒꦸ​ꦧꦼꦂ​ꦤꦸꦂ​ꦲꦶꦁ​ꦒꦿꦶꦱ꧀꧈ ꦠꦺꦴ​ꦩꦱ꧀ꦱ꧀ꦠꦩ꧀ꦥ꦳ꦺꦴꦂ​ꦫꦥ꦳꧀ꦭꦺꦱ꧀꧈ ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ​ꦢꦶ​ꦥꦸꦤ꧀ꦱꦼ​ꦫꦁꦢꦺ​ꦤꦶꦁ​ꦥꦿ​ꦗꦸ​ꦫꦶꦠ꧀ꦱꦼ​ꦥꦺꦴꦪ꧀ꦱ​ꦏꦶꦁ​ꦲꦶꦤ꧀ꦢꦶ​ꦪꦃ​ꦲꦶꦁꦱꦸꦂꦪ ꧇​꧒​꧐꧇ ꦗꦸ​ꦤꦶ​ ꧇​꧑​꧘​꧑​꧒꧇ ꧉ ꦲ​ꦮꦶꦠ꧀ꦱ​ꦏꦶꦁ​ꦥꦸ​ꦤꦶ​ꦏ​꧈ ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ​ꦏ​ꦧꦼ​ꦝꦃ꧈ ꦫ​ꦗ​ꦧꦿ​ꦤ​ꦏ​ꦊ​ꦧꦼꦠ꧀ꦲꦺꦮꦺꦴꦤ꧀ꦤ​ꦤ꧀ꦤꦱ꧀ꦏꦃ​ꦗ​ꦮꦶ​ꦢꦶ​ꦥꦸꦚ꧀ꦗ​ꦫꦃ​꧉ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦢꦶ​ꦥꦸꦤ꧀ꦧꦼ​ꦏꦸꦏ꧀ꦭ​ꦗꦼꦁ​ꦢꦶ​ꦥꦸꦤ꧀ꦧꦸ​ꦕꦭ꧀ꦲꦶꦁ​ꦥꦸ​ꦭꦺꦴ​ꦥꦶ​ꦤꦁ​ꦔꦤ꧀ꦠꦺꦴꦱ꧀ꦢꦸ​ꦩꦸ​ꦒꦶ​ ꧇​꧑​꧘​꧑​꧕꧇ ꧉

ꦏꦺꦴꦤ꧀ꦢꦸꦂ​ꦫꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇ꦱ​ꦏꦶꦁ​ꦧꦸ​ꦕ​ꦭ꧀ꦭꦤ꧀ꦝ​ꦠꦼꦁ​ꦗ​ꦮꦶ​ꦲꦶꦁ​ꦮꦂꦱ ꧇​꧑​꧘​꧑​꧕꧇ ꦧꦺꦴ​ꦠꦼꦤ꧀ꦢ​ꦔꦸ​꧉ ꦱ​ꦱꦩ꧀ꦥꦸꦤ꧀ꦤꦶꦥꦸꦤ꧀ꦥꦚꦿꦃ​ꦲꦤ꧀ꦗ​ꦗꦃ​ꦲꦤ꧀ꦲꦶꦁ​ꦒꦿꦶꦱ꧀ꦝ​ꦠꦼꦁ​ꦮ​ꦭꦤ꧀ꦢꦶ​ꦲꦶꦁꦱꦸꦂꦪ꧇​꧙꧇ ꦲ​ꦒꦸꦱ꧀ꦠꦸꦱ꧀ ꧇​꧑​꧘​꧑​꧖꧇ ꧈ ꦮ​ꦭꦤ꧀ꦢꦶ​ꦲꦁꦭꦼꦏ​ꦱ꧀ꦱꦶ​ꦉꦩ꧀ꦧꦒ꧀ꦧꦶ​ꦭꦶꦃ​ꦲ​ꦢꦼ​ꦒ꧀ꦒꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦢꦶ​ꦥꦸ​ꦤ꧀ꦲꦁ​ꦒꦼꦥ꧀ꦩꦶ​ꦤꦁ​ꦏ​ꦧꦼ​ꦧ​ꦪ​ꦠꦸ​ꦩꦿꦥ꧀ꦮ​ꦭꦤ꧀ꦢꦶ​꧉ ꦲ​ꦮꦶꦠ꧀ꦥꦸ​ꦤꦶ​ꦏ​꧈ ꦲꦶꦁꦱꦸꦂꦪ꧇​꧑​꧐꧇ ꦗ​ꦤꦸ​ꦮ​ꦫꦶ​ ꧇​꧑​꧘​꧑​꧗꧇ ꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦢꦶ​ꦥꦸꦤ꧀ꦧꦸ​ꦕꦭ꧀ꦝ​ꦠꦼꦁ​ꦲꦩ꧀ꦧꦺꦴꦤ꧀

ꦮꦺꦴꦤ꧀ꦢꦺꦤꦺ​꧈ ꦲꦶꦁ​ꦮꦼꦏ꧀ꦢꦭ꧀ꦥꦸ​ꦤꦶ​ꦏ​꧈ ꦔ​ꦪꦺꦴꦓꦾꦑꦂꦡꦤꦼꦩ꧀ꦧꦺ​ꦤꦤ꧀ꦢꦁ​ꦏ​ꦱꦶꦱꦃ​ꦲꦤ꧀꧉ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧓꧇​ꦱꦸ​ꦫꦸꦢ꧀꧈ ꦭ​ꦗꦼꦁ​ꦢꦶ​ꦥꦸꦤ꧀ꦱꦸ​ꦭꦶꦃꦲꦶ​ꦢꦺ​ꦤꦶꦁ​ꦥꦸ​ꦠꦿ​ꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦗꦸ​ꦩꦼ​ꦤꦼꦁ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧔꧇꧉ ꦧꦺꦴ​ꦠꦼꦤ꧀ꦢ​ꦔꦸ​ꦲꦁ​ꦒꦺ​ꦤ꧀ꦤꦶ​ꦥꦸꦤ꧀ꦗꦸ​ꦩꦼ​ꦤꦼꦁ​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧔꧇ꦱꦸ​ꦫꦸꦢ꧀꧈ ꦭ​ꦗꦼꦁ​ꦢꦶ​ꦥꦸꦤ꧀ꦱꦸ​ꦭꦶꦃꦲꦶ​ꦢꦺ​ꦤꦶꦁ​ꦥꦸ​ꦠꦿꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦠꦏ꧀ꦱꦶꦃ​ꦠꦶ​ꦩꦸꦂ​ꦩꦶ​ꦤꦁ​ꦏ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ ꧇꧕꧇​꧉ ꦲꦶꦁ​ꦮꦼꦏ꧀ꦢꦭ꧀ꦥꦸ​ꦤꦶ​ꦏ​ꦱ​ꦭꦗꦼꦁ​ꦔꦶ​ꦥꦸꦤ꧀ꦠꦸ​ꦮꦸꦃ​ꦥ​ꦥꦿꦁꦔꦤ꧀ꦩꦼꦁ​ꦱꦃ​ꦮ​ꦭꦤ꧀ꦢꦶ​ꦲꦶꦁ​ꦏꦁ​ꦢꦶ​ꦥꦸꦤ꧀ꦥ​ꦔꦂ​ꦱ​ꦤꦶ​ꦢꦺ​ꦤꦶꦁ​ꦥꦔꦺ​ꦫꦤ꧀ꦢꦶ​ꦥ​ꦤꦼ​ꦒ​ꦫ​꧉

ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ꧇꧒꧇​ꦲꦶꦁ​ꦏꦁ​ꦱ​ꦭꦗꦼꦁꦔꦶ​ꦥꦸꦤ꧀ꦢꦶ​ꦥꦸꦤ꧀ꦱꦼ​ꦧꦠ꧀ꦱꦸꦭ꧀ꦠꦤ꧀ꦱꦼ​ꦥꦸꦃ​꧈ ꦢꦶ​ꦥꦸ​ꦤ꧀ꦲꦁ​ꦒꦼꦥ꧀ꦢꦺ​ꦤꦶꦁ​ꦮ​ꦭꦤ꧀ꦢꦶ​ꦧꦺꦴ​ꦠꦼꦤ꧀ꦤ​ꦩꦸꦁ​ꦢ​ꦢꦺꦴꦱ꧀ꦥꦼ​ꦥ​ꦭꦁ​꧈ ꦲ​ꦤ​ꦔꦶꦁ​ꦲꦸ​ꦒꦶ​ꦱ​ꦒꦼꦢ꧀ꦢ​ꦢꦺꦴꦱ꧀ꦥ​ꦤꦼ​ꦔꦃ​ꦲ​ꦮꦶꦠ꧀ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦢꦶ​ꦥꦸꦤ꧀ꦏꦸꦂ​ꦩ​ꦠꦶꦢꦺ​ꦤꦶꦁ​ꦱꦼ​ꦢ​ꦪ​ꦱꦼꦤ꧀ꦠ​ꦤ​ꦢ​ꦊꦩ꧀ꦏꦿ​ꦠꦺꦴꦤ꧀꧉ ꦩꦶ​ꦭ​ꦢꦶ​ꦥꦸꦤ꧀ꦠꦼ​ꦠꦼ​ꦥ꧀ꦥ​ꦏꦼꦤ꧀ꦏꦁ​ꦒꦺꦔꦺꦴꦤ꧀ꦢꦸꦂꦫ​ꦏꦼꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦝ​ꦠꦼꦁ​ꦔ​ꦪꦺꦴꦓꦾꦑꦂꦡ​​ꦩ​ꦭꦶꦃ​꧈ ꦭ​ꦗꦼꦁ​ꦢꦶ​ꦥꦸ​ꦤ꧀ꦗꦸꦩꦼꦤꦼꦁꦔꦏꦼꦤ꧀ꦩꦭꦶꦃ​ꦢ​ꦢꦺꦴꦱ꧀ꦫ​ꦗ​ꦲꦶꦁ​ꦏꦁ​ꦏ​ꦥꦶꦁ​ꦠꦶ​ꦒ​ꦲꦶꦁꦱꦸꦂꦪ꧇​꧒​꧐꧇ꦝꦺꦱꦺꦩ꧀ꦧꦼꦂ ꧇​꧑​꧘​꧒​꧖꧇ ꧉

ꦲꦶꦁ​ꦮꦼꦏ꧀ꦢꦭ꧀ꦥ​ꦩꦿꦺꦤ꧀ꦠꦃ​ꦲ​ꦤ꧀ꦤꦶ​ꦥꦸꦤ꧀ꦲꦶꦁ​ꦏꦁ​ꦏ​ꦥꦶꦁ​ꦠꦶ​ꦒ​ꦥꦸ​ꦤꦶ​ꦏ​꧈ ꦏ​ꦱ​ꦫ​ꦱ꧀ꦱꦤ꧀ꦤꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦫ​ꦢꦶ​ꦏꦶ​ꦫꦁ​ꦱ​ꦲꦺꦲ​ꦩꦂ​ꦒꦶ​ꦱꦩ꧀ꦥꦸꦤ꧀ꦱꦼ​ꦥꦃ꧉ ꦲꦶꦁ​ꦱꦸꦂꦪ꧇​꧓꧇ ꦗ​ꦤꦸ​ꦮ​ꦫꦶ​ ꧇​꧑​꧘​꧒​꧘꧇ ꧌ ꧇​꧑​꧕꧇ ꦗꦸ​ꦩ​ꦢꦶ​ꦭ꧀ꦲ​ꦏꦶꦂ​ ꧇​꧑​꧗​꧕​꧕꧇ ꧍꧈ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦱꦸ​ꦫꦸꦢ꧀ꦲ​ꦩꦂ​ꦒꦶ​ꦒꦼ​ꦫꦃ​꧉ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦢꦶ​ꦥꦸꦤ꧀ꦱ​ꦫꦺꦏ꧀ꦏ​ꦏꦼꦤ꧀ꦲꦶꦁ​ꦏꦺꦴ​ꦠ​ꦒꦼ​ꦝꦺ​ꦲ​ꦩꦂ​ꦒꦶ​ꦲꦶꦁ​ꦮꦼꦏ꧀ꦢꦭ꧀ꦥꦸ​ꦤꦶ​ꦏ​ꦠꦏ꧀ꦱꦶꦃ​ꦭꦸ​ꦩꦩ꧀ꦥꦃ​ꦥꦿꦁ​ꦗ​ꦮꦶ​ꦱ​ꦠꦼ​ꦩꦃ​ꦧꦺꦴ​ꦠꦼꦤ꧀ꦱ​ꦒꦼꦢ꧀ꦢꦶ​ꦥꦸꦤ꧀ꦱ​ꦫꦺꦏ꧀ꦏ​ꦏꦼꦤ꧀ꦲꦶꦁ​ꦩ​ꦏꦩ꧀ꦫ​ꦗ​ꦗ​ꦮꦶ​ꦲꦶ​ꦩꦺꦴ​ꦒꦶ​ꦫꦶ​꧉

ꦮ​ꦫꦶ​ꦱ꧀ꦱꦤ꧀ꦢ​ꦊꦩ꧀ꦯꦿꦶꦯꦸꦭ꧀ꦠꦤ꧀ꦲꦩꦼꦁꦑꦸꦨꦸꦮꦟ꧇꧒꧇

ꦏ​ꦢꦺꦴꦱ꧀ꦢꦺꦤꦺ​ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧑꧇​꧈ ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁ​ꦑꦸꦨꦸꦮꦟ꧇꧒꧇​ꦲꦸ​ꦒꦶ​ꦩ​ꦫꦶ​ꦱ꧀ꦱ​ꦏꦼꦤ꧀ꦠꦼ​ꦠꦶ​ꦭꦂꦫꦤ꧀ꦏꦂꦪꦲꦶꦁ​ꦏꦁ​ꦭꦁ​ꦒꦼꦁ​꧉ ꦠꦶ​ꦭ​ꦫꦤ꧀ꦤꦶ​ꦥꦸꦤ꧀ꦲꦶꦁ​ꦒꦶꦃ​ꦥꦸ​ꦤꦶ​ꦏ​꧈ ꦢ​ꦩꦼꦭ꧀ꦧ​ꦫꦶ​ꦱ꧀ꦱꦤ꧀ꦏ​ꦥꦿ​ꦗꦸ​ꦫꦶ​ꦠ꧀ꦠꦤ꧀ꦲꦶꦁ​ꦏꦁ​ꦢꦶ​ꦥꦸꦚ꧀ꦗꦁ​ꦏꦼ​ꦥ꧀ꦥꦶ​ꦏ​ꦭꦶ​ꦪꦤ꧀ꦥꦿ​ꦧꦺꦴꦠ꧀ꦱ​ꦲ​ꦒ​ꦩꦤ꧀ꦲꦶꦁ​ꦏꦁ​ꦭꦁ​ꦏꦸꦁ​ꦱ​ꦲꦺ꧈ ꦔꦤ꧀ꦠꦺꦴꦱ꧀ꦢ​ꦩꦼꦭ꧀ꦧꦺꦤ꧀ꦠꦺꦁ​ꦧ​ꦭꦸ​ꦮꦂ​ꦠꦶ​ꦲꦶꦁ​ꦏꦁ​ꦢꦶ​ꦥꦸꦚ꧀ꦗꦁ​ꦏꦼ​ꦥ꧀ꦥꦶ​ꦩꦿꦶ​ꦪꦼꦩ꧀ꦏꦁ​ꦒꦺ​ꦗꦒꦶ​ꦏꦿ​ꦠꦺꦴꦤ꧀ꦱ​ꦏꦶꦁ​ꦩꦼꦁ​ꦱꦃ​꧉

ꦲꦶꦁ​ꦧ​ꦧ​ꦒꦤ꧀ꦱꦱ꧀ꦠꦿ​ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦩ​ꦫꦶ​ꦱ꧀ꦱ​ꦏꦼꦤ꧀ꦏꦂꦪꦲꦶꦁ​ꦏꦁ​ꦲ​ꦱꦶ​ꦥꦠ꧀ꦱꦶ​ꦤ​ꦠꦿꦶ​ꦪ​ꦏ​ꦢꦺꦴꦱ꧀ꦧ​ꦧꦢ꧀ꦤꦶ​ꦠꦶꦏ꧀ꦔ​ꦪꦺꦴ​ꦓꦾꦏ​ꦭꦶ​ꦪꦤ꧀ꦧ​ꦧꦢ꧀ꦩꦁ​ꦏꦸ​ꦧꦸ​ꦩꦶ​꧉ ꦏ​ꦭꦶꦃ​ꦲꦶ​ꦥꦸꦤ꧀ꦲꦸ​ꦒꦶ​ꦚ​ꦫꦶ​ꦪꦺꦴ​ꦱ꧀ꦱ​ꦏꦼꦤ꧀ꦭꦼ​ꦭ​ꦧꦸꦃꦲ​ꦤ꧀ꦤꦶꦁ​ꦩ​ꦢꦼ​ꦒ꧀ꦒꦶꦥꦸꦤ꧀ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ꧉ ꦲꦸ​ꦒꦶ​ꦏꦂꦪ​ꦱꦱ꧀ꦠꦿ​ꦲꦶꦁ​ꦏꦁ​ꦲ​ꦱꦶ​ꦥꦠ꧀ꦥꦼ​ꦥꦺꦤ꧀ꦠꦤ꧀꧈ ꦲꦤ꧀ꦠ​ꦮꦶ​ꦱ꧀ꦱꦶ​ꦥꦸꦤ꧀ꦱꦼ​ꦫꦠ꧀ꦧ​ꦫꦺꦴꦤ꧀ꦱꦼ​ꦏꦺꦤ꧀ꦝꦼꦂ​ꦏ​ꦭꦶ​ꦪꦤ꧀ꦱꦼ​ꦫꦠ꧀ꦱꦸꦂꦪ​ꦫ​ꦗ​꧉ ꦲꦶꦁ​ꦏꦁ​ꦥꦸꦁ​ꦏ​ꦱ꧀ꦱꦤ꧀ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦏꦂꦪ​ꦥꦸꦱ꧀ꦠ​ꦏ​ꦲꦶꦁ​ꦏꦁ​ꦢꦶ​ꦥꦸꦤ꧀ꦢ​ꦢꦺꦴ​ꦱ꧀ꦱ​ꦏꦼꦤ꧀ꦩꦶ​ꦤꦁ​ꦏ​ꦥꦸ​ꦱ​ꦏ​ꦏꦿ​ꦠꦺꦴꦤ꧀ꦔ​ꦪꦺꦴ​ꦓꦾꦑꦂꦡ꧉

ꦏꦼ​ꦗ​ꦮꦶ​ꦥꦸ​ꦤꦶ​ꦏ​꧈ ꦥꦚ꧀ꦗꦼ​ꦤꦼ​ꦔ​ꦤ꧀ꦤꦶ​ꦥꦸꦤ꧀ꦲꦸ​ꦒꦶ​ꦝ​ꦮꦸꦃꦲ​ꦏꦼꦤ꧀ꦱꦸ​ꦥ​ꦢꦺꦴꦱ꧀ꦢ​ꦩꦼꦭ꧀ꦫꦶꦁ​ꦒꦶꦠ꧀ꦮ​ꦕꦸ​ꦕꦭ꧀ꦏꦤ꧀ꦛꦶ​ꦮ​ꦠꦏ꧀ꦥꦼ​ꦫꦁ​ꦱ​ꦲ​ꦔꦁ​ꦒꦶꦠ꧀ꦫꦶꦁ​ꦒꦶꦠ꧀ꦠꦶ​ꦪꦁ​ꦏꦤ꧀ꦛꦶ​ꦭꦩ꧀ꦥꦃ​ꦲꦤ꧀ꦗ​ꦪ​ꦥꦸ​ꦱ​ꦏ​꧉ ꦥ​ꦫ​ꦒ​ꦲꦸ​ꦠ​ꦩ​ꦲꦶꦁ​ꦭꦩ꧀ꦥꦃ​ꦲꦤ꧀ꦏ​ꦱꦼ​ꦧꦠ꧀ꦲꦶꦁ​ꦒꦶꦃ​ꦥꦸ​ꦤꦶ​ꦏ​ꦧꦶ​ꦩ​꧈ ꦲꦶꦁ​ꦏꦁ​ꦒ​ꦝꦃ​ꦲꦶ​ꦮ​ꦠꦼꦏ꧀ꦗꦸ​ꦗꦸꦂ​꧈ ꦏꦼ​ꦫꦱ꧀ꦲꦸ​ꦒꦶ​ꦠꦼ​ꦒꦼꦱ꧀ꦲꦶꦁ​ꦏꦁ​ꦗꦸꦩ꧀ꦧꦸꦃ​ꦏ​ꦭꦶ​ꦪꦤ꧀ꦥꦩ꧀ꦧꦼ​ꦏ꧀ꦏ​ꦤ꧀ꦤꦶ​ꦥꦸꦤ꧀ꦯꦿꦶꦯꦸꦭ꧀ꦠꦤ꧀ꦲ​ꦩꦼꦁꦑꦸꦨꦸꦮꦟ꧇꧒꧇​꧉

Miyos ing pèrènging Redi Sindara wontěn ing surya kaping 7 Maret 1750 saking pramèswarinipun Sri Sultan Hamengku Buwana I ingkang kaping kalih, Sri Sultan Hamengku Buwana II kagungan asma timur Radèn Mas (R.M.) Sundara. Nalika taksih alit, R.M. Sundara kaliyan Ibu, Gusti Kanjeng Ratu (GKR) Kadipatèn dedunung ing pangalusan amargi prang kaliyan VOC. Kahanan punika ingkang dadosaken sipat saha watakipun Sri Sultan Hamengku Buwana II ingkang kendel ugi sura.

Nalika titi wancinipun prajanjèn Giyanti lan salajengipun Sri Sultan Hamengku Buwana I sakulawarga dalem boyongan dhateng Kraton Ngayogyakarta, R.M. Sundara manggèn wonten lebet bètèng kraton kanthi gelar putra raja. Wiwit punika ugi katresnan lan kapitajengan Sri Sultan Hamengku Buwana I dados sangsaya ageng. Ing warsa 1758, nalika R.M. Sundara dipunsupit, panjenenganipun dipunwisudha dados pangéran pati. 

Sajatosipun lumantar saking garwa pramèswari ingkang kaping setunggal G.K.R. Kencana, Sri Sultan Hamengku Buwana I sampun netepaken sinten ingkang mangké dados pangéran pati. Radèn Mas Énta, punika asma pangéran pati kala punika. Para pujangga kraton anyerat bilih konduripun saking lelaku dhateng Barabudhur, Radèn Mas Énta nandhang gerah sasampunipun lajeng surud. Awit saking punika, asma dalem pangéran pati dipunparingaken dhateng R.M. Sundara.

Nalika R.M. Sundara ngancik diwasa, Sri Sultan Hamengku Buwana I anggadhahi niyat badhé dhaupaken panjenenganipun  kaliyan putri saking Kraton Kasunanan Surakarta. Lumantar jejodhoan punika, Sri Sultan Hamengku Buwana I taksih kagungan kersa kanggé anyawijikkaken trahing Mataram ingkang sampun karengka. Kacariyos bilih R.M. Sundara tindak dhateng Surakarta ing warsa 1763 ugi 1765. Pepanggihan anggènipun badhé nambut silaning akrama punika wukan. Putri Paku Buwana III dhaup kaliyan putra saking Adipati Mangkunegara I.

Nalika R.M. Sundara taksih timur, sasambetan Kraton Yogyakarta kaliyan Surakarta anglampahi gorèh. Ingkang jalari inggih punika tapel watesing nagri ingkang boten cetha. Bedhamèn lumantar jejodhoan antawis kekalih praja boten kasil. Lajeng ing surya 26 April 1774, dipundamel prajanjèn Semarang ingkang dipunpandhégani déning Gubernur VOC Van de Burgh. Prajanjèn punika ngasilaken wates nagri ingkang cetha supados boten wonten pasulayan ing salajengipun.

R.M. Sundara menggalih bilih prajanjèn Giyanti saha prajanjèn Semarang punika andamel kawenangan lan wewengkoning raja-raja Jawi sansaya ciyut. Kalih prajanjèn punika langkung pakena dhumateng VOC amargi wewengkoning kawenanganipun kaleresan sangsaya ageng.  Sereganing VOC ugi sangsaya katon nalika Sri Sultan Hamengku Buwana I ugi Sunan Paku Buwana III wiwit suda kasarasanipun.

Wiwit saking punika, rirising manahipun R.M. Sundara dhumateng VOC mliginipun lan tiyang ngamanca limrahipun sangsaya ageng. Ananging, kasunyatan punika langkung dadosaken Sri Sultan Hamengkubuwana I sangsaya tresna saha nggadhang R.M. Sundara supados saged jagi saha nglestantunaken Ngayogyakarta saking pangaribawaning para panjajah. Perkawis punika dipunwujudaken kanthi pahargyan awit wisudan R.M. Sundara minangka ing mangké dados sesulihipun raja ing warsa 1785. Pahargyan kaswbat miturut sawwtawis sejarawan dipunwontenaken dening Sri Sultan Hamengkubuwana I kanggé anglanggengaken éwahing abad Warsa Jawi (1700) kang limrahipun dipuntitimangsani kanthi lelampahan ingkang wigatos ing bumi Jawa.

Minangka sesulihipun raja ing tembé punika, R.M. Sundara miwiti damel éwah-éwahan wonten lebet Kraton lan jagi Kraton Ngayogyakarta saking pangamah-amahing VOC. Panjenenganipun  ugi ngupaya gagaraken pambangunan Bèntèng Rustenburg ingkang dipunpandhégani déning Komisaris Nicholas Hartingh wiwit taun 1765 kanthi cara ngerahaken buruh saking kraton kanggé damel témbok Baluwarti ingkang ngupengi alun-alun lèr kaliyan kidul. Wusdènten, kanggé angukuhaken bètèng, mriyem cacah 13 dipunpapanaken wonten ing sangajengipun kraton ngadhep ing arah bètèng Walandi kasebat.

Pamanggih anggènipun mapag panjajah punika saya dadra sasampunipun R.M. Sundara jumeneng  Sri Sultan Hamengku Buwana II nalika surya 2 April 1792. Panjenenganipun  nampik panyuwunan saking wakil VOC ingkang nuntut dipunjajaraken lenggahipun ing saben adicara pepanggihan kaliyan sultan. Kajawi punika, tanpa paring uninga dhumateng VOC, Sri Sultan Hamengku Buwana II ngawula wisuda piyambak patihipun minangka sesulihipun Danurejo I ingkang séda nalika Agustus 1799.

Wonten kathah kadadosan wigatos nalika wiwitaning abad 19. Minangka kongsi dagang, VOC kukud lajeng dipunbibaraken. Ing wekdal punika, Krajan Walandi dipunjajah déning Napoléon saking Prancis. Tilasing wewengkon ingkang dipunkuwaosi déning VOC lajeng dipunpurbawisésa déning pangrèh kolonial. Kanggé paring tetenger tumrap éwahing kawontenan kasebat, ing surya 14 Januari 1808, Herman Willem Daendels dados Gubernur Jèndral Hindia Belanda ingkang dipunwisésa déning prancis, minangka sesulihing parinata ingkang sakdèrèngipun dipuncepeng déning Albertus Henricus Wiese.

Daendels damel éwahan ingkang dadosaken sadaya praja wonten lebet tilasing wewengkon jajahan VOC dipunwisésa déning Krajan Walandi. Awit saking punika, Daendels ngedahaken raja Jawa atutur dhumateng Raja Walandi. Daendels ugi damel angger- angger bilih paugeran anggènipun ngemonah alas dipunwisesa déning pamarèntah kolonial.

Sri Sultan Hamengku Buwana II nampik sedaya paugeran énggal punika. Ing tembé, Daendels rawuh dhumateng Yogyakarta kanthi ngirid 3300 prajurit kanggé anyereg Sri Sultan Hamengku Buwana II. Temahanipun  saking seregan punika, Sultan Hamengku Buwana II dipunjiyat lèngsèr keprabon  lajeng dipunsulihi déning putranipun, R.M. Suraja ingkang jumeneng  Sultan Hamengku Buwana III ing surya 31 Dèsèmber 1810.

Sultan Hamengku Buwana III kedah nyarujuki prajanjèn kaliyan Walandi kanthi sarat ingkang awrat. Ananging prajanjèn ingkang dipuntetepaken ing Januari 1881 punika boten saèstu dipuntèkeni awit dhatengipun Inggris ingkang dadosaken Walandi mundur. Wekdal punika dipunginakaken Sri Sultan Hamengku Buwana II kanggé jumeneng  ratu malih. Panjenenganipun  anglèngsèraken Hamengku Buwana III saha paring ukuman dhateng Patih Danureja II ingkang memitran kaliyan Daendels.

Pambekanipun Sri Sultan Hamengku Buwana II ingkang keras punika dadosaken panjenenganipun congkrah kaliyan panjajah. Wonten ing pamisèsan déning Létnan Gubernur Inggris, Thomas Stamford Raffles, Kraton Ngayogyakarta dipunserang déning prajurit Sepoy saking India ing surya 20 Juni 1812. Awit saking punika, Kraton Ngayogyakarta kabedhah, raja brana kalebet èwonan naskah Jawa dipunjarah. Sri Sultan Hamengkubuwana II dipunbekuk lajeng dipunbucal ing Pulo Pinang ngantos dumugi 1815.

Konduripun Sri Sultan Hamengku Buwana II saking bucalan dhateng Jawa ing taun 1815 boten dangu. Sasampunipun panyrahan jajahan Inggris dhateng Walandi ing tanggal 9 Agustus 1816, Walandi anglekasi rembag bilih jumenengipun Sri Sultan Hamengku Buwana II dipunanggep minangka bebaya tumrap Walandi. Awit punika, ing surya 10 Januari 1817, Sri Sultan Haměngku Buwana II dipunbucal dhateng Ambon 

Wondéné, ing wekdal punika, Ngayogyakarta nembé nandang kasisahan. Sri Sultan Hamengku Buwana III surud, lajeng dipunsulihi déning putranipun ingkang jumeneng  Sri Sultan Hamengku Buwana IV. Boten dangu anggènipun jumeneng , Sri Sultan Hamengku Buwana IV surud, lajeng dipunsulihi déning putranipun ingkang taksih timur minangka Sri Sultan Hamengku Buwana V. Ing wekdal punika salajengipun tuwuh paprangan mengsah Walandi ingkang dipunpangarsani déning Pangéran Dipanegara.

Sri Sultan Hamengku Buwana II ingkang salajengipun dipunsebat Sultan Sepuh, dipunanggep  déning Walandi boten namung dados pepalang, ananging ugi saged dados panengah awit panjenenganipun  dipunkurmati déning sedaya sentana dalem kraton. Mila dipuntetepaken kanggé ngonduraken Sri Sultan Hamengku Buwana II dhateng Ngayogyakarta malih, lajeng dipunjumenengaken malih dados raja ingkang kaping tiga ing tanggal 20 Sèptèmber 1826.

Ing wekdal pamréntahanipun ingkang kaping tiga punika, kasarasanipun Sri Sultan Hamengku Buwana II radi kirang saé amargi sampun sepah. Ing surya 3 Januari 1828 (15 Jumadilakir 1755), panjenenganipun  surud amargi gerah. Panjenenganipun  dipunsarèkaken ing Kotagedhé amargi ing wekdal punika taksih lumampah prang Jawa satemah boten saged dipunsarèkaken ing Makam Raja-Raja Imogiri.

Warisan Dalem Sri Sultan HB II 

Kados déné Sri Sultan Hamengku Buwana I, Sri Sultan Hamengku Buwono II ugi marisaken tetilaran karya ingkang langgeng. Tilarannipun inggih punika, damel barisan kaprajuritan ingkang dipunjangkepi kaliyan prabot saha gaman ingkang langkung saé, ngantos damel bèntèng Baluwarti ingkang dipunjangkepi mriyem kangge jagi kraton saking mengsah.

Ing babagan sastra panjenenganipun  marisaken karya ingkang asipat sinatriya kados Babad Nitik Ngayogya kaliyan Babad Mangkubumi. Kalihipun ugi nyariyosaken lelabuhaning madegipun Kraton Ngayogyakarta. Ugi karya sastra ingkang asipat pepèntan, antawisipun Serat Baron Sekènder kaliyan Serat Suryaraja. Ingkang pungkasan inggih punika karya pustaka ingkang dipundadosaken minangka pusaka Kraton Ngayogyakarta.

Kejawi punika, panjenenganipun  ugi dhawuhaken supados damel ringgit wacucal kanthi watak perang saha nganggit ringgit tiyang kanthi lampahan Jayapusaka. Paraga utama ing lampahan kasebat inggih punika Bima, ingkang gadhahi watek jujur, keras ugi teges ingkang jumbuh kaliyan pambekanipun Sri Sultan Hamengku Buwana II. 

miyos hiŋ pereŋṅiŋ ṛědi sindara wontěn hiŋ suṙya kapiŋ 7 maṛět 1750 sakiŋ pŕameswarinipun sŕi sultan haměŋku buwana 1 hiŋkaŋ kapiŋ kaliḥ, sŕi sultan haměŋkubuwana 2 kaguṅan hasma timuṙ raden mas r.m. sundara. Nalika taksiḥ halit r.m. sundara kaliyan hibu, gusti kañjěŋ ratu g.k.r. kadipatěn dědunuŋ hiŋ paṅalussan hamaṙgi pŕaŋ kaliyan feoce. Kahanan punika hiŋkaŋ dadossakěn sipat saha watakkipun sŕi sultan haměŋkubuwana 2 hiŋkaŋ kěnděl hugi sura.

Nalika titiwañcinipun pŕajañjen giyanti lan salajěŋṅipun sŕi sultan haměŋkubuwana 1 sakulawaṙga daḷěm boyoŋṅan ḍatěŋ kŕaton ṅayogỿakaṙta, r.m. sundara maŋgen wontěn lěbět beteŋ kŕaton kanṭi gělaṙ putŕa raja. Wiwit punika hugi katŕěsnan lan kapitajěŋṅan sŕi sultan haměŋku buwana 1 dados saŋsaya hagěŋ. Hiŋ waṙsa 1758, nalika r.m. sundara dipunsupit, pañjěněṅannipun dipunwisuḍa dadps paṅeran pati.

Sajatossipun lumantaŕ sakiŋ gaṙwa pŕameswari hiŋkaŋ kapiŋ sětuŋgal g.k.r. kěñcana, sŕi sultan haměŋkubuwana 1 sampun nětěppaken sintěn hiŋkaŋ maŋke dados paṅeran pati. Raden mas enta, punika hasma paṅeran pati kala punika. Para pujaŋga kŕaton hañěrat biliḥ konduṙripun sakiŋ ḷělaku ḍatěŋ barabuḍuṙ, raden mas enta nanḍaŋ gěraḥ sasampunnipun lajěŋ surud. Hawit sakiŋ punika, hasma daḷěm paṅeran pati dipunpariŋṅakěn ḍatěŋ r.m. sundara.

Nalika r.m. sundara ṅañcik diwasa, sŕi sultan haměŋkubuwana 1 haŋgaḍaḥhi niyat baḍe ḍahuppakěn pañjěněṅannipun kaliyan putŕi sakiŋ kŕaton kasunanan surakaṙta. Lumantaṙ jějoḍoḥhan punika, sŕi sultan haměŋku buwana 1 taksiḥ kaguṅan kěṙsa kaŋge hañawijikkakěn tŕaḥ mataram hiŋkaŋ sampun kaṛěŋka. Kacariyos biliḥ r.m. sundara tindak ḍatěŋ surakaṙta hiŋ waṙsa 1763 hugi 1764. Pěpaŋgiḥhan haŋgennipun baḍe nambut silaniŋ hakŕami punika wukan. Putŕi pakubuwana 3 ḍahup kaliyan putŕa sakiŋ hadipati maŋkunegara 1.

Nalika r.m. sundara taksiḥ timuṙ, sasamběttan kŕaton yogỿakaṙta kaliyan surakaṙta haŋlampaḥhi goreḥ. Hiŋkaŋ jalari hiŋgiḥ punika tapel watěṣsiŋ nagŕi hiŋkaŋ botěn cěṭa. Běḍamen lumantaṙ jějoḍoḥhan hantawis kěkaliḥ pŕaja botěn kasil. Lajěŋ hiŋ suṙya 26 hapŕil 1774, dipundaměl pŕajañjen sěmaraŋ hiŋkaŋ dipunpanḍegani deniŋ guběṙnuṙ feoce fan dě buṙ. Pŕajañjen punika ṅasillakěn watěs nagŕi hiŋkaŋ cěṭa supados botěn wontěb pasulayan hiŋ salajěŋṅipun.

r.m. sundara měŋgaliḥ biliḥ pŕajañjen giyanti saha pŕajañjen sěmaraŋ punika handaměl kawěnaŋṅan lan wěwěŋkonniŋ raja-raja jawi sansaya ciyut. kaliḥ pŕajañjen punika laŋkuŋ pakěna ḍumatěŋ feoce hamaṙgi wěwěŋkonniŋ kawěnaŋṅannipun kaḷěṛěssan saŋsaya hagěŋ. Sěṛěganiŋ feoce hugi saŋsaya katon nalika sŕi sultan haměŋkubuwana 1 hugi sunan pakubuwana 3 wiwit suda kasarassannipun.

Wiwit sakiŋ punika, ririssiŋ manaḥhipun r.m. sundari ḍumatěŋ feoce mliginipun lan tiyaŋ ṅamañca limraḥhipun saŋsaya hagěŋ. Hanaṅiŋ, kasuñatan punika laŋkuŋ dadossakěn sŕi sultan haměŋku buwana 1 saŋsaya tŕěsna saha gaḍaŋ r.m. sundara supados sagěd jagi saha ṅlěstantunnakěn ṅayogỿakaṙta sakiŋ paṅaribawanniŋ para pañjajaḥ. Pěṙkawis punika dipunwujuddakěn kanṭi pahaṙgỿan hawit wisudan r.m. sundari minaŋka hiŋ maŋke dados sěsuliḥhipun raja rikala waṙsa 1784. Pahaṙgỿan kasěbat miturut sawětawis sějarawan dipunwontěnnakěn deniŋ sŕi sultan haměŋku buwana 1 kaŋge haŋlaŋgěŋṅakěn hewaḥhiŋ habad waŕsa jawi (1700) kaŋ limraḥhipun dipuntitimaŋsani kanṭi ḷělampaḥhan hiŋkaŋ wigatos hiŋ bumi jawa.

Minaŋka sěsuliḥhipun raja hiŋ těmbe punika, r.m. sundari miwitti daměl hewaḥ-hewaḥhan wontěn lěbět kŕaton lan jagi kŕaton ṅayogỿakaṙta sakiŋ paṅamaḥ-amaḥhiŋ feoce. Pañjěněṅannipun hugi ṅupaya gagarakěn pambaṅunnan beteŋ rustěnběṙ hiŋkaŋ dipunpanḍegani deniŋ komisaris nikolas haṙtiŋ wiwit tahun 1765 kanṭi cara ṅěraḥhakěn buruḥ sakiŋ kṙaton kaŋge daměl tembok baluwaṙti hiŋkaŋ ṅupěŋṅi halun-halun leṙ kaliyan kidul. Wusdentěn, kaŋge haṅukuḥhakěn beteŋ, mŕiyěm cacaḥ 13 dipunpapannakěn wontěn hiŋ saṅajěŋṅipun kŕaton ṅaḍep hiŋ haraḥ beteŋ walandi kasěbat.

Pamaŋgiḥ haŋgennipun hamapag pañjajaḥ punika saya dadŕa sasampunnipun r.m. sundara juměněŋ sŕi sultan haměŋkubuwana 2 nalika suṙya 2 hapŕil 1792. Pañjěněṅannipun nampik pañuwunnan sakiŋ wakil feoce hiŋkaŋ nuntut dipuñjajaṙrakěn lěŋgaḥhipun hiŋ saběn hadicara pěpaŋgiḥhan kaliyan sultan. Kajawi punika, tanpa pariŋ huniṅa ḍumatěŋ feoce, sŕi sultan haměŋkubuwana 2 ṅawulawisuda piyambak patiḥhipun minaŋka sěsuloḥhipun danuṛěja 1 hiŋkaŋ seda nalika hagustus 1799.

Wontěn kaṭaḥ kadadossan wigatos nalika wiwitanniŋ habad 19. Minaŋka koŋsi dagaŋ, feoce kukud lajěŋ dipunbibaṙrakěn. Hiŋ wěkdal punika, kŕajan walandi dipuñjajaḥ deniŋ napoleyon sakiŋ prañcis. Tilassiŋ wěwěŋkon hiŋkaŋ dipunkuwahossi deniŋ feoce lajěŋ dipunpuṙbawisesa deniŋ paŋṅŕeḥ koloniyal. Kaŋge pariŋ tětěŋṅěṙ tumŕap hewaḥhiŋ kawontěnnan kasěbat, hiŋ suṙya 14 januwari 1808, heṙman wilěm ḍenḍel dados guběṙnuṙ jendŕal hinḍiyaḥ bělanḍaḥ hiŋkaŋ dipunwisesa deniŋ pŕañcis, minaŋka sesuliḥhiŋ parinata hiŋkaŋ sakdereŋṅipun dipuñcěpěŋ deniŋ halběṙtus henŕikus wisě.

ḍenḍěl daměl hewaḥhan hiŋkaŋ dadossakěn sadaya pŕaja wontěn lěbět tilassiŋ wěwěŋkon jajaḥhan feoce dipunwisesa deniŋ kŕajan walandi. Hawit sakiŋ punika, ḍenḍěl ṅědaḥhakěn raja jawi hatutuṙ ḍumatěŋ raja walandi. ḍenḍěl hugi daměl haŋgěṙ-haŋgěṙran haŋgennipun ṅěmonaḥ halas dipunwisesa deniŋ pamarentaḥ koloniyal.

Sŕi sultan haměŋku buwana 2 nampik sědaya pahugěṙran heṅgal punika. Hiŋ těmbe, ḍenḍěl rawuḥ ḍumatěŋ yogỿakaṙta kanṭi ṅirid 3300 pŕajuri kaŋge hañěṛěg sŕi sultan haměŋku buwana 2. Těmaḥhannipun sakiŋ sěṛěggan punika, sultan hameŋku buwana2 dipuñjiyat leŋseṙ kěpŕabon lajěŋ dipunsuliḥhi deniŋ putŕannipun, r.m. suraja hiŋkaŋ juměněŋ sultan haměŋku buwana 2 hiŋ suṙya 21 ḍesemběṙ 1810.

Sultan haměŋku buwana 3 kědaḥ ñarujukki pŕajañjen kaliyanwalandi kanṭi sarat hiŋkaŋ hawŕat. Hanaṅiŋ pŕajañjen hiŋkaŋ dipuntětěppakěn hiŋ januwari 1881 punika botěn sahestu dipuntekěnni hawit ḍatěŋṅipun hiŋgŕris hiŋkaŋ dadossakěn walandi munduṙ. Wěkdal punika dipunginakkakěn sŕi sultan haměŋku buwana 2 kaŋge juměněŋ ratu maliḥ. Pañjěněṅannipun haṅleŋseṙrakěn haměŋku buwana 3 saha pariŋ hukumman ḍatěŋ patiḥ danuṛěja 2 hiŋkaŋ měmittŕan kaliyan walandi.

Pamběkkannipun sŕi sultan haměŋku buwana 2 hiŋkaŋ kěras punika dadossakěn pañjěněŋannipun coŋkŕaḥ kaliyan pañjajaḥ. Wontěn hiŋ pamisesan deniŋ letnan guběṙnuṙ hiŋgŕis, tomas stamfoṙ rafles, kŕaton ṅayogỿakaṙta dipunsěraŋ deniŋ pŕajurit sěpoy sakiŋ hindiyah hiŋ suṙya 20 juni 1812. Hawit sakiŋ punika, kŕaton ṅayogỿakaṙta kaběḍaḥ, rajabŕana kaḷěbět hewonnnan naskaḥ jawi dipuñjaraḥ. Sŕi sultan haměŋku buwana 2 dipunběkuk lajěŋ dipunbucal hiŋ pulo pinaŋ ṅantos dumugi 1815.

Konduṙripun sŕi sultan haměŋku buwana 2 sakiŋ bucallan ḍatěŋ jawi hiŋ waṙsa 1815 botěn daṅu. Sasampunnipun pañŕaḥhan jajaḥhan hiŋgŕis ḍatěŋ walandi hiŋ suṙya 9 hagustus 1816 walandi haŋlěkassi ṛěmbag biliḥ haděggipun sŕi sultan haměŋku buwana 2 dipunhaŋgěp minaŋka běbaya tumŕap walandi. Hawit punika, hiŋ suṙya 10 januwari 1817, sŕi sultan haměŋku buwana 2 dipunbucal ḍatěŋ hambon, wondene, hiŋ wěkdal punika, ṅayogỿakaṙta němbe nanḍaŋ kasisaḥhan. Sŕi sultan haměŋku buwana 3 surud, lajěŋ dipunsuliḥhi deniŋ putŕannipun hiŋkaŋ juměněŋ sŕi sultan haměŋkubuwana 4. Botěn daṅu haŋgennipun juměněŋ, sŕi sultan haměŋku buwana 4 surud, lajěŋ dipun suliḥhi deniŋ putŕannipun hiŋkaŋ taksiḥ timuṛ minaŋka sŕi sultan haměŋku buwana 5. Hiŋ wěkdal punika salajěŋṅipun tuwuḥ papŕaŋṅan měŋsaḥ walandi hiŋkaŋ dipunpaṅaṙsani deniŋ paṅeran dipaněgara.

Sŕi sultan haměŋku buwana 2 hiŋkaŋ salajěŋṅipun dipunsěbat sultan ṣepuḥ, dipunhaŋgěô deniŋ walandi botěn namuŋ dadaos pěpalaŋ, hanaṅiŋ hugi sagěḍ dados paněṅaḥ hawit pañjěněṅannipun dipunkuṙmati deniŋ sědaya sěntana daḷěm kŕaton. Mila dipuntětěppakěn kaŋge ṅonduṙrakěn sŕi sultan haměŋku buwana 2 ḍatěŋ ṅayogỿakaṙta maliḥ, lajěŋ dipunjuměněŋṅakěn maliḥ dados raja hiŋkaŋ kapiŋ tiga hiŋ suṙya 20 ḍesemběṙ 1826.

Hiŋ wěkdal pamŕentaḥhannipun hiŋkaŋ kapiŋ tiga punika, kasarassanipun sŕi sultan haměŋku buwana 2 radi kiraŋ sahe hamaṙgi sampun sěpaḥ. Hiŋ suṙya 3 januwari 1818 (15 jumadil hakiṙ 1755), pañjěněṅannipun surud hamaṙgi gěraḥ. Pañjěněṅannipun dipunsarekkakěn hiŋ kota gěḍe hamaṙgi hiŋ wěkdal punika taksiḥ lumampaḥ pŕaṅ jawi satěmaḥ botěn sagěd dipunsarekkakěn hiŋ makam raja jawi himogiri.

Warissan daḷěm sŕi sultan haměŋku buwana 2

kados dene sŕi sultan haměŋku buwana 1, sŕi sultan haměŋku buwana 2 hugi marissakěn tětilaṙran kaṙya hiŋkaŋ laŋgěŋ. Tilarannipun hiŋgiḥ punika, daměl barissan kapŕajurittan hiŋkaŋ dipuñjaŋkeppi kaliyan pŕabot saha gaman hiŋkaŋ laŋkuŋ sahe, ṅantos daměl benteŋ baluwaṙti hiŋkaŋ dipuṇjaŋkeppi mŕiyěm kaŋge jagi kŕaton sakiŋ měŋsaḥ.
hiŋ babagan sastŕa pañjěněṅannipun marissakěn kaṙya hiŋkaŋ hasipat sinatŕiya kados babad nitik ṅayogỿa kaliyan babad maŋkubumi. Kaliḥhipun hugi ñariyossakěn lělabuḥhanniŋ madeggipun kŕaton ṅayogỿakaṙta. Hugi kaṙya sastŕa hiŋkaŋ hasipat pěpentan, hantawissipun sěrat baron sěkenḍeṙ kaliyan sěrat suṙyaraja. Hiŋkaŋ puŋkassan hiŋgiḥ punika kaṙya pustaka hiŋkaŋ dipundadossakěn minaŋka pusaka kŕaton ṅayogỿakaṙta.

Kějawi punika, pañjěněṅannipun hugi ḍawuḥhakěn supados daměl riŋgit wacucal kanṭi watak pěraŋ saha ṅaŋgit riŋgit tiyaŋ kanṭi lampaḥhan jaya pusaka. Paraga hutama hiŋ lampaḥhan kasěbat hiŋgiḥ punika bima, hiŋkaŋ gaḍaḥhi watěk jujuṙ, kěras hugi těgěṣ hiŋkaŋ jumbuḥ kaliyan pamběkkannipun sŕi sultan haměŋku buwana 2.