꧋ꦧꦽꦒꦢꦥꦿꦗꦸꦫꦶꦠ꧀ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠ꧉
꧋ꦧꦽꦒꦢꦥꦿꦗꦸꦫꦶꦠ꧀ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠ꧉
꧋ꦱꦩꦁꦏꦺꦥꦸꦤꦶꦏ꧈ ꦏꦿꦠꦺꦴꦤ꧀ꦲꦁꦒꦝꦃꦲꦶꦱꦼꦢꦱꦥꦼꦥꦤ꧀ꦛꦤ꧀ꦥꦱꦸꦏꦤ꧀ꦲꦶꦁꦏꦁꦱꦶꦤꦼꦧꦸꦠ꧀ꦧꦽꦒꦢ꧉ ꦒꦸꦁꦒꦸꦁꦔꦶꦥꦸꦤ꧀ꦱꦼꦢꦪꦥꦿꦗꦸꦫꦶꦠ꧀ꦫꦢꦶꦱꦼꦏꦼꦣꦶꦏ꧀꧈ ꦏꦶꦫꦁꦭꦁꦏꦸꦁ ꧇꧖꧐꧐꧇ ꦠꦶꦪꦁ꧉ ꦒꦸꦁꦒꦸꦁꦔꦶꦥꦸꦤ꧀ꦥꦿꦗꦸꦫꦶꦠ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦧꦼꦤ꧀ꦧꦽꦒꦢꦩꦤꦺꦏꦮꦂꦤꦶ꧉ ꦧꦽꦒꦢꦚꦸꦠꦿ꧈ ꦠꦸꦭꦣꦤꦶꦥꦸꦤ꧀꧈ ꦤꦩꦸꦁꦩꦢꦼꦒ꧀ꦱꦏꦶꦁ ꧇꧖꧔꧇ ꦠꦶꦪꦁꦱꦮꦼꦢꦭ꧀꧈
꧋ꦥꦤ꧀ꦝꦺꦒꦲꦸꦠꦩꦱꦏꦶꦁꦱꦼꦢꦪꦧꦽꦒꦢꦥꦿꦗꦸꦫꦶꦠ꧀ꦏꦿꦠꦺꦴꦤ꧀ꦲꦶꦁꦒꦶꦃꦥꦸꦤꦶꦏꦱꦮꦶꦗꦶꦤꦶꦁꦩꦁꦒꦭꦪꦸꦣꦲꦸꦠꦮꦶꦏꦺꦴꦩ꧀ꦩꦤ꧀ꦝꦤ꧀ꦏꦸꦩꦼꦤ꧀ꦝꦩ꧀꧈ ꦲꦶꦁꦏꦁꦒꦼꦭꦂꦗꦁꦏꦼꦥ꧀ꦥꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦏꦺꦴꦩ꧀ꦩꦤ꧀ꦝꦤ꧀ꦮꦢꦤꦲꦒꦼꦁꦥꦿꦗꦸꦫꦶꦠ꧀꧈ ꦩꦁꦒꦭꦪꦸꦣꦲꦁꦒꦝꦃꦲꦶꦏꦸꦮꦗꦶꦧ꧀ꦧꦤ꧀ꦲꦤꦶꦠꦶꦭꦤ꧀ꦏꦧꦼꦧꦃꦲꦤ꧀ꦠꦸꦩꦿꦥ꧀ꦥꦶꦁꦱꦢꦪꦧꦽꦒꦢ꧉ ꦥꦚ꧀ꦗꦼꦤꦼꦔꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦧꦶꦪꦤ꧀ꦠꦸꦢꦺꦤꦶꦁꦱꦮꦶꦗꦶꦤꦶꦁꦥꦤ꧀ꦝꦺꦒ꧌ꦏꦥ꧀ꦠꦺꦤ꧀ꦥꦫꦺꦤ꧀ꦠꦃ꧍꧈ ꦏꦤ꧀ꦛꦶꦒꦼꦭꦂꦗꦁꦏꦼꦥ꧀ꦥꦶꦥꦸꦤ꧀ꦧꦸꦥꦠꦶꦲꦼꦤꦺꦩ꧀ꦮꦢꦤꦥꦿꦗꦸꦫꦶꦠ꧀꧈ ꦲꦶꦁꦏꦁꦏꦸꦮꦗꦶꦧ꧀ꦧꦤ꧀ꦤꦶꦥꦸꦤ꧀ꦲꦁꦒꦼꦭꦂꦱꦼꦢꦪꦧꦽꦒꦢ꧉
꧋ ꦱꦧꦼꦤ꧀ꦧꦽꦒꦢꦢꦶꦥꦸꦤ꧀ꦥꦤ꧀ꦝꦺꦒꦤꦶꦢꦺꦤꦶꦁꦥꦿꦮꦶꦫꦲꦶꦁꦏꦁꦏꦊꦁꦒꦃꦲꦤ꧀ꦤꦶꦥꦸꦤ꧀ꦏꦥ꧀ꦠꦺꦤ꧀꧈ ꦏꦗꦮꦶꦧꦽꦒꦢꦧꦸꦒꦶꦱ꧀ꦭꦤ꧀ꦱꦸꦫꦏꦂꦱꦲꦶꦁꦏꦁꦢꦶꦥꦸꦤ꧀ꦥꦤ꧀ꦝꦺꦒꦤꦶꦢꦺꦤꦶꦁꦱꦮꦶꦗꦶꦤꦶꦁꦮꦼꦢꦤ꧉
꧋ ꦥꦤ꧀ꦝꦺꦒꦢꦶꦥꦸꦤ꧀ꦱꦂꦠꦤꦶꦢꦺꦤꦶꦁꦥꦿꦮꦶꦫꦏꦁꦱꦶꦤꦼꦧꦸꦠ꧀ꦥꦚ꧀ꦗꦶ꧌ꦭꦸꦫꦃ꧍꧉ ꦥꦿꦮꦶꦫꦥꦸꦤꦶꦏꦏꦧꦼꦧꦃꦲꦤ꧀ꦲꦔꦠꦸꦂꦭꦤ꧀ꦥꦫꦶꦁꦥꦫꦺꦤ꧀ꦠꦃꦣꦠꦼꦁꦱꦼꦢꦪꦧꦽꦒꦢ꧉ ꦱꦧꦼꦤ꧀ꦥꦚ꧀ꦗꦶꦢꦶꦥꦸꦤ꧀ꦱꦂꦠꦤꦶꦢꦺꦤꦶꦁꦱꦮꦶꦗꦶꦤꦶꦁꦮꦏꦶꦭ꧀ꦥꦚ꧀ꦗꦶ꧉ ꦮꦸꦱ꧀ꦢꦺꦤ꧀ꦠꦼꦤ꧀꧈ ꦉꦒꦸꦉꦒꦸꦲꦶꦁꦱꦧꦼꦤ꧀ꦧꦽꦒꦢꦢꦶꦥꦸꦤ꧀ꦥꦤ꧀ꦝꦺꦒꦤꦶꦢꦺꦤꦶꦁꦱꦮꦶꦗꦶꦤꦶꦁꦧꦶꦤ꧀ꦠꦫꦲꦶꦁꦏꦁꦥꦁꦏꦠ꧀ꦠꦶꦥꦸꦤ꧀ꦱꦺꦂꦱꦤ꧀꧈
꧋ ꦱꦩꦱ꧀ꦠꦤꦶꦁꦥꦿꦮꦶꦫꦲꦶꦁꦱꦊꦧꦼꦠ꧀ꦠꦶꦁꦱꦢꦪꦧꦽꦒꦢꦢꦶꦥꦸꦤ꧀ꦥꦤ꧀ꦝꦺꦒꦤꦶꦢꦺꦤꦶꦁꦱꦮꦶꦗꦶꦤꦶꦁꦥꦤ꧀ꦝꦺꦒ꧈ ꦏꦗꦮꦶꦧꦽꦒꦢꦮꦶꦫꦧꦿꦗꦭꦤ꧀ꦧꦽꦒꦢꦩꦤ꧀ꦠꦿꦶꦗꦼꦫꦺꦴꦲꦶꦁꦏꦁꦥꦶꦏꦤ꧀ꦠꦸꦏ꧀ꦝꦮꦸꦃꦱꦏꦶꦁꦏꦺꦴꦩ꧀ꦩꦤ꧀ꦝꦤ꧀ꦠꦤ꧀ꦥꦭꦤ꧀ꦠꦫꦤ꧀꧈
꧋ ꦥꦿꦗꦸꦫꦶꦠ꧀ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠꦱꦒꦼꦢ꧀ꦢꦶꦥꦸꦤ꧀ꦥꦤ꧀ꦛꦲꦶꦁꦊꦧꦼꦠ꧀ꦠꦶꦒꦁꦥꦼꦥꦤ꧀ꦛꦤ꧀꧈ ꦥꦿꦗꦸꦫꦶꦠ꧀ꦲꦶꦁꦏꦁꦏꦢꦂꦧꦺꦢꦺꦤꦶꦁꦏꦼꦥꦠꦶꦃꦲꦤ꧀꧈ ꦲꦶꦁꦒꦶꦃꦥꦸꦤꦶꦏꦧꦽꦒꦢꦧꦸꦒꦶꦱ꧀꧈ ꦥꦿꦗꦸꦫꦶꦠ꧀ꦲꦶꦁꦏꦁꦏꦢꦂꦧꦺꦢꦺꦤꦶꦁꦏꦢꦶꦥꦠꦺꦤ꧀ꦲꦤꦺꦴꦩ꧀꧈ ꦲꦶꦁꦒꦶꦃꦥꦸꦤꦶꦏꦧꦽꦒꦢꦱꦸꦫꦏꦂꦱ꧈ ꦲꦸꦒꦶꦠꦶꦫꦃꦲꦶꦥꦸꦤ꧀ꦏꦢꦂꦧꦺꦢꦺꦤꦶꦁꦏꦿꦠꦺꦴꦤ꧀꧈
꧋ ꧇꧑꧇ ꧉ ꦧꦽꦒꦢꦧꦸꦒꦶꦱ꧀
꧋ ꦧꦽꦒꦢꦧꦸꦒꦶꦱ꧀ꦮꦶꦮꦶꦠ꧀ꦠꦤꦶꦁꦥꦶꦤꦁꦏꦤꦶꦥꦸꦤ꧀ꦱꦏꦶꦁꦧꦸꦒꦶꦱ꧀꧈ ꦱꦸꦭꦮꦺꦱꦶ꧉ ꦲꦤꦔꦶꦁ꧈ ꦥꦿꦗꦸꦫꦶꦠ꧀ꦲꦶꦁꦏꦁꦱꦩꦁꦏꦺꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦱꦸꦱꦸꦤ꧀ꦩꦭꦶꦃꦱꦏꦶꦁꦠꦶꦪꦁꦠꦶꦪꦁꦧꦸꦒꦶꦱ꧀꧈ ꦲꦶꦁꦊꦧꦼꦠ꧀ꦲꦸꦥꦕꦫꦒꦉꦧꦼꦒ꧀꧈ ꦧꦽꦒꦢꦥꦸꦤꦶꦏꦏꦧꦼꦧꦃꦲꦤ꧀ꦩꦶꦤꦁꦏꦥꦔꦶꦫꦶꦢ꧀ꦒꦸꦤꦸꦁꦔꦤ꧀ꦲꦶꦁꦏꦁꦢꦶꦥꦸꦤ꧀ꦧꦼꦠꦣꦠꦼꦁꦏꦼꦥꦠꦶꦃꦲꦤ꧀꧈
꧋ ꦥꦚ꧀ꦗꦶꦥꦚ꧀ꦗꦶꦒꦼꦤ꧀ꦢꦺꦫꦏ꧀ꦭꦺꦧꦺꦠ꧀ꦠꦶꦁꦥꦿꦗꦸꦫꦶꦠ꧀ꦧꦸꦒꦶꦱ꧀ꦲꦶꦁꦒꦶꦃꦥꦸꦤꦶꦏꦮꦸꦭꦤ꧀ꦢꦢꦫꦶ꧈ ꦲꦶꦁꦏꦁꦲꦮꦸꦗꦸꦢ꧀ꦥꦼꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦤꦶꦥꦸꦤ꧀ꦝꦱꦂꦕꦼꦩꦼꦁ꧉ ꦮꦺꦴꦤ꧀ꦠꦼꦤ꧀ꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦗꦼꦤꦺꦩꦱ꧀꧈ ꦮꦸꦭꦤ꧀ꦲꦠꦼꦒꦼꦱ꧀ꦧꦸꦭꦤ꧀꧈ ꦢꦢꦫꦶꦲꦠꦼꦒꦼꦱ꧀ꦩꦼꦏꦂ꧈ ꦩꦸꦚ꧀ꦕꦸꦭ꧀ꦠꦶꦩ꧀ꦧꦸꦭ꧀꧈ ꦮꦼꦂꦢꦶꦤꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦢꦶꦥꦸꦤ꧀ꦒꦼꦒꦣꦁꦠꦤ꧀ꦱꦃꦲꦚꦸꦏꦤꦶꦥꦿꦢꦶꦥ꧀ꦠꦲꦶꦁꦠꦶꦩꦶꦫ꧉ ꦥꦱꦼꦩꦺꦴꦤ꧀ꦤꦶꦥꦸꦤ꧀ꦥꦿꦱꦱꦠ꧀ꦮꦸꦭꦤ꧀ꦲꦶꦁꦏꦁꦢꦢꦫꦶꦲꦶꦁꦠꦶꦩꦶꦫꦤꦶꦁꦫꦠꦿꦶ꧈ ꦠꦺꦗꦤꦶꦥꦸꦤ꧀ꦲꦚꦸꦭꦶꦃꦲꦏꦼꦤ꧀ꦧꦱ꧀ꦏꦫ꧉
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦱꦢꦪꦧꦽꦒꦢꦥꦿꦗꦸꦫꦶꦠ꧀ꦧꦸꦒꦶꦱ꧀ꦲꦶꦁꦒꦶꦃꦥꦸꦤꦶꦏꦠꦸꦩ꧀ꦧꦏ꧀꧌ꦮꦲꦺꦴꦱ꧀꧍꧉ ꦠꦸꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦠꦿꦶꦱꦸꦭꦏꦤ꧀ꦛꦶꦥꦸꦕꦸꦏ꧀ꦏꦶꦥꦸꦤ꧀꧌ꦢꦥꦸꦂ꧍ꦲꦶꦁꦏꦁꦲꦸꦒꦶꦏꦮꦱ꧀ꦠꦤꦤ꧀ꦠꦿꦶꦱꦸꦭ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀꧈ ꦧꦽꦒꦢꦥꦿꦗꦸꦫꦶꦠ꧀ꦧꦸꦒꦶꦱ꧀ꦏꦲꦶꦫꦶꦁꦔꦤ꧀ꦏꦭꦶꦪꦤ꧀ꦒꦼꦤ꧀ꦝꦶꦁꦱꦤ꧀ꦝꦸꦁꦭꦶꦮꦸꦁ꧉
꧋ ꧇꧒꧇ ꧉ ꦧꦽꦒꦢꦱꦸꦫꦏꦂꦱ
꧋ ꦤꦩꦧꦽꦒꦢꦱꦸꦫꦏꦂꦱꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦱꦸꦫꦭꦤ꧀ꦏꦂꦱ꧉ ꦠꦼꦩ꧀ꦧꦸꦁꦱꦸꦫꦲꦠꦼꦒꦼꦱ꧀ꦏꦼꦤ꧀ꦢꦼꦭ꧀꧈ ꦢꦺꦤꦺꦏꦂꦱꦲꦠꦼꦒꦼꦱ꧀ꦏꦉꦥ꧀꧈ ꦮꦼꦂꦢꦶꦤꦶꦥꦸꦤ꧀ꦱꦸꦫꦏꦂꦱꦲꦶꦁꦒꦶꦃꦥꦸꦤꦶꦏꦥꦿꦗꦸꦫꦶꦠ꧀ꦲꦶꦁꦏꦁꦱꦸꦫꦏꦤ꧀ꦛꦶꦱꦼꦢꦾꦠꦤ꧀ꦱꦃꦲꦚ꧀ꦗꦒꦶꦏꦮꦶꦭꦸꦗꦼꦁꦔꦤꦶꦁꦲꦢꦶꦥꦠꦶꦲꦤꦺꦴꦩ꧀꧈ ꦮꦺꦴꦤ꧀ꦠꦼꦤ꧀ꦲꦸꦥꦕꦫꦒꦉꦧꦼꦒ꧀꧈ ꦧꦽꦒꦢꦱꦸꦫꦏꦂꦱꦏꦧꦼꦧꦃꦲꦤ꧀ꦲꦔꦶꦫꦶꦢ꧀ꦒꦸꦤꦸꦁꦔꦤ꧀ꦲꦶꦁꦏꦁꦢꦶꦥꦸꦤ꧀ꦧꦼꦠꦣꦠꦼꦁꦩꦱ꧀ꦗꦶꦢ꧀ꦒꦼꦣꦺ꧉
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦱꦸꦫꦏꦂꦱꦲꦶꦁꦒꦶꦃꦥꦸꦤꦶꦏꦥꦫꦺꦪꦤꦺꦴꦩ꧀꧈ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦲꦶꦗꦼꦩ꧀꧈ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦗꦼꦤꦺ꧉ ꦥꦫꦺꦪꦤꦺꦴꦩ꧀ꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦥꦫꦺ꧌ꦒꦺꦴꦭꦺꦴꦁꦔꦤ꧀ꦠꦼꦠꦤ꧀ꦢꦸꦂꦫꦤ꧀ꦲꦶꦁꦏꦁꦩꦮꦺꦴꦃꦲꦶꦥꦸꦤ꧀ꦩꦿꦩ꧀ꦧꦠ꧀꧍ꦭꦤ꧀ꦠꦼꦩ꧀ꦧꦸꦁꦲꦤꦺꦴꦩ꧀ꦲꦶꦁꦏꦁꦲꦠꦼꦒꦼꦱ꧀ꦩꦸꦣ꧉ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦱꦸꦫꦏꦂꦱꦩꦶꦤꦁꦏꦧꦽꦒꦢꦲꦶꦁꦏꦁꦠꦤ꧀ꦱꦃꦒꦸꦩꦽꦒꦼꦠ꧀ꦏꦤ꧀ꦛꦶꦩꦤꦃꦲꦶꦁꦏꦁꦤꦶꦠꦾꦠꦿꦸꦤ
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦱꦸꦫꦏꦂꦱꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍꧉ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦤꦼꦁꦒꦭꦏꦤ꧀ꦛꦶꦮꦸꦗꦸꦢ꧀ꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦲꦶꦁꦏꦁꦏꦮꦱ꧀ꦠꦤꦤ꧀ꦧꦚꦏ꧀ꦲꦔꦽꦩ꧀꧈ ꦤꦭꦶꦏꦭꦩ꧀ꦥꦃꦧꦫꦶꦱ꧀꧈ ꦧꦽꦒꦢꦥꦿꦗꦸꦫꦶꦠ꧀ꦱꦸꦫꦏꦂꦱꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦥ꧀ꦭꦁꦏꦺꦤ꧀ꦤꦤ꧀꧈
꧋ ꧇꧓꧇ ꧉ ꦧꦽꦒꦢꦮꦶꦫꦧꦿꦗ
꧋ ꦤꦩꦧꦽꦒꦢꦮꦶꦫꦧꦿꦗꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦮꦶꦫꦭꦤ꧀ꦧꦿꦗ꧉ ꦠꦼꦩ꧀ꦧꦸꦁꦮꦶꦫꦲꦠꦼꦒꦼꦱ꧀ꦮꦤꦶꦭꦤ꧀ꦧꦿꦗꦲꦶꦁꦏꦁꦲꦠꦼꦒꦼꦱ꧀ꦠꦗꦼꦩ꧀꧈ ꦮꦼꦂꦢꦶꦤꦶꦥꦸꦤ꧀ ꦮꦶꦫꦧꦿꦗꦲꦶꦁꦒꦶꦃꦥꦸꦤꦶꦏꦥꦿꦗꦸꦫꦶꦠ꧀ꦲꦶꦁꦏꦁꦱꦸꦫꦱꦔꦼꦠ꧀ꦏꦤ꧀ꦛꦶꦥꦚ꧀ꦕꦢꦿꦶꦪꦲꦶꦁꦏꦁꦭꦤ꧀ꦠꦶꦥ꧀꧈ ꦧꦽꦒꦢꦥꦸꦤꦶꦏꦠꦤ꧀ꦱꦃꦮꦱ꧀ꦥꦲꦺꦴꦱ꧀ꦝꦠꦼꦁꦏꦮꦺꦴꦤ꧀ꦠꦼꦤꦤ꧀꧈ ꦢꦠꦤ꧀ꦠꦸꦩꦸꦁꦏꦸꦭ꧀ꦲꦁꦒꦺꦤ꧀ꦤꦶꦥꦸꦤ꧀ꦲꦩ꧀ꦧꦺꦭꦏꦲꦸꦠꦩꦤ꧀꧈ ꦲꦸꦒꦶꦢꦠꦤ꧀ꦩꦶꦁꦏꦸꦃꦱꦏ꧀ꦢꦺꦫꦺꦁꦔꦶꦥꦸꦤ꧀ꦤꦼꦩ꧀ꦥꦸꦃꦩꦼꦁꦱꦃ꧈
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦮꦶꦫꦧꦿꦗꦲꦶꦁꦒꦶꦃꦥꦸꦤꦶꦏꦒꦸꦭꦏ꧀ꦭꦥ꧉ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦥꦼꦛꦏ꧀꧈ ꦮꦺꦴꦤ꧀ꦠꦼꦤ꧀ꦲꦶꦁꦱꦧꦼꦤ꧀ꦱꦶꦏꦸꦫꦶꦤꦼꦁꦒꦏꦭꦶꦪꦤ꧀ꦕꦼꦤ꧀ꦛꦸꦁꦲꦶꦁꦏꦁꦮꦂꦤꦶꦲꦧꦿꦶꦠ꧀ꦏꦢꦺꦴꦱ꧀ꦥꦸꦕꦸꦏ꧀ꦏꦶꦁꦭꦺꦴꦩ꧀ꦧꦺꦴꦏ꧀ꦲꦧꦿꦶꦠ꧀꧌ꦏꦸꦏꦸꦧꦶꦩ꧍꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦱꦒꦶꦏꦤ꧀ꦛꦶꦮꦂꦤꦶꦲꦧꦿꦶꦠ꧀ꦭꦤ꧀ꦥꦱꦒꦶꦮꦺꦴꦭꦸꦏꦤ꧀ꦛꦶꦮꦂꦤꦶꦥꦼꦛꦏ꧀ꦲꦶꦁꦊꦧꦼꦠ꧀ꦠꦶꦥꦸꦤ꧀꧈ ꦒꦸꦭꦏ꧀ꦭꦥꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦒꦸꦭꦭꦤ꧀ꦏ꧀ꦭꦥ꧉ ꦒꦸꦭꦮꦺꦴꦤ꧀ꦠꦼꦤ꧀ꦠꦼꦩ꧀ꦧꦸꦁꦥꦸꦤꦶꦏꦲꦶꦁꦒꦶꦃꦒꦼꦤ꧀ꦝꦶꦱ꧀ꦗꦮꦶꦲꦶꦁꦏꦁꦮꦂꦤꦶꦲꦧꦿꦶꦠ꧀꧈ ꦮꦸꦱ꧀ꦢꦺꦤꦺ꧈ ꦏ꧀ꦭꦥꦲꦁꦒꦣꦃꦲꦶꦮꦂꦤꦶꦥꦼꦛꦏ꧀꧈ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦮꦶꦫꦧꦿꦗꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦠꦤ꧀ꦱꦃꦲꦩ꧀ꦧꦺꦭꦏꦥꦮꦶꦠꦿꦤ꧀ꦲꦸꦒꦶꦏꦲꦸꦠꦩꦤ꧀꧈
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦮꦶꦫꦧꦿꦗꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦱ꧀ꦭꦩꦼꦠ꧀ꦭꦤ꧀ꦏꦚ꧀ꦗꦼꦁꦏꦾꦲꦶꦱꦤ꧀ꦠꦿꦶꦏꦤ꧀ꦛꦶꦮꦸꦗꦸꦢ꧀ꦢꦶꦁꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦏꦮꦱ꧀ꦠꦤꦤ꧀ꦩꦁꦒꦫꦕꦠꦸꦂꦱꦫꦕꦿꦺꦁꦏꦺꦁ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦮꦶꦫꦧꦿꦗꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦣꦪꦸꦔꦤ꧀꧈ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦉꦠꦣꦼꦣꦭꦶ꧉
꧋ ꧇꧔꧇ ꧉ ꦧꦽꦒꦢꦣꦲꦺꦁ
꧋ ꦤꦩꦧꦽꦒꦢꦣꦲꦺꦁꦥꦶꦤꦁꦏꦤꦶꦥꦸꦤ꧀ꦱꦏꦶꦁꦤꦩꦒꦼꦭꦂꦏꦥꦿꦶꦪꦪꦺꦤꦶꦁꦩꦏꦱꦂ꧉ ꦮꦶꦮꦶꦠ꧀ꦠꦤ꧀ꦤꦶꦥꦸꦤ꧀꧈ ꦥꦿꦗꦸꦫꦶꦠ꧀ꦝꦲꦺꦁꦥꦚ꧀ꦕꦶꦱꦏꦶꦁꦫꦶꦏ꧉ ꦲꦤꦔꦶꦁ꧈ ꦥꦿꦗꦸꦫꦶꦠ꧀ꦲꦶꦁꦏꦁꦱꦩꦁꦏꦺꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦱꦸꦱꦸꦤ꧀ꦩꦭꦶꦃꦱꦏꦶꦁꦠꦶꦪꦁꦠꦶꦪꦁꦩꦏꦱꦂ꧉
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦝꦲꦺꦁꦲꦶꦁꦒꦶꦃꦥꦸꦤꦶꦏꦧꦃꦤꦶꦁꦱꦫꦶ꧉ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦥꦼꦛꦏ꧀꧈ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦏꦂꦠꦶꦏꦲꦶꦁꦏꦁꦲꦮꦸꦗꦸꦢ꧀ꦱꦼꦒꦶꦮꦺꦴꦭꦸꦏꦤ꧀ꦛꦶꦮꦂꦤꦶꦲꦧꦿꦶꦠ꧀꧈ ꦧꦃꦤꦶꦲꦠꦼꦒꦼꦱ꧀ꦒꦼꦤꦶ꧈ ꦭꦤ꧀ꦱꦫꦶꦲꦠꦼꦒꦼꦱ꧀ꦲꦺꦤ꧀ꦢꦃ꧈ ꦏ꧀ꦭꦺꦧꦺꦠ꧀ꦥꦸꦤꦶꦏꦮꦼꦂꦢꦶꦤꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦽꦒꦢꦣꦲꦺꦁꦩꦶꦤꦁꦏꦧꦽꦒꦢꦲꦶꦁꦏꦁꦢꦠꦤ꧀ꦠꦸꦩꦸꦁꦏꦸꦭ꧀ꦏꦫꦤꦏꦮꦶꦂꦪꦮꦤ꧀ꦤꦶꦥꦸꦤ꧀꧈ ꦥꦿꦱꦱꦠ꧀ꦒꦉꦒꦼꦠ꧀ꦠꦶꦁꦒꦼꦤꦶꦲꦶꦁꦏꦁꦠꦤ꧀ꦱꦃꦱꦸꦩꦺꦴꦫꦺꦴꦠ꧀ꦠꦸꦩꦺꦗ꧉
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦝꦲꦺꦁꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦗꦠꦶꦩꦸꦭꦾꦏꦤ꧀ꦛꦶꦮꦸꦗꦸꦢ꧀ꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦲꦶꦁꦏꦁꦏꦮꦱ꧀ꦠꦤꦤ꧀ꦝꦺꦴꦪꦺꦴꦏ꧀꧈ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦝꦲꦺꦁꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦲꦺꦴꦤ꧀ꦝꦭ꧀ꦲꦤ꧀ꦝꦶꦭ꧀꧈ ꦮꦸꦱ꧀ꦢꦺꦤ꧀ꦠꦼꦤ꧀꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦏꦼꦤꦧ꧉
꧋ ꧇꧕꧇ ꧉ ꦧꦽꦒꦢꦥꦠꦁꦥꦸꦭꦸꦃ
꧋ ꦥꦶꦤꦁꦏꦤꦶꦥꦸꦤ꧀ꦤꦩꦧꦽꦒꦢꦥꦠꦁꦥꦸꦭꦸꦃꦠꦏ꧀ꦱꦶꦃꦱꦩꦂꦔꦤ꧀ꦠꦺꦴꦱ꧀ꦱꦩꦁꦏꦺ꧉ ꦠꦼꦠꦺꦭꦤꦶꦥꦸꦤ꧀꧈ ꦤꦩꦏꦱꦼꦧꦠ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦒꦪꦸꦠ꧀ꦠꦤ꧀ꦤꦶꦥꦸꦤ꧀ꦏꦭꦶꦪꦤ꧀ꦒꦸꦁꦒꦸꦁꦔꦶꦁꦥꦿꦗꦸꦫꦶꦠ꧀ꦧꦽꦒꦢ꧉
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦥꦠꦁꦥꦸꦭꦸꦃꦲꦶꦁꦒꦶꦃꦥꦸꦤꦶꦏꦕꦏꦿꦒꦺꦴꦫ꧉ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦕꦼꦩꦼꦁ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦏꦂꦠꦶꦏꦲꦮꦸꦗꦸꦢ꧀ꦱꦼꦒꦶꦲꦼꦤꦼꦩ꧀ꦏꦤ꧀ꦛꦶꦮꦂꦤꦶꦲꦧꦿꦶꦠ꧀꧈ ꦕꦏꦿꦲꦶꦁꦒꦶꦃꦥꦸꦤꦶꦏꦒꦩꦤ꧀ꦲꦮꦸꦗꦸꦢ꧀ꦗꦤ꧀ꦠꦿꦲꦶꦁꦏꦁꦠꦼꦥꦶꦤꦶꦥꦸꦤ꧀ꦕꦸꦩꦿꦶꦔꦶꦃ꧈ ꦒꦺꦴꦫꦲꦠꦼꦒꦼꦱ꧀ꦲꦁꦒꦼꦒꦶꦫꦶꦱꦶꦲꦸꦠꦮꦶꦔꦺꦢꦧ꧀ꦲꦺꦢꦧ꧀ꦧꦶ꧉ ꦏ꧀ꦭꦺꦧꦺꦠ꧀ꦥꦸꦤꦶꦏꦮꦼꦂꦢꦶꦤꦶꦥꦸꦤ꧀ꦧꦶꦭꦶꦃꦥꦠꦁꦥꦸꦭꦸꦃꦩꦶꦤꦁꦏꦧꦽꦒꦢꦲꦶꦁꦏꦁꦲꦁꦒꦣꦃꦲꦶꦏꦼꦏꦶꦪꦠ꧀ꦠꦤ꧀ꦲꦶꦁꦏꦁꦭꦶꦤꦸꦮꦶꦃ꧈ ꦱꦲꦺꦁꦒꦱꦢꦪꦩꦼꦁꦱꦃꦱꦒꦼꦢ꧀ꦢꦶꦥꦸꦤ꧀ꦲꦱꦺꦴꦂꦫꦏꦼꦤ꧀꧈
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦥꦠꦁꦥꦸꦭꦸꦃꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦠꦿꦶꦱꦸꦭꦏꦤ꧀ꦛꦶꦮꦸꦗꦸꦢ꧀ꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦏꦮꦱ꧀ꦠꦤꦤ꧀ꦢꦫꦩꦁꦒꦭꦠꦿꦶꦱꦸꦭꦕꦫꦁꦱꦺꦴꦏ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦠꦁꦥꦸꦭꦸꦃꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦧꦸꦭꦸꦧꦸꦭꦸ꧉ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦩꦉꦱ꧀ꦒꦼꦤ꧀ꦢꦺꦫ꧉
꧋ ꧇꧖꧇ ꧉ ꦧꦽꦒꦢꦗꦒꦏꦂꦪ
꧋ ꦤꦩꦧꦽꦒꦢꦗꦒꦏꦂꦪꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦗꦒꦭꦤ꧀ꦏꦂꦪ꧉ ꦠꦼꦩ꧀ꦧꦸꦁꦗꦒꦲꦠꦼꦒꦼꦱ꧀ꦲꦚ꧀ꦗꦒꦶꦭꦤ꧀ꦏꦂꦪꦲꦠꦼꦒꦼꦱ꧀ꦥꦢꦩꦼꦭ꧀ꦭꦤ꧀꧈ ꦮꦼꦂꦢꦶꦤꦶꦥꦸꦤ꧀꧈ ꦗꦒꦏꦂꦪꦲꦠꦼꦒꦼꦱ꧀ꦥꦿꦗꦸꦫꦶꦠ꧀ꦲꦶꦁꦏꦁꦏꦧꦼꦧꦃꦲꦤ꧀ꦠꦤ꧀ꦱꦃꦲꦚ꧀ꦗꦒꦶꦏꦮꦶꦭꦸꦗꦼꦁꦔꦤ꧀ꦤꦶꦁꦭꦩ꧀ꦥꦃꦲꦶꦥꦸꦤ꧀ꦥꦩꦫꦺꦤ꧀ꦠꦃꦲꦤ꧀ꦏꦿꦠꦺꦴꦤ꧀꧈
꧋ ꦏ꧀ꦭꦺꦧꦺꦠ꧀ꦧꦽꦒꦢꦗꦒꦏꦂꦪꦲꦶꦁꦒꦶꦃꦥꦸꦤꦶꦏꦥꦥꦱꦤ꧀꧈ ꦮꦸꦗꦸꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦲꦧꦿꦶꦠ꧀꧈ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦲꦶꦗꦼꦩ꧀꧈ ꦥꦥꦱꦤ꧀ꦧꦺꦴꦏ꧀ꦩꦤꦮꦶꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦠꦼꦠꦸꦮꦸꦃꦲꦤ꧀ꦲꦸꦠꦮꦶꦥꦼꦏ꧀ꦱꦶꦥꦥꦱꦤ꧀ ꦲꦤꦔꦶꦁ꧈ ꦮꦺꦴꦤ꧀ꦠꦼꦤ꧀ꦒꦒꦱꦤ꧀ꦱꦤꦺꦱ꧀ꦧꦶꦭꦶꦃꦥꦥꦱꦤ꧀ꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦥꦥꦱ꧀꧈ ꦭꦗꦼꦁꦢꦢꦺꦴꦱ꧀ꦲꦩꦥꦱ꧀ꦲꦶꦁꦏꦁꦲꦠꦼꦒꦼꦱ꧀ꦲꦤꦸꦩ꧀ꦥꦼꦱ꧀꧈ ꦧꦶꦭꦶꦃꦩꦼꦏꦠꦼꦤ꧀꧈ ꦥꦥꦱ꧀ꦱꦤ꧀ꦲꦠꦼꦒꦼꦱ꧀ꦧꦽꦒꦢꦲꦶꦁꦏꦁꦲꦩꦥꦱ꧀ꦩꦼꦁꦱꦃꦏꦤ꧀ꦛꦶꦠꦼꦒꦸꦃ꧈
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦗꦒꦏꦂꦪꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦠꦿꦶꦱꦸꦭꦏꦤ꧀ꦛꦶꦮꦸꦗꦸꦢ꧀ꦢꦶꦁꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦲꦶꦁꦏꦁꦲꦸꦒꦶꦏꦮꦱ꧀ꦠꦤꦤ꧀ꦠꦿꦶꦱꦸꦭ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦂꦠꦶꦗꦒꦏꦂꦪꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦠꦩꦺꦁꦩꦢꦸꦫ꧉ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦱ꧀ꦭꦃꦒꦼꦤ꧀ꦢꦶꦂ꧉
꧋ ꧇꧗꧇ ꧉ ꦧꦽꦒꦢꦥꦿꦮꦶꦫꦠꦩ
꧋ ꦤꦩꦧꦽꦒꦢꦥꦿꦮꦶꦫꦠꦩꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦥꦿꦮꦶꦫꦭꦤ꧀ꦠꦩ꧉ ꦠꦼꦩ꧀ꦧꦸꦁꦥꦿꦮꦶꦫꦲꦠꦼꦒꦼꦱ꧀ꦱꦸꦫꦲꦸꦠꦮꦶꦥꦿꦮꦶꦫ꧉ ꦠꦼꦩ꧀ꦧꦸꦁꦠꦩꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁꦧꦱꦱꦤ꧀ꦏꦿꦶꦠ꧀ꦲꦠꦼꦒꦼꦱ꧀ꦲꦸꦠꦩꦲꦸꦠꦮꦶꦭꦶꦤꦸꦮꦶꦃ꧈ ꦮꦸꦱ꧀ꦢꦺꦤ꧀ꦠꦼꦤ꧀꧈ ꦲꦶꦁꦧꦱꦏꦮꦶꦲꦠꦼꦒꦼꦱ꧀ꦗꦸꦫꦸꦲꦸꦠꦮꦶꦏꦶꦤꦮꦶꦃ꧈ ꦮꦼꦂꦢꦶꦤꦶꦥꦸꦤ꧀꧈ ꦥꦿꦮꦶꦫꦠꦩꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦱꦸꦫꦭꦤ꧀ꦏꦶꦤꦮꦶꦃꦮꦺꦴꦤ꧀ꦠꦼꦤ꧀ꦲꦶꦁꦱꦧꦼꦤ꧀ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀꧈ ꦠꦤ꧀ꦱꦃꦮꦶꦱꦺꦱꦱꦤꦢꦾꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱ꧀ꦮꦱꦤꦥꦿꦁ꧉
꧋ ꦏ꧀ꦭꦺꦧꦺꦠ꧀ꦧꦽꦒꦢꦥꦿꦮꦶꦫꦠꦩꦲꦶꦁꦒꦶꦃꦥꦸꦤꦶꦏꦒꦼꦤꦶꦫꦺꦴꦒꦧꦤ꧀ꦛꦺꦁꦏꦼꦠꦠꦺꦴꦤ꧀꧈ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦕꦼꦩꦼꦁ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦲꦧꦿꦶꦠ꧀꧈ ꦒꦼꦤꦶꦲꦠꦼꦒꦼꦱ꧀ꦒꦼꦤꦶꦭꦤ꧀ꦫꦺꦴꦒꦲꦠꦼꦒꦼꦱ꧀ꦱꦏꦶꦠ꧀꧈ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦥꦿꦮꦶꦫꦠꦩꦩꦶꦤꦁꦏꦧꦽꦒꦢꦲꦶꦁꦏꦁꦢꦶꦥꦸꦤ꧀ꦒꦼꦒꦣꦁꦱꦒꦼꦢ꧀ꦠꦤ꧀ꦱꦃꦲꦔꦱꦺꦴꦂꦫꦏꦼꦤ꧀ꦩꦼꦁꦱꦃꦏꦤ꧀ꦛꦶꦒꦩ꧀ꦥꦶꦭ꧀꧈
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦥꦿꦮꦶꦫꦠꦩꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦠꦿꦶꦱꦸꦭꦏꦤ꧀ꦛꦶꦮꦸꦗꦸꦢ꧀ꦢꦶꦁꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦲꦶꦁꦏꦁꦏꦮꦱ꧀ꦠꦤꦤ꧀ꦠꦿꦶꦱꦸꦭ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦥꦿꦮꦶꦫꦠꦩꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦥꦤ꧀ꦝꦼꦧꦿꦸꦒ꧀꧈ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦧꦭꦁ꧉
꧋ ꧇꧘꧇ ꧉ ꦧꦽꦒꦢꦚꦸꦠꦿ
꧋ ꦤꦩꦧꦽꦒꦢꦚꦸꦠꦿꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦱꦸꦠꦿꦲꦶꦁꦏꦁꦥꦶꦏꦤ꧀ꦠꦸꦏ꧀ꦲꦠꦼꦂꦲꦠꦼꦂ꧉ꦤ꧉ ꦠꦼꦩ꧀ꦧꦸꦁꦱꦸꦠꦿꦲꦶꦁꦧꦱꦏꦮꦶꦲꦠꦼꦒꦼꦱ꧀ꦲꦸꦁꦒꦸꦭ꧀ꦲꦸꦠꦮꦶꦊꦭꦸꦔꦶꦢ꧀ꦢꦤ꧀꧈ ꦮꦸꦱ꧀ꦢꦺꦤ꧀ꦠꦼꦤ꧀꧈ ꦮꦺꦴꦤ꧀ꦠꦼꦤ꧀ꦲꦶꦁꦧꦱꦗꦮꦧꦫꦸ꧈ ꦠꦼꦒꦼꦱ꧀ꦱꦶꦥꦸꦤ꧀ꦏꦲꦶꦤ꧀ꦱꦸꦠꦿꦲꦶꦁꦏꦁꦲꦭꦸꦱ꧀꧈ ꦲꦠꦼꦂꦲꦠꦼꦂ꧉ꦤ꧈ꦲꦚꦸꦏꦤ꧀ꦤꦶꦠꦼꦒꦼꦱ꧀ꦠꦸꦩꦶꦤ꧀ꦢꦏ꧀ꦲꦏ꧀ꦠꦶꦥ꦳꧀ꦒꦪꦸꦠ꧀ꦏꦭꦶꦪꦤ꧀ꦱꦸꦠꦿ꧉ ꦥꦿꦗꦸꦫꦶꦠ꧀ꦚꦸꦠꦿꦲꦶꦁꦒꦶꦃꦥꦸꦤꦶꦏꦥꦔꦶꦫꦶꦢ꧀ꦢꦶꦁꦱꦸꦭ꧀ꦠꦤ꧀꧈ ꦮꦼꦂꦢꦶꦤꦶꦥꦸꦤ꧀꧈ ꦚꦸꦠꦿꦲꦠꦼꦒꦼꦱ꧀ꦥꦿꦗꦸꦫꦶꦠ꧀ꦲꦶꦁꦏꦁꦲꦭꦸꦱ꧀ꦥꦿꦱꦱꦠ꧀ꦱꦸꦠꦿꦲꦶꦁꦏꦁꦠꦤ꧀ꦱꦃꦲꦔꦶꦫꦶꦢ꧀ꦭꦤ꧀ꦲꦚ꧀ꦗꦒꦶꦤꦠ꧈ ꦲꦤꦔꦶꦁꦲꦸꦒꦶꦲꦁꦒꦣꦃꦲꦶꦭꦤ꧀ꦝꦼꦥ꧀ꦥꦶꦁꦫꦱꦭꦤ꧀ꦩꦺꦴꦚ꧀ꦕꦺꦂ꧈
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦚꦸꦠꦿꦲꦶꦁꦒꦶꦃꦥꦸꦤꦶꦏꦥꦺꦴꦣꦁꦔꦶꦁꦱꦼꦥ꧀ꦱꦫꦶꦭꦤ꧀ꦥꦢ꧀ꦩꦱꦿꦶꦏꦽꦱ꧀ꦤ꧉ ꦥꦺꦴꦣꦁꦔꦶꦁꦱꦼꦥ꧀ꦱꦫꦶꦠꦸꦩꦿꦥ꧀ꦥꦿꦗꦸꦫꦶꦠ꧀ꦚꦸꦠꦿꦲꦧꦿꦶꦠ꧀ꦲꦮꦸꦗꦸꦢ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦗꦼꦤꦺ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀꧈ ꦮꦺꦴꦤ꧀ꦠꦼꦤ꧀ꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦲꦧꦿꦶꦠ꧀꧈ ꦥꦢ꧀ꦩꦱꦿꦶꦏꦽꦱ꧀ꦤꦠꦸꦩꦿꦥ꧀ꦥꦶꦁꦥꦿꦗꦸꦫꦶꦠ꧀ꦚꦸꦠꦿꦕꦼꦩꦼꦁꦲꦮꦸꦗꦸꦢ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦗꦼꦤꦺ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀꧈ ꦮꦺꦴꦤ꧀ꦠꦼꦤ꧀ꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦕꦼꦩꦼꦁ꧉ ꦥꦺꦴꦣꦁꦥꦶꦤꦁꦏꦤꦶꦥꦸꦤ꧀ꦱꦏꦶꦁꦏꦼꦥꦺꦴꦣꦁ꧈ ꦲꦶꦁꦒꦶꦃꦥꦸꦤꦶꦏꦥꦼꦏ꧀ꦱꦶꦏꦤ꧀ꦛꦶꦮꦸꦭꦸꦮꦂꦤꦶꦗꦼꦤꦺꦩꦱ꧀꧈ ꦔꦶꦁꦱꦼꦥ꧀ꦲꦠꦼꦒꦼꦱ꧀ꦔꦶꦁꦱꦼꦥ꧀꧈ ꦱꦫꦶꦲꦠꦼꦒꦼꦱ꧀ꦱꦫꦶ꧉ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦚꦸꦠꦿꦲꦧꦿꦶꦠ꧀ꦲꦶꦁꦒꦶꦃꦧꦽꦒꦢꦲꦶꦁꦏꦁꦠꦤ꧀ꦱꦃꦲꦚꦼꦥꦼꦁꦏꦭꦸꦲꦸꦂꦫꦤ꧀꧈ ꦥꦢ꧀ꦩꦲꦠꦼꦒꦼꦱ꧀ꦱꦼꦏꦂꦠꦿꦠꦺ꧉ ꦱꦿꦶꦏꦽꦱ꧀ꦤꦲꦶꦁꦒꦶꦃꦥꦸꦤꦶꦏꦭꦏꦺꦴꦤ꧀ꦫꦶꦁꦒꦶꦠ꧀ꦩꦶꦤꦁꦏꦥꦚ꧀ꦗꦤ꧀ꦩꦤꦶꦁꦢꦺꦮꦮꦶꦱ꧀ꦤꦸ꧉ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦚꦸꦠꦿꦕꦼꦩꦼꦁꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦠꦤ꧀ꦱꦃꦲꦩ꧀ꦧꦿꦱ꧀ꦠꦲꦢꦂꦩ꧈ ꦏꦢꦺꦴꦱ꧀ꦲꦶꦁꦏꦁꦠꦤ꧀ꦱꦃꦢꦶꦥꦸꦤ꧀ꦠꦶꦤ꧀ꦢꦏ꧀ꦏꦏꦼꦤ꧀ꦢꦺꦤꦶꦁꦱꦿꦶꦏꦽꦱ꧀ꦤ꧉
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦚꦸꦠꦿꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍꧈ ꦠꦺꦴꦮꦺꦴꦏ꧀꧈ ꦠꦩꦺꦁ꧈ ꦥꦤꦃ꧈ ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦠꦿꦶꦱꦸꦭꦏꦤ꧀ꦛꦶꦮꦸꦗꦸꦢꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦏꦮꦱ꧀ꦠꦤꦤ꧀ꦠꦿꦶꦱꦸꦭ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦚꦸꦠꦿꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦱꦸꦫꦺꦁꦥꦿꦁ꧉ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦩ꧀ꦧꦠ꧀ ꦩ꧀ꦧꦠ꧀ꦥꦼꦚ꧀ꦗꦭꦶꦤ꧀ꦲꦸꦠꦮꦶꦠꦩ꧀ꦠꦩꦧꦭꦶꦏ꧀꧈
꧋ ꧇꧙꧇ ꧉ ꦧꦽꦒꦢꦏꦼꦠꦁꦒꦸꦁ
꧋ ꦤꦩꦧꦽꦒꦢꦏꦼꦠꦁꦒꦸꦁꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦠꦁꦒꦸꦁꦲꦶꦁꦏꦁꦥꦶꦏꦤ꧀ꦠꦸꦏ꧀ꦲꦠꦼꦂꦲꦠꦼꦂ꧉ꦏꦼ꧉ ꦠꦁꦒꦸꦁꦲꦠꦼꦒꦼꦱ꧀ꦧꦼꦧꦤ꧀ꦲꦸꦠꦮꦶꦲꦮꦿꦠ꧀꧈ ꦢꦺꦤꦺ꧈ ꦲꦠꦼꦂꦲꦠꦼꦂ꧉ꦏꦼ꧈ꦲꦠꦼꦒꦼꦱ꧀ꦱꦔꦼꦠ꧀꧈ ꦮꦼꦂꦢꦶꦤꦶꦥꦸꦤ꧀꧈ ꦏꦼꦠꦁꦒꦸꦁꦲꦠꦼꦒꦼꦱ꧀ꦧꦽꦒꦢꦲꦶꦁꦏꦁꦲꦁꦒꦣꦃꦲꦶꦏꦧꦼꦧꦃꦲꦤ꧀ꦲꦶꦁꦏꦁꦲꦮꦿꦠ꧀ꦱꦔꦼꦠ꧀꧈
꧋ ꦏ꧀ꦭꦺꦧꦺꦠ꧀ꦧꦽꦒꦢꦏꦼꦠꦁꦒꦸꦁꦲꦶꦁꦒꦶꦃꦥꦸꦤꦶꦏꦕꦏꦿꦱ꧀ꦮꦤ꧀ꦢꦤ꧉ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦕꦼꦩꦼꦁ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦏꦂꦠꦶꦏꦲꦮꦸꦗꦸꦢ꧀ꦥꦱꦒꦶꦲꦼꦤꦼꦩ꧀ꦏꦤ꧀ꦛꦶꦮꦂꦤꦶꦥꦼꦛꦏ꧀꧈ ꦕꦏꦿꦲꦶꦁꦒꦶꦃꦥꦸꦤꦶꦏꦒꦩꦤ꧀ꦲꦮꦸꦗꦸꦢ꧀ꦗꦤ꧀ꦠꦿꦲꦶꦁꦏꦁꦠꦼꦥꦶꦤꦶꦥꦸꦤ꧀ꦕꦸꦩꦿꦶꦔꦶꦃ꧈ ꦱ꧀ꦮꦤ꧀ꦢꦤꦲꦠꦼꦒꦼꦱ꧀ꦠꦼꦠꦸꦁꦒꦁꦔꦤ꧀ꦲꦸꦠꦮꦶꦏꦿꦺꦠ꧉
꧋ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦏꦼꦠꦁꦒꦸꦁꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦲꦩ꧀ꦧꦼꦠꦒꦩꦤ꧀ꦲꦁꦒꦼꦒꦶꦫꦶꦱ꧀ꦱꦶꦲꦶꦁꦏꦁꦲꦩ꧀ꦧꦿꦱ꧀ꦠꦩꦼꦁꦱꦃ꧈ ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦧꦽꦒꦢꦥꦿꦗꦸꦫꦶꦠ꧀ꦏꦼꦠꦁꦒꦸꦁꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦤꦼꦁꦒꦭꦏꦤ꧀ꦛꦶꦮꦸꦗꦸꦢ꧀ꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦏꦮꦱ꧀ꦠꦤꦤ꧀ꦤꦼꦁꦒꦭ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦏꦼꦠꦁꦒꦸꦁꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦭꦶꦤ꧀ꦠꦿꦶꦏ꧀ꦩꦱ꧀ꦫꦶꦕꦶꦏ꧀ꦏꦤ꧀ꦩꦱ꧀ꦥꦿꦒꦺꦴꦭꦩꦶꦭꦶꦂ꧉ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦲꦂꦗꦸꦤꦩꦁꦱꦃꦭꦤ꧀ꦧꦶꦩꦏꦸꦂꦢ꧉
꧋ ꧇꧑꧐꧇ ꧉ ꦧꦽꦒꦢꦩꦤ꧀ꦠꦿꦶꦗꦼꦫꦺꦴ
꧋ ꦤꦩꦧꦽꦒꦢꦩꦤ꧀ꦠꦿꦶꦗꦼꦫꦺꦴꦥꦶꦤꦁꦏꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦩꦤ꧀ꦠꦿꦶꦭꦤ꧀ꦗꦼꦫꦺꦴ꧉ ꦩꦤ꧀ꦠꦿꦶꦲꦠꦼꦒꦼꦱ꧀ꦗꦸꦫꦸꦮꦶꦕꦤ꧀ꦠꦼꦤ꧀꧈ ꦩꦼꦤ꧀ꦠꦿꦶ꧈ ꦲꦸꦠꦮꦶꦏꦊꦁꦒꦃꦲꦤ꧀ꦱꦔꦶꦁꦒꦶꦭ꧀ꦭꦶꦁꦧꦸꦥꦠꦶ꧉ ꦮꦼꦂꦢꦶꦤꦶꦥꦸꦤ꧀꧈ ꦩꦤ꧀ꦠꦿꦶꦗꦼꦫꦺꦴꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦲꦁꦒꦣꦃꦲꦶꦏꦮꦼꦤꦁꦔꦤ꧀ꦠꦸꦩꦸꦠ꧀ꦲꦠꦸꦂꦥꦶꦠꦼꦢꦃꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁꦏꦿꦠꦺꦴꦤ꧀꧈
꧋ ꦏ꧀ꦭꦺꦧꦺꦠ꧀ꦥꦿꦗꦸꦫꦶꦠ꧀ꦩꦤ꧀ꦠꦿꦶꦗꦼꦫꦺꦴꦲꦶꦁꦒꦶꦃꦥꦸꦤꦶꦏꦥꦸꦂꦤꦩꦱꦶꦣꦶ꧉ ꦮꦸꦗꦸꦢ꧀ꦢꦶꦥꦸꦤ꧀ꦱꦼꦏꦮꦤ꧀ꦥꦱꦒꦶꦥꦚ꧀ꦗꦁꦏꦤ꧀ꦛꦶꦮꦂꦤꦶꦣꦱꦂꦕꦼꦩꦼꦁ꧉ ꦲꦶꦁꦥꦸꦚ꧀ꦗꦼꦂꦫꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦧꦸꦤ꧀ꦢꦼꦂꦫꦤ꧀ꦏꦤ꧀ꦛꦶꦮꦂꦤꦶꦥꦼꦛꦏ꧀꧈ ꦥꦸꦂꦤꦩꦲꦶꦁꦒꦶꦃꦥꦸꦤꦶꦏꦉꦩ꧀ꦧꦸꦭꦤ꧀ꦲꦶꦁꦏꦁꦏꦠꦺꦴꦤ꧀ꦮꦸꦠꦸꦃꦭꦤ꧀ꦱꦶꦣꦶꦲꦠꦼꦒꦼꦱ꧀ꦱꦩ꧀ꦥꦸꦂꦤ꧉ ꦏ꧀ꦭꦺꦧꦺꦠ꧀ꦥꦸꦤꦶꦏꦲꦁꦒꦣꦃꦲꦶꦮꦼꦂꦢꦶꦧꦶꦭꦶꦃꦩꦤ꧀ꦠꦿꦶꦗꦼꦫꦺꦴꦲꦶꦁꦒꦶꦃꦥꦸꦤꦶꦏꦧꦽꦒꦢꦲꦶꦁꦏꦁꦢꦶꦥꦸꦤ꧀ꦒꦼꦒꦣꦁꦠꦤ꧀ꦱꦃꦲꦚꦸꦏꦤꦶꦥꦿꦢꦶꦥ꧀ꦠꦲꦶꦁꦠꦶꦤꦶꦫ꧉
꧋ꦱꦚ꧀ꦗꦠꦲꦶꦁꦏꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦧꦽꦒꦢꦥꦿꦗꦸꦫꦶꦠ꧀ꦩꦤ꧀ꦠꦿꦶꦗꦼꦫꦺꦴꦲꦶꦁꦒꦶꦃꦥꦸꦤꦶꦏꦠꦺꦴꦩ꧀ꦧꦏ꧀꧌ꦮꦲꦺꦴꦱ꧀꧍ꦭꦤ꧀ꦧꦼꦣꦶꦭ꧀꧈ ꦠꦺꦴꦩ꧀ꦧꦏ꧀ꦥꦸꦱꦏꦤꦶꦥꦸꦤ꧀ꦏꦮꦱ꧀ꦠꦤꦤ꧀ꦏꦚ꧀ꦗꦼꦁꦏꦾꦲꦶꦕꦏꦿꦏꦤ꧀ꦛꦶꦮꦸꦗꦸꦢ꧀ꦥꦸꦕꦸꦏ꧀ꦏꦶꦥꦸꦤ꧀꧌ꦝꦥꦸꦂ꧍ꦲꦶꦁꦏꦁꦏꦮꦱ꧀ꦠꦤꦤ꧀ꦕꦏꦿ꧉ ꦤꦭꦶꦏꦭꦩ꧀ꦥꦃꦧꦫꦶꦱ꧀ꦫꦶꦏꦠ꧀꧈ ꦧꦽꦒꦢꦥꦿꦗꦸꦫꦶꦠ꧀ꦩꦤ꧀ꦠꦿꦶꦗꦼꦫꦺꦴꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦥ꧀ꦭꦁꦏꦼꦤ꧀ꦤꦤ꧀ꦩꦉꦱ꧀ꦱꦼꦠꦺꦴꦏ꧀꧈ ꦢꦺꦤꦺ꧈ ꦤꦭꦶꦏꦭꦩ꧀ꦥꦃꦩꦕꦏ꧀ꦏꦲꦶꦫꦶꦁꦔꦤ꧀ꦒꦼꦤ꧀ꦝꦶꦁꦱ꧀ꦭꦒꦸꦤ꧀ꦢꦼꦂꦉꦱ꧀ꦠꦺꦴꦥꦼꦊꦤ꧀꧈
꧋ꦱꦧꦼꦤ꧀ꦧꦽꦒꦢꦲꦸꦒꦶꦲꦧ꧀ꦢꦶꦢꦊꦩ꧀ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠꦢꦶꦥꦸꦤ꧀ꦒꦼꦒꦣꦁꦲꦁꦒꦣꦃꦲꦶꦮꦠꦏ꧀ꦏ꧀ꦱꦠꦿꦶꦪ꧉ ꦮꦠꦏ꧀ꦲꦶꦁꦏꦁꦲꦣꦼꦣꦱꦂꦱꦱꦤ꧀ꦠꦶꦚꦮꦶꦗꦶ꧈ ꦒꦽꦒꦼꦠ꧀꧈ ꦱꦼꦁꦒꦸꦃ꧈ ꦲꦺꦴꦫꦩꦶꦁꦏꦸꦃ꧈ ꦩꦶꦤꦁꦏꦭꦸꦏꦶꦠꦤꦶꦁꦲꦒꦼꦱꦁ꧈ ꦚꦮꦶꦗꦶꦲꦠꦼꦒꦼꦱ꧀ꦏꦮꦼꦤꦶꦁꦔꦤꦶꦁꦥꦼꦁꦒꦭꦶꦃꦲꦁꦒꦺꦤ꧀ꦤꦶꦥꦸꦤ꧀ꦒꦼꦒꦪꦸꦃꦱꦼꦢꦾ꧉ ꦒꦽꦒꦼꦠ꧀ꦲꦶꦁꦒꦶꦃꦥꦸꦤꦶꦏꦒꦉꦒꦼꦠ꧀ꦠꦶꦁꦗꦶꦮꦲꦁꦒꦺꦤ꧀ꦤꦶꦥꦸꦤ꧀ꦲꦁꦒꦼꦒꦪꦸꦃꦱꦼꦢꦾ꧉ ꦱꦼꦁꦒꦸꦃꦲꦶꦁꦒꦶꦃꦥꦸꦤꦶꦏꦥꦶꦠꦢꦺꦴꦱ꧀ꦝꦠꦼꦁꦣꦶꦫꦶꦲꦁꦒꦺꦤ꧀ꦤꦶꦥꦸꦤ꧀ꦲꦁꦒꦪꦸꦃꦱꦼꦢꦾ꧉ ꦲꦺꦴꦫꦩꦶꦁꦏꦸꦃꦲꦠꦼꦒꦼꦱ꧀ꦢꦠꦤ꧀ꦲꦚꦶꦁꦏꦶꦂꦫꦶꦏꦸꦮꦗꦶꦧꦤ꧀ꦤꦶꦥꦸꦤ꧀꧈ ꦢꦠꦤ꧀ꦩꦶꦁꦏꦸꦃꦱꦤꦢꦾꦤ꧀ꦮꦺꦴꦤ꧀ꦠꦼꦤ꧀ꦊꦧꦼꦠ꧀ꦠꦶꦁꦭꦩ꧀ꦥꦃꦲꦁꦒꦺꦤ꧀ꦤꦶꦥꦸꦤ꧀ꦲꦁꦒꦼꦒꦪꦸꦃꦱꦼꦢꦾꦏꦛꦃꦲꦤꦼꦩꦃꦲꦶꦫꦸꦧꦺꦢ꧉
꧋ ꦱꦮꦶꦗꦶ꧈ ꦒꦽꦒꦼꦠ꧀꧈ ꦱꦼꦁꦒꦸꦃ꧈ ꦲꦺꦴꦫꦩꦶꦁꦏꦸꦃꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦤꦸꦮꦸꦃꦲꦏꦼꦤ꧀ꦮꦠꦏ꧀ꦏ꧀ꦱꦠꦿꦶꦪꦲꦶꦁꦏꦁꦊꦭꦧꦸꦃꦲꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦲꦠꦸꦂꦫꦏꦼꦤ꧀ꦝꦠꦼꦁꦤꦸꦱ꧈ ꦧꦁꦱ꧈ ꦭꦤ꧀ꦤꦒꦫ꧉ ꦮꦠꦏ꧀ꦭꦸꦲꦸꦂꦲꦶꦁꦏꦁꦲꦣꦼꦣꦱꦂꦊꦭꦧꦸꦃꦲꦤ꧀ꦠꦸꦩꦿꦥ꧀ꦥꦶꦁꦏꦲꦸꦠꦩꦤ꧀꧈ ꦏꦼꦲꦢꦶꦭꦤ꧀꧈ ꦏꦥꦶꦪꦤ꧀ꦢꦼꦭ꧀ꦭꦤ꧀꧈ ꦱꦂꦠꦥꦩ꧀ꦧꦼꦏꦤ꧀ꦲꦶꦁꦏꦁꦮꦼꦤꦶꦁ꧉
Bregada Prajurit Kraton Ngayogyakarta
samaŋke punika, kŕaton haŋgaḍaḥhi sědasa pěpanṭan pasukan hiŋkaŋ siněbut bŕěgada. guŋguŋṅipun sědaya pŕajurit radi sěkěḍik. kiraŋ laŋkuŋ 600 tiyaŋ. guŋguŋṅipun pŕajurit wontěn hiŋ saběn bŕěgada maneka waṙni. bŕěgada nyutŕa, tulaḍanipun, namuŋ maděg sakiŋ 64 tiyaŋ sawědal.
panḍega hutama sakiŋ sědaya bŕěgada pŕajurit kŕaton hiŋgiḥ punika sawijiniŋ maŋgalayuḍa hutawi kommanḍan/kuměnḍam, hiŋkaŋ gělaṙ jaŋkěppipun hiŋgiḥ punika kommanḍan wadana hagěŋ pŕajurit. maŋgalayuḍa haŋgaḍaḥhi kuwajiban haniti lan kaběbaḥhan tumŕappiŋ sadaya bŕěgada. pañjěněṅannipun dipunbiyantu deniŋ sawijiniŋ panḍega (kapten parentaḥ), kanṭi gělaṙ jaŋkěppipun bupati hěnem wadana pŕajurit, hiŋkaŋ kuwajibannipun haŋgělaṙ sědaya bŕěgada.
saběn bŕěgada dipunpanḍegani deniŋ pŕawira hiŋkaŋ kaḷěŋgaḥhannipun kapten. kajawi bŕěgada bugis lan surakaṙsa hiŋkaŋ dipunpanḍegani deniŋ sawijiniŋ wědana.
panḍega dipunsaṙtani deniŋ pŕāwira kaŋ siněbut pañji (luraḥ). pŕawira punika kaběbaḥhan aṅatuṙ lan pariŋ parentaḥ ḍatěŋ sědaya bŕěgada. saběn pañji dipunsaṙtani deniŋ sawijiniŋ wakil pañji. wusdentěn, ṛěgu-ṛěgu hiŋ saběn bŕěgada dipunpanḍegani deniŋ sawijiniŋ bintara hiŋkaŋ paŋkattipun seṙsan.
samastaniŋ pŕawira hiŋ saḷěbětiŋ sadaya bŕěgada dipunpanḍegani deniŋ sawijiniŋ panḍega, kajawi bŕěgada wirabŕaja lan bŕěgada mantŕijěro hiŋkaŋ pikantuk ḍawuḥ sakiŋ kommanḍan tanpa lantaran. pŕajurit kŕaton ngayogỿakaṙta sagěd dipunpanṭa hiŋ ḷěbět tigaŋ pěpanṭan. pŕajurit hiŋkaŋ kadaṙbe deniŋ kěpatiḥhan, hiŋgiḥ punika bŕěgada bugis. pŕajurit hiŋkaŋ kadaṙbe deniŋ kadipaten hanom, hiŋgiḥ punika bŕěgada surakaṙsa, hugi tiraḥhipun kadaṙbe deniŋ kŕaton.
- bŕěgada bugis
bŕěgada bugis wiwitaniŋ pinaŋkanipun sakiŋ bugis, sulawesi. hanaṅiŋ, pŕajurit hiŋkaŋ samaŋke sampun botěn kasusun maliḥ sakiŋ tiyaŋ-tiyaŋ bugis. hiŋ lěbět hupacara gaṛěběg, bŕěgada punika kaběbaḥhan minaŋka paṅirid gunuŋṅan hiŋkaŋ dipunběta ḍatěŋ kěpatiḥhan.
pañji-pañji/gěndera/kḷěběting pŕajurit bugis hiŋgiḥ punika wulandadari, hiŋkaŋ hawujud pěsagi pañjaŋ kanṭi waṙninipun ḍasaṙ cěměŋ. wontěn punjěripun hiŋgiḥ punika bunděran kanṭi waṙni jěne mas. wulan hatěgěs bulan. dadari hatěgěs měkaṙ, muñcul timbul. wěṙdinipun hiŋgiḥ punika bŕěgada hiŋkaŋ dipungěgaḍaŋ tansaḥ hañukani pŕadipta hiŋ timira. pasěmonipun pŕasasat wulan hiŋkaŋ dadari hiŋ timiraniŋ ratŕi, tejanipun hañuliḥhakěn baskara.
sañjata hiŋkaŋ dipunginakakěn deniŋ sadaya bŕěgada pŕajurit bugis hiŋgiḥ punika tumbak (wahos). tumbak pusakanipun kawastanan kañjěŋ kỿahi tŕisula kanṭi pucukipun (dapuṙ) hiŋkaŋ hugi kawastanan tŕisula. nalika lampaḥ baris, bŕěgada pŕajurit bugis kahiriṅan kaliyan gěnḍiŋ sanduŋ liwuŋ.
- bŕěgada surakaṙsa
nama bŕěṅada surakaṙsa pinaŋkanipun sakiŋ těmbuŋ sura lan kaṙsa. těmbuŋ sura atěgěs kěnděl, déné kaṙsa hatěgěs kaṛěp. wěṙdinipun surakaṙsa hiŋgiḥ punika pŕajurit hiŋkaŋ sura kanṭi sědỿa tansaḥ añjagi kawilujěṅaniŋ hadipati hanom. wontěn hupacara gaṛěběg, bŕěgada surakaṙsa kaběbaḥhan haṅirid gunuŋṅan hiŋkaŋ dipunběta ḍatěŋ masjid gěḍe.
kḷěbět pŕajurit surakaṙsa hiŋgiḥ punika pareyanom. wujudipun sěkawan pasagi pañjaŋ kanṭi waṙni ḍasaṙ hijěm. hiŋ puñjěripun wontěn bunděran kanṭi waṙni jěne. pareyanom pinaŋkanipun sakiŋ těmbuŋ paré (golongan tětanduran hiŋkaŋ mawoḥhipun mŕambat) lan těmbuŋ hanom hiŋkaŋ atěgěs muḍa. kḷěbět punika haŋgaḍahi wěṙdi biliḥ surakaṙsa minaŋka bŕěgada hiŋkaŋ tansaḥ gumŕěgět kanṭi manah hiŋkaŋ nitỿatŕuna.
sañjata hiŋkaŋ dipunginakakěn deniŋ bŕěgada pŕajurit surakaṙsa hiŋgiḥ punika tombak (wahos). tombak pusakanipun kawastanan kañjěŋ kỿahi něŋgala kanṭi wujudiŋ pucukipun (dapuṙ) hiŋkaŋ kawastanan bañak haṅŕěm. nalika lampaḥ baris, bŕěgada pŕajurit surakaṙsa kahiriṅan gěnḍiŋ plaŋkěnan.
- bŕěgada wirabŕaja
nama bŕěgada wirabŕaja pinaŋkanipun sakiŋ těmbuŋ wira lan bŕaja. těmbuŋ wira hatěgěs wani lan bŕaja hiŋkaŋ hatěgěs tajěm. wěṙdinipun, wirabŕaja hiŋgiḥ punika pŕajurit hiŋkaŋ sura saṅět kanṭi pañcadŕiya hiŋkaŋ lantip. bŕěgada punika tansaḥ waspahos ḍatěŋ kawontěnan, datan tumuŋkul haŋgenipun hambela kahutaman. hugi datan miŋkuḥ sakdereṅipun němpuḥ měŋsaḥ.
kḷěbět pŕajurit wirabŕaja hiŋgiḥ punika gula klapa. wujudipun sěkawan pasagi pañjaŋ kanṭi waṙni ḍasaṙ pěṭak. wontěn hiŋ saběn siku riněŋga kaliyan cěnṭuŋ hiŋkaŋ waṙni habŕit kados pucuking lombok habŕit (kuku bima). hiŋ puñjěripun wontěn pasagi kanṭi waṙni habŕit lan pasagi wolu kanṭi waṙni pěṭak hiŋ ḷěbětipun. gula klapa pinaŋkanipun sakiŋ těmbuŋ gula lan klapa. gula wontěn těmbuŋ punika hiŋgiḥ gěnḍis jawi hiŋkaŋ waṙni habŕit. wusdéné, klapa haŋgaḍahi waṙni pěṭak. kḷěbět punika haŋgaḍahi wěṙdi biliḥ wirabŕaja hiŋgiḥ punika bŕěgada hiŋkaŋ tansaḥ hambela kapawitŕan hugi kahutaman.
sañjata hiŋkaŋ dipunginakakěn deniŋ bŕěgada pŕajurit wirabŕaja hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi slamět lan kañjěŋ kỿahi santŕi kanṭi wujudiŋ pucukipun (dapuṙ) kawastanan maŋgara/catuṙsara/cŕěŋkěŋ. nalika lampaḥ baris rikat, bŕěgada pŕajurit wirabŕaja kahiringan gěnḍiŋ ḍayuṅan. dene, nalika lampaḥ macak kahiringan gěnḍiŋ ṛěta ḍěḍali.
- bŕěgada ḍahěŋ
nama bŕěgada ḍaheŋ pinaŋkanipun sakiŋ nama gělaṙ kapŕiyayeniŋ makasaṙ. wiwitanipun, pŕajurit ḍaheŋ pañci sakiŋ rika. anaṅiŋ, pŕajurit hiŋkaŋ samaŋke sampun botěn kasusun maliḥ sakiŋ tiyaŋ-tiyaŋ makasaṙ.
kḷěbět pŕajurit ḍaheŋ hiŋgiḥ punika baḥniŋsari. wujudipun sěkawan pasagi pañjaŋ kanṭi waṙni ḍasaṙ pěṭak. hiŋ puñjěripun hiŋgiḥ punika kaṙtika hiŋkaŋ hawujud sěgi wolu kanṭi waṙni habŕit. baḥni hatěgěs gěni, lan sari hatěgěs hendaḥ. kḷěbět punika wěṙdinipun hiŋgiḥ punika bŕěgada ḍaheŋ minaŋka bŕěgada hiŋkaŋ datan tumuŋkul karana kawiṙyawanipun, pŕasasat gaṛěgětiŋ gěni hiŋkaŋ tansah sumorot tumeja.
sañjata hiŋkaŋ dipunginakakěn deniŋ bŕěgada pŕajurit ḍaheŋ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi jatimulỿa kanṭi wujudiŋ pucukipun (dapuṙ) hiŋkaŋ kawastanan ḍoyok. nalika lampaḥ baris rikat, bŕěgada pŕajurit ḍaheŋ kahiriṅan gěnḍiŋ honḍal-honḍil. wusdentěn, nalika lampaḥ macak kahiriṅan gěnḍiŋ kěnaba.
- bŕěgada pataŋpuluḥ
pinaŋkanipun nama bŕěgada pataŋpuluḥ taksiḥ samaṙ ṅantos samaŋke. tětelanipun, nama kasěbat botěn wontěn gayutanipun kaliyan guŋguŋṅiŋ pŕajurit bŕěgada.
kḷěbět pŕajurit pataŋpuluḥ hiŋgiḥ punika cakŕagora. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika kaṙtika hawujud sěgi hěněm kanṭi waṙni habŕit. cakŕa hiŋgiḥ punika gaman hawujud jantŕa hiŋkaŋ těpinipun cumŕiṅiḥ. gora hatěgěs haŋgěgirisi hutawi ṅedab-hedabi. kḷěbět punika weṙdinipun biliḥ pataŋpuluḥ minaŋka bŕěgada hiŋkaŋ haŋgaḍahi kěkiyatan hiŋkaŋ linuwiḥ, saheŋga sadaya měŋsaḥ sagěd dipunhasorakěn.
sañjata hiŋkaŋ dipunginakakěn deniŋ bŕěgada pŕajurit pataŋpuluḥ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) kawastanan daramaŋgala/tŕisula caraŋsoka. nalika lampaḥ baris rikat, bŕěgada pataŋpuluḥ kahiriṅan gěnḍiŋ bulu-bulu. dene, nalika lampaḥ macak kahiriṅan gěnḍiŋ maṛěs gěndera.
- bṙěgada jagakaṙya
nama bŕěgada jagakaṙya pinaŋkanipun sakiŋ těmbuŋ jaga lan kaṙya. těmbuŋ jaga hatěgěs hañjagi lan kaṙya hatěgěs padamělan. wěṙdinipun, jagakaṙy hatěgěs pŕajurit hiŋkaŋ kaběbaḥhan tansaḥ hañjagi kawilujěṅaniŋ lampahipun pamarentahan kŕaton.
kḷěbět bŕěgada jagakaṙya hiŋgiḥ punika papasan. wujudipun sěkawan pasagi pañjaŋ kanṭi waṙni ḍasaṙ habŕit. hiŋ puñjěripun hiŋgiḥ punika bunděran kanṭi waṙni hijěm. papasan bokmanawi pinaŋkanipun sakiŋ těmbuŋ tětuwuhan hutawi pěksi papasan. hanaṅiŋ, wontěn gagasan sanes bilih papasan pinaŋkanipun sakiŋ těmbuŋ papas, lajěŋ dados hamapas hiŋkaŋ hatěgěs hanumpěs. biliḥ měkatěn, papasan hatěgěs bŕěgada hiŋkaŋ hamapas měŋsaḥ kanṭi těguḥ.
sañjata hiŋkaŋ dipunginakakěn deniŋ bŕěgada pŕajurit jagakaṙya hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) hiŋkaŋ hugi kawastanan tŕisula. nalika lampaḥ baris rikat, bŕěgada pŕājurit jagakaṙya kahiriṅan gěnḍiŋ tameŋ madura. dene, nalika lampaḥ macak kahiriṅan gěnḍiŋ slaḥgěndiṙ.
- bŕěgada pŕawiratama
nama bŕěgada pŕawiratama pinaŋkanipun sakiŋ těmbuŋ pŕawira lan tama. těmbuŋ pŕawira hatěgěṣ sura hutawi pŕawira. těmbuŋ tama wontěn saḷěbětiŋ basa sankŕit hatěgěs hutama hutawi linuwiḥ. wusdentěn, hiŋ basa kawi hatěgěs juru hutawi kinawiḥ. wěṙdinipun, pŕawiratama hiŋgiḥ punika bŕěgada hiŋkaŋ sura lan kinawiḥ wontěn hiŋ saběn tumindakipun, tansaḥ wisesa sanadỿan wontěn hiŋ swasana pŕaŋ.
kḷěbět bŕěgada pŕawiratama hiŋgiḥ punika gěniroga/banṭeŋ ketaton. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika bunděran kanṭi waṙni habŕit. gěni hatěgěs gěni lan roga hatěgěs sakit. kḷěbět punika haŋgaḍahi wěṙdi biliḥ pŕawiratama minaŋka bŕěgada hiŋkaŋ dipungěgaḍaŋ sagěd tansaḥ haṅasorakěn měŋsaḥ kanṭi gampil.
sañjata hiŋkaŋ dipunginakakěn deniŋ bŕěgada pŕajurit pŕawiratama hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) hiŋkaŋ kawastanan tŕisula. nalika lampaḥ baris rikat, bŕěgada pŕajurit pŕawiratama kahiriṅan gěnḍiŋ pan dě bŕug. deme. nalika lampaḥ macak kahiriṅan gěnḍiŋ balaŋ.
- bŕěgada ñutŕa
nama bŕěgada ñutŕa pinaŋkanipun sakiŋ těmbuŋ sutŕa hiŋkaŋ pikantuk hatěṙ-hatěṙ na. těmbuŋ sutŕa hiŋ basa jawi hatěgěs huŋgul hutawi ḷěluṅid. wusdentěn, wontěn hiŋ basa jawa baru, těgěsipun kahin sutŕa hiŋkaŋ halus. hatěṙ-hatěṙ na hañukani těgěs tumindak haktif gayu kaliyan sutŕa. pŕajurit ñutŕa hiŋgiḥ punika paṅiridiŋ sultan. wěṙdinipun, ñutŕa hatěgěs pŕajurit hiŋkaŋ halus pŕasasat sutŕa hiŋkaŋ tansaḥ haṅirid lan hañjagi nata, hanaṅiŋ hugi haŋgaḍahi lanḍěpiŋ raḥsa lan moñceṙ.
kḷěbět pŕajurit ñutŕa hiŋgiḥ punika poḍaŋ ṅiŋsěp sari lan padma sri kŕěsna. poḍaŋ ṅiŋsěp sari tumŕap pŕajurit ñutŕa habŕit hawujud sěkawan pasagi pañjaŋ kanṭi waṙni ḍasaṙ jěne. hiŋ puñjěripun, wontěn bunděran kanṭi waṙni habṙit. padma sŕi kŕěsna tumŕapiŋ pŕajurit ñutŕa cěměŋ hawujud sěkawan pasagi pañjaŋ kanṭi waṙni ḍasaṙ jěne. hiŋ puñjěripun, wontěn bunděran kanṭi waṙni cěměŋ. poḍaŋ pinaŋkanipun sakiŋ kěpoḍaŋ, hiŋgiḥ punika pěksi kanṭi wulu waṙni jěne mas. ṅiŋsěp hatěgěs ṅiŋsěp. sari hatěgěs sari. kḷěbět punika haŋgaḍāhi wěṙdi biliḥ ñutŕa habŕit hiŋgiḥ bŕěgada hiŋkaŋ tansaḥ hañěpěŋ kaluhuran. padma hatěgěs sěkaṙ trate. sŕi kŕěsna hiŋgiḥ punila lakon riŋgit minaŋka pañjanmaniŋ dewa wisnu. kḷěbět punika haŋgaḍahi wěṙdi biliḥ ñutŕa cěměŋ hiŋgiḥ punika bŕěgada hiŋkaŋ tansaḥ hambŕasta hadaṙma. kados hiŋkaŋ tansaḥ dipuntindakakěn deniŋ sŕi kŕěsna.
sañjata hiŋkaŋ dipunginakakěn deniŋ bŕěgada pŕajurit ñutŕa hiŋgiḥ punika tombak (wahos), towok, tameŋ, panaḥ, lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) kawastanan tŕisula. nalika lampaḥ baris rikat, bŕěgada pŕajurit ñutŕa kahiriṅan gěnḍiŋ sureŋ pŕaŋ. dene, nalika lampaḥ macak kahiriṅan gěnḍiŋ mbat-mbat pěñjalin hutawi tamtama balik.
- bŕěgada kětaŋguŋ
nama bŕěgada kětaŋguŋ pinaŋkanipun sakiŋ těmbuŋ taŋguŋ hiŋkaŋ pikantuk hatěṙ-hatěṙ kě. taŋguŋ hatěgěs běban hutawi hawŕat. dene, hatěṙ-hatěṙ kě hatěgěs saṅět. wěṙdinipun, kětaŋguŋ hatěgěs bŕěgada hiŋkaŋ haŋgaḍāhi kaběbahan hiŋkaŋ hawŕat saṅět.
kḷěbět bŕěgada kětaŋguŋ hiŋgiḥ punika cakŕaswandana. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika kaṙtika hawujud pasagi hěněm jabṭi waṙni pěṭak. cakŕa hiŋgiḥ punika gaman hawujud jantŕa hiŋkaŋ těpinipun cumŕiṅiḥ/ swandana hatěgěs tětuŋgaṅan hutawi kŕeta.
kḷěbět punika punika haŋgaḍahi wěṙdi biliḥ kětaŋguŋ hiŋgiḥ punika bŕěgada hiŋkaŋ hamběta gaman haŋgěgirisi hiŋkaŋ hambŕasta měŋsaḥ. sañjata hiŋkaŋ dipunginakakěn bŕěgada pŕajurit kětaŋguŋ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi něŋgala kanṭi wujud pucukipun (dapur) kawastanan něŋgala. nalika lampaḥ baris rikat, bŕěgada pŕajurit kětaŋguŋ kahiriṅan gěnḍiŋ lintŕikmas/ricikanmas/pŕagolamiliṙ. dene, nalika lampaḥ macak kahiriṅan gěnḍiŋ haṙjuna maŋsaḥ lan bima kuṙda.
- bŕěgada mantŕijěro
nama bŕěgada mantŕijěro pinaŋkanipun sakiŋ těmbuŋ mantŕi lan jěro. mantŕi hatěgěs juru wicantěn, měntŕi, hutawi kaḷěŋgahan saṅiŋgiliŋ bupati. wěṙdinipun, mantṙijěro hiŋgiḥ punika bŕěgada hiŋkaŋ haŋgaḍahi kawěnaṅan tumut hatuṙ pitědaḥ wontěn saḷěbětiŋ kŕaton.
kḷěbět pŕajurit mantŕijěro hiŋgiḥ punika puṙnamasiḍi. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika bumděṛan kanṭi waṙni pěṭak. puṙnama hiŋgiḥ punika ṛěmbulan hiŋkaŋ katon wutuḥ lan siḍi hatěgěs sampuṙna. kḷěbět punika haŋgaḍahi wěṙdi biliḥ mantŕijěro hiŋgiḥ punika bŕěgada hiŋkaŋ dipungěgaḍaŋ tansaḥ hañukani pŕadipta hiŋ tinira.
sañjata hiŋkaŋ dipunginakakěn deniŋ bŕěgada pŕajurit mantŕijěro hiŋgiḥ punika tombak (wahos) lan běḍil. tombak punika pusakanipun kawastanan kañjěŋ kỿahi cakŕa kanṭi wujud pucukipun (dapuṙ) hiŋkaŋ kawastanan cakŕa. nalika lampaḥ baris rikat, bŕěgada pŕajurit mantŕijěro kahiriṅan gěnḍiŋ plaŋkěnan/maṛěs sětok. dene, nalika lampaḥ macak kahiriṅan gěnḍiŋ slagunděṙ/ṛěṣtopěḷěn.
saběn bŕěgada hugi habdi daḷěm kŕaton ṅayogỿakaṙta dipungěgaḍaŋ haŋgaḍahi watak ksatŕiya. watak hiŋkaŋ haḍěḍasaṙ sasanti ñawiji, gŕěgět, sěŋguḥ, hora miŋkuḥ. minaŋka lukitaniŋ hagěsaŋ, ñawiji hatěgěs kawěniṅaniŋ pěŋgaliḥ haŋgenipun gěgayuḥ sědỿa. gŕěgět hiŋgiḥ punika gaṛěgětiŋ jiwa haŋgenipun haŋgěgayuḥ sědỿa. sěŋguḥ hiŋgiḥ punika pitados ḍatěŋ ḍiri haŋgenipun haŋgayuḥ sědỿa. hora miŋkuḥ hatěgěs datan hañiŋkiri kuwajibanipun. datan miŋkuḥ sanadỿan wontěn ḷěbětiŋ lampaḥ haŋgenipun haŋgěgayuḥ sědỿa kaṭaḥ haněmahi rubeda.
sawiji, gŕěgět, sěŋguḥ, hora miŋkuḥ dipunginakakěn haŋgenipun nuwuhakěn watak ksatŕiya hiŋkaŋ ḷělabuhanipun dipunhaturakěn ḍatěŋ nusa, baŋsa, lan nagara. watak luhuṙ hiŋkaŋ haḍěḍasaṙ ḷělabuhan tumŕapiŋ kahutaman, kěhadilan, kapiyandělan, saṙta pamběkan hiŋkaŋ wěniŋ.
bŕěgada pŕajurit kŕaton ṅayogỿakaṙta
samaŋke punika, kŕaton haŋgaḍaḥhi sědasa pěpanṭan pasukan hiŋkaŋ siněbut bŕěgada. guŋguŋṅipun sědaya pŕajurit radi sěkěḍik. kiraŋ laŋkuŋ 600 tiyaŋ. guŋguŋṅipun pŕajurit wontěn hiŋ saběn bŕěgada maneka waṙni. bŕěgada nyutŕa, tulaḍanipun, namuŋ maděg sakiŋ 64 tiyaŋ sawědal.
panḍega hutama sakiŋ sědaya bŕěgada pŕajurit kŕaton hiŋgiḥ punika sawijiniŋ maŋgalayuḍa hutawi kommanḍan/kuměnḍam, hiŋkaŋ gělaṙ jaŋkěppipun hiŋgiḥ punika kommanḍan wadana hagěŋ pŕajurit. maŋgalayuḍa haŋgaḍaḥhi kuwajiban haniti lan kaběbaḥhan tumŕappiŋ sadaya bŕěgada. pañjěněṅannipun dipunbiyantu deniŋ sawijiniŋ panḍega (kapten parentaḥ), kanṭi gělaṙ jaŋkěppipun bupati hěnem wadana pŕajurit, hiŋkaŋ kuwajibannipun haŋgělaṙ sědaya bŕěgada.
saběn bŕěgada dipunpanḍegani deniŋ pŕawira hiŋkaŋ kaḷěŋgaḥhannipun kapten. kajawi bŕěgada bugis lan surakaṙsa hiŋkaŋ dipunpanḍegani deniŋ sawijiniŋ wědana.
panḍega dipunsaṙtani deniŋ pŕāwira kaŋ siněbut pañji (luraḥ). pŕawira punika kaběbaḥhan aṅatuṙ lan pariŋ parentaḥ ḍatěŋ sědaya bŕěgada. saběn pañji dipunsaṙtani deniŋ sawijiniŋ wakil pañji. wusdentěn, ṛěgu-ṛěgu hiŋ saběn bŕěgada dipunpanḍegani deniŋ sawijiniŋ bintara hiŋkaŋ paŋkattipun seṙsan.
samastaniŋ pŕawira hiŋ saḷěbětiŋ sadaya bŕěgada dipunpanḍegani deniŋ sawijiniŋ panḍega, kajawi bŕěgada wirabŕaja lan bŕěgada mantŕijěro hiŋkaŋ pikantuk ḍawuḥ sakiŋ kommanḍan tanpa lantaran. pŕajurit kŕaton ngayogỿakaṙta sagěd dipunpanṭa hiŋ ḷěbět tigaŋ pěpanṭan. pŕajurit hiŋkaŋ kadaṙbe deniŋ kěpatiḥhan, hiŋgiḥ punika bŕěgada bugis. pŕajurit hiŋkaŋ kadaṙbe deniŋ kadipaten hanom, hiŋgiḥ punika bŕěgada surakaṙsa, hugi tiraḥhipun kadaṙbe deniŋ kŕaton.
- bŕěgada bugis
bŕěgada bugis wiwitaniŋ pinaŋkanipun sakiŋ bugis, sulawesi. hanaṅiŋ, pŕajurit hiŋkaŋ samaŋke sampun botěn kasusun maliḥ sakiŋ tiyaŋ-tiyaŋ bugis. hiŋ lěbět hupacara gaṛěběg, bŕěgada punika kaběbaḥhan minaŋka paṅirid gunuŋṅan hiŋkaŋ dipunběta ḍatěŋ kěpatiḥhan.
pañji-pañji/gěndera/kḷěběting pŕajurit bugis hiŋgiḥ punika wulandadari, hiŋkaŋ hawujud pěsagi pañjaŋ kanṭi waṙninipun ḍasaṙ cěměŋ. wontěn punjěripun hiŋgiḥ punika bunděran kanṭi waṙni jěne mas. wulan hatěgěs bulan. dadari hatěgěs měkaṙ, muñcul timbul. wěṙdinipun hiŋgiḥ punika bŕěgada hiŋkaŋ dipungěgaḍaŋ tansaḥ hañukani pŕadipta hiŋ timira. pasěmonipun pŕasasat wulan hiŋkaŋ dadari hiŋ timiraniŋ ratŕi, tejanipun hañuliḥhakěn baskara.
sañjata hiŋkaŋ dipunginakakěn deniŋ sadaya bŕěgada pŕajurit bugis hiŋgiḥ punika tumbak (wahos). tumbak pusakanipun kawastanan kañjěŋ kỿahi tŕisula kanṭi pucukipun (dapuṙ) hiŋkaŋ hugi kawastanan tŕisula. nalika lampaḥ baris, bŕěgada pŕajurit bugis kahiriṅan kaliyan gěnḍiŋ sanduŋ liwuŋ.
- bŕěgada surakaṙsa
nama bŕěṅada surakaṙsa pinaŋkanipun sakiŋ těmbuŋ sura lan kaṙsa. těmbuŋ sura atěgěs kěnděl, déné kaṙsa hatěgěs kaṛěp. wěṙdinipun surakaṙsa hiŋgiḥ punika pŕajurit hiŋkaŋ sura kanṭi sědỿa tansaḥ añjagi kawilujěṅaniŋ hadipati hanom. wontěn hupacara gaṛěběg, bŕěgada surakaṙsa kaběbaḥhan haṅirid gunuŋṅan hiŋkaŋ dipunběta ḍatěŋ masjid gěḍe.
kḷěbět pŕajurit surakaṙsa hiŋgiḥ punika pareyanom. wujudipun sěkawan pasagi pañjaŋ kanṭi waṙni ḍasaṙ hijěm. hiŋ puñjěripun wontěn bunděran kanṭi waṙni jěne. pareyanom pinaŋkanipun sakiŋ těmbuŋ paré (golongan tětanduran hiŋkaŋ mawoḥhipun mŕambat) lan těmbuŋ hanom hiŋkaŋ atěgěs muḍa. kḷěbět punika haŋgaḍahi wěṙdi biliḥ surakaṙsa minaŋka bŕěgada hiŋkaŋ tansaḥ gumŕěgět kanṭi manah hiŋkaŋ nitỿatŕuna.
sañjata hiŋkaŋ dipunginakakěn deniŋ bŕěgada pŕajurit surakaṙsa hiŋgiḥ punika tombak (wahos). tombak pusakanipun kawastanan kañjěŋ kỿahi něŋgala kanṭi wujudiŋ pucukipun (dapuṙ) hiŋkaŋ kawastanan bañak haṅŕěm. nalika lampaḥ baris, bŕěgada pŕajurit surakaṙsa kahiriṅan gěnḍiŋ plaŋkěnan.
- bŕěgada wirabŕaja
nama bŕěgada wirabŕaja pinaŋkanipun sakiŋ těmbuŋ wira lan bŕaja. těmbuŋ wira hatěgěs wani lan bŕaja hiŋkaŋ hatěgěs tajěm. wěṙdinipun, wirabŕaja hiŋgiḥ punika pŕajurit hiŋkaŋ sura saṅět kanṭi pañcadŕiya hiŋkaŋ lantip. bŕěgada punika tansaḥ waspahos ḍatěŋ kawontěnan, datan tumuŋkul haŋgenipun hambela kahutaman. hugi datan miŋkuḥ sakdereṅipun němpuḥ měŋsaḥ.
kḷěbět pŕajurit wirabŕaja hiŋgiḥ punika gula klapa. wujudipun sěkawan pasagi pañjaŋ kanṭi waṙni ḍasaṙ pěṭak. wontěn hiŋ saběn siku riněŋga kaliyan cěnṭuŋ hiŋkaŋ waṙni habŕit kados pucuking lombok habŕit (kuku bima). hiŋ puñjěripun wontěn pasagi kanṭi waṙni habŕit lan pasagi wolu kanṭi waṙni pěṭak hiŋ ḷěbětipun. gula klapa pinaŋkanipun sakiŋ těmbuŋ gula lan klapa. gula wontěn těmbuŋ punika hiŋgiḥ gěnḍis jawi hiŋkaŋ waṙni habŕit. wusdéné, klapa haŋgaḍahi waṙni pěṭak. kḷěbět punika haŋgaḍahi wěṙdi biliḥ wirabŕaja hiŋgiḥ punika bŕěgada hiŋkaŋ tansaḥ hambela kapawitŕan hugi kahutaman.
sañjata hiŋkaŋ dipunginakakěn deniŋ bŕěgada pŕajurit wirabŕaja hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi slamět lan kañjěŋ kỿahi santŕi kanṭi wujudiŋ pucukipun (dapuṙ) kawastanan maŋgara/catuṙsara/cŕěŋkěŋ. nalika lampaḥ baris rikat, bŕěgada pŕajurit wirabŕaja kahiringan gěnḍiŋ ḍayuṅan. dene, nalika lampaḥ macak kahiringan gěnḍiŋ ṛěta ḍěḍali.
- bŕěgada ḍahěŋ
nama bŕěgada ḍaheŋ pinaŋkanipun sakiŋ nama gělaṙ kapŕiyayeniŋ makasaṙ. wiwitanipun, pŕajurit ḍaheŋ pañci sakiŋ rika. anaṅiŋ, pŕajurit hiŋkaŋ samaŋke sampun botěn kasusun maliḥ sakiŋ tiyaŋ-tiyaŋ makasaṙ.
kḷěbět pŕajurit ḍaheŋ hiŋgiḥ punika baḥniŋsari. wujudipun sěkawan pasagi pañjaŋ kanṭi waṙni ḍasaṙ pěṭak. hiŋ puñjěripun hiŋgiḥ punika kaṙtika hiŋkaŋ hawujud sěgi wolu kanṭi waṙni habŕit. baḥni hatěgěs gěni, lan sari hatěgěs hendaḥ. kḷěbět punika wěṙdinipun hiŋgiḥ punika bŕěgada ḍaheŋ minaŋka bŕěgada hiŋkaŋ datan tumuŋkul karana kawiṙyawanipun, pŕasasat gaṛěgětiŋ gěni hiŋkaŋ tansah sumorot tumeja.
sañjata hiŋkaŋ dipunginakakěn deniŋ bŕěgada pŕajurit ḍaheŋ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi jatimulỿa kanṭi wujudiŋ pucukipun (dapuṙ) hiŋkaŋ kawastanan ḍoyok. nalika lampaḥ baris rikat, bŕěgada pŕajurit ḍaheŋ kahiriṅan gěnḍiŋ honḍal-honḍil. wusdentěn, nalika lampaḥ macak kahiriṅan gěnḍiŋ kěnaba.
- bŕěgada pataŋpuluḥ
pinaŋkanipun nama bŕěgada pataŋpuluḥ taksiḥ samaṙ ṅantos samaŋke. tětelanipun, nama kasěbat botěn wontěn gayutanipun kaliyan guŋguŋṅiŋ pŕajurit bŕěgada.
kḷěbět pŕajurit pataŋpuluḥ hiŋgiḥ punika cakŕagora. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika kaṙtika hawujud sěgi hěněm kanṭi waṙni habŕit. cakŕa hiŋgiḥ punika gaman hawujud jantŕa hiŋkaŋ těpinipun cumŕiṅiḥ. gora hatěgěs haŋgěgirisi hutawi ṅedab-hedabi. kḷěbět punika weṙdinipun biliḥ pataŋpuluḥ minaŋka bŕěgada hiŋkaŋ haŋgaḍahi kěkiyatan hiŋkaŋ linuwiḥ, saheŋga sadaya měŋsaḥ sagěd dipunhasorakěn.
sañjata hiŋkaŋ dipunginakakěn deniŋ bŕěgada pŕajurit pataŋpuluḥ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) kawastanan daramaŋgala/tŕisula caraŋsoka. nalika lampaḥ baris rikat, bŕěgada pataŋpuluḥ kahiriṅan gěnḍiŋ bulu-bulu. dene, nalika lampaḥ macak kahiriṅan gěnḍiŋ maṛěs gěndera.
- bṙěgada jagakaṙya
nama bŕěgada jagakaṙya pinaŋkanipun sakiŋ těmbuŋ jaga lan kaṙya. těmbuŋ jaga hatěgěs hañjagi lan kaṙya hatěgěs padamělan. wěṙdinipun, jagakaṙy hatěgěs pŕajurit hiŋkaŋ kaběbaḥhan tansaḥ hañjagi kawilujěṅaniŋ lampahipun pamarentahan kŕaton.
kḷěbět bŕěgada jagakaṙya hiŋgiḥ punika papasan. wujudipun sěkawan pasagi pañjaŋ kanṭi waṙni ḍasaṙ habŕit. hiŋ puñjěripun hiŋgiḥ punika bunděran kanṭi waṙni hijěm. papasan bokmanawi pinaŋkanipun sakiŋ těmbuŋ tětuwuhan hutawi pěksi papasan. hanaṅiŋ, wontěn gagasan sanes bilih papasan pinaŋkanipun sakiŋ těmbuŋ papas, lajěŋ dados hamapas hiŋkaŋ hatěgěs hanumpěs. biliḥ měkatěn, papasan hatěgěs bŕěgada hiŋkaŋ hamapas měŋsaḥ kanṭi těguḥ.
sañjata hiŋkaŋ dipunginakakěn deniŋ bŕěgada pŕajurit jagakaṙya hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) hiŋkaŋ hugi kawastanan tŕisula. nalika lampaḥ baris rikat, bŕěgada pŕājurit jagakaṙya kahiriṅan gěnḍiŋ tameŋ madura. dene, nalika lampaḥ macak kahiriṅan gěnḍiŋ slaḥgěndiṙ.
- bŕěgada pŕawiratama
nama bŕěgada pŕawiratama pinaŋkanipun sakiŋ těmbuŋ pŕawira lan tama. těmbuŋ pŕawira hatěgěṣ sura hutawi pŕawira. těmbuŋ tama wontěn saḷěbětiŋ basa sankŕit hatěgěs hutama hutawi linuwiḥ. wusdentěn, hiŋ basa kawi hatěgěs juru hutawi kinawiḥ. wěṙdinipun, pŕawiratama hiŋgiḥ punika bŕěgada hiŋkaŋ sura lan kinawiḥ wontěn hiŋ saběn tumindakipun, tansaḥ wisesa sanadỿan wontěn hiŋ swasana pŕaŋ.
kḷěbět bŕěgada pŕawiratama hiŋgiḥ punika gěniroga/banṭeŋ ketaton. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika bunděran kanṭi waṙni habŕit. gěni hatěgěs gěni lan roga hatěgěs sakit. kḷěbět punika haŋgaḍahi wěṙdi biliḥ pŕawiratama minaŋka bŕěgada hiŋkaŋ dipungěgaḍaŋ sagěd tansaḥ haṅasorakěn měŋsaḥ kanṭi gampil.
sañjata hiŋkaŋ dipunginakakěn deniŋ bŕěgada pŕajurit pŕawiratama hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) hiŋkaŋ kawastanan tŕisula. nalika lampaḥ baris rikat, bŕěgada pŕajurit pŕawiratama kahiriṅan gěnḍiŋ pan dě bŕug. deme. nalika lampaḥ macak kahiriṅan gěnḍiŋ balaŋ.
- bŕěgada ñutŕa
nama bŕěgada ñutŕa pinaŋkanipun sakiŋ těmbuŋ sutŕa hiŋkaŋ pikantuk hatěṙ-hatěṙ na. těmbuŋ sutŕa hiŋ basa jawi hatěgěs huŋgul hutawi ḷěluṅid. wusdentěn, wontěn hiŋ basa jawa baru, těgěsipun kahin sutŕa hiŋkaŋ halus. hatěṙ-hatěṙ na hañukani těgěs tumindak haktif gayu kaliyan sutŕa. pŕajurit ñutŕa hiŋgiḥ punika paṅiridiŋ sultan. wěṙdinipun, ñutŕa hatěgěs pŕajurit hiŋkaŋ halus pŕasasat sutŕa hiŋkaŋ tansaḥ haṅirid lan hañjagi nata, hanaṅiŋ hugi haŋgaḍahi lanḍěpiŋ raḥsa lan moñceṙ.
kḷěbět pŕajurit ñutŕa hiŋgiḥ punika poḍaŋ ṅiŋsěp sari lan padma sri kŕěsna. poḍaŋ ṅiŋsěp sari tumŕap pŕajurit ñutŕa habŕit hawujud sěkawan pasagi pañjaŋ kanṭi waṙni ḍasaṙ jěne. hiŋ puñjěripun, wontěn bunděran kanṭi waṙni habṙit. padma sŕi kŕěsna tumŕapiŋ pŕajurit ñutŕa cěměŋ hawujud sěkawan pasagi pañjaŋ kanṭi waṙni ḍasaṙ jěne. hiŋ puñjěripun, wontěn bunděran kanṭi waṙni cěměŋ. poḍaŋ pinaŋkanipun sakiŋ kěpoḍaŋ, hiŋgiḥ punika pěksi kanṭi wulu waṙni jěne mas. ṅiŋsěp hatěgěs ṅiŋsěp. sari hatěgěs sari. kḷěbět punika haŋgaḍāhi wěṙdi biliḥ ñutŕa habŕit hiŋgiḥ bŕěgada hiŋkaŋ tansaḥ hañěpěŋ kaluhuran. padma hatěgěs sěkaṙ trate. sŕi kŕěsna hiŋgiḥ punila lakon riŋgit minaŋka pañjanmaniŋ dewa wisnu. kḷěbět punika haŋgaḍahi wěṙdi biliḥ ñutŕa cěměŋ hiŋgiḥ punika bŕěgada hiŋkaŋ tansaḥ hambŕasta hadaṙma. kados hiŋkaŋ tansaḥ dipuntindakakěn deniŋ sŕi kŕěsna.
sañjata hiŋkaŋ dipunginakakěn deniŋ bŕěgada pŕajurit ñutŕa hiŋgiḥ punika tombak (wahos), towok, tameŋ, panaḥ, lan běḍil. tombak pusakanipun kawastanan kañjěŋ kỿahi tŕisula kanṭi wujudiŋ pucukipun (dapuṙ) kawastanan tŕisula. nalika lampaḥ baris rikat, bŕěgada pŕajurit ñutŕa kahiriṅan gěnḍiŋ sureŋ pŕaŋ. dene, nalika lampaḥ macak kahiriṅan gěnḍiŋ mbat-mbat pěñjalin hutawi tamtama balik.
- bŕěgada kětaŋguŋ
nama bŕěgada kětaŋguŋ pinaŋkanipun sakiŋ těmbuŋ taŋguŋ hiŋkaŋ pikantuk hatěṙ-hatěṙ kě. taŋguŋ hatěgěs běban hutawi hawŕat. dene, hatěṙ-hatěṙ kě hatěgěs saṅět. wěṙdinipun, kětaŋguŋ hatěgěs bŕěgada hiŋkaŋ haŋgaḍāhi kaběbahan hiŋkaŋ hawŕat saṅět.
kḷěbět bŕěgada kětaŋguŋ hiŋgiḥ punika cakŕaswandana. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika kaṙtika hawujud pasagi hěněm jabṭi waṙni pěṭak. cakŕa hiŋgiḥ punika gaman hawujud jantŕa hiŋkaŋ těpinipun cumŕiṅiḥ/ swandana hatěgěs tětuŋgaṅan hutawi kŕeta.
kḷěbět punika punika haŋgaḍahi wěṙdi biliḥ kětaŋguŋ hiŋgiḥ punika bŕěgada hiŋkaŋ hamběta gaman haŋgěgirisi hiŋkaŋ hambŕasta měŋsaḥ. sañjata hiŋkaŋ dipunginakakěn bŕěgada pŕajurit kětaŋguŋ hiŋgiḥ punika tombak (wahos) lan běḍil. tombak pusakanipun kawastanan kañjěŋ kỿahi něŋgala kanṭi wujud pucukipun (dapur) kawastanan něŋgala. nalika lampaḥ baris rikat, bŕěgada pŕajurit kětaŋguŋ kahiriṅan gěnḍiŋ lintŕikmas/ricikanmas/pŕagolamiliṙ. dene, nalika lampaḥ macak kahiriṅan gěnḍiŋ haṙjuna maŋsaḥ lan bima kuṙda.
- bŕěgada mantŕijěro
nama bŕěgada mantŕijěro pinaŋkanipun sakiŋ těmbuŋ mantŕi lan jěro. mantŕi hatěgěs juru wicantěn, měntŕi, hutawi kaḷěŋgahan saṅiŋgiliŋ bupati. wěṙdinipun, mantṙijěro hiŋgiḥ punika bŕěgada hiŋkaŋ haŋgaḍahi kawěnaṅan tumut hatuṙ pitědaḥ wontěn saḷěbětiŋ kŕaton.
kḷěbět pŕajurit mantŕijěro hiŋgiḥ punika puṙnamasiḍi. wujudipun sěkawan pasagi pañjaŋ kanṭi waṙni ḍasaṙ cěměŋ. hiŋ puñjěripun hiŋgiḥ punika bumděṛan kanṭi waṙni pěṭak. puṙnama hiŋgiḥ punika ṛěmbulan hiŋkaŋ katon wutuḥ lan siḍi hatěgěs sampuṙna. kḷěbět punika haŋgaḍahi wěṙdi biliḥ mantŕijěro hiŋgiḥ punika bŕěgada hiŋkaŋ dipungěgaḍaŋ tansaḥ hañukani pŕadipta hiŋ tinira.
sañjata hiŋkaŋ dipunginakakěn deniŋ bŕěgada pŕajurit mantŕijěro hiŋgiḥ punika tombak (wahos) lan běḍil. tombak punika pusakanipun kawastanan kañjěŋ kỿahi cakŕa kanṭi wujud pucukipun (dapuṙ) hiŋkaŋ kawastanan cakŕa. nalika lampaḥ baris rikat, bŕěgada pŕajurit mantŕijěro kahiriṅan gěnḍiŋ plaŋkěnan/maṛěs sětok. dene, nalika lampaḥ macak kahiriṅan gěnḍiŋ slagunděṙ/ṛěṣtopěḷěn.
saběn bŕěgada hugi habdi daḷěm kŕaton ṅayogỿakaṙta dipungěgaḍaŋ haŋgaḍahi watak ksatŕiya. watak hiŋkaŋ haḍěḍasaṙ sasanti ñawiji, gŕěgět, sěŋguḥ, hora miŋkuḥ. minaŋka lukitaniŋ hagěsaŋ, ñawiji hatěgěs kawěniṅaniŋ pěŋgaliḥ haŋgenipun gěgayuḥ sědỿa. gŕěgět hiŋgiḥ punika gaṛěgětiŋ jiwa haŋgenipun haŋgěgayuḥ sědỿa. sěŋguḥ hiŋgiḥ punika pitados ḍatěŋ ḍiri haŋgenipun haŋgayuḥ sědỿa. hora miŋkuḥ hatěgěs datan hañiŋkiri kuwajibanipun. datan miŋkuḥ sanadỿan wontěn ḷěbětiŋ lampaḥ haŋgenipun haŋgěgayuḥ sědỿa kaṭaḥ haněmahi rubeda.
sawiji, gŕěgět, sěŋguḥ, hora miŋkuḥ dipunginakakěn haŋgenipun nuwuhakěn watak ksatŕiya hiŋkaŋ ḷělabuhanipun dipunhaturakěn ḍatěŋ nusa, baŋsa, lan nagara. watak luhuṙ hiŋkaŋ haḍěḍasaṙ ḷělabuhan tumŕapiŋ kahutaman, kěhadilan, kapiyandělan, saṙta pamběkan hiŋkaŋ wěniŋ.
