꧋ꦲꦭꦸꦤ꧀ꦲꦭꦸꦤ꧀ꦪꦺꦴꦒꦾꦏꦂꦠ꧉
꧋ꦲꦭꦸꦤ꧀ꦲꦭꦸꦤ꧀ꦪꦺꦴꦒꦾꦏꦂꦠ꧉
꧋ꦮꦶꦮꦶꦠ꧀ꦫꦶꦏꦭꦗꦩꦤ꧀ꦩꦗꦥꦲꦶꦠ꧀ ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦭꦸꦤ꧀ꦲꦭꦸꦤ꧀ꦲꦶꦁꦱꦊꦧꦼꦠ꧀ꦠꦶꦁꦮꦼꦮꦼꦁꦏꦺꦴꦤ꧀ꦏꦿꦠꦺꦴꦤ꧀ꦠꦤ꧀ꦱꦃꦢꦶꦥꦸꦤ꧀ꦭꦼꦱ꧀ꦠꦤ꧀ꦠꦸꦤ꧀ꦤꦏꦼꦤ꧀ ꦲꦭꦸꦤ꧀ꦲꦭꦸꦤ꧀ꦲꦶꦁꦒꦶꦃꦥꦸꦤꦶꦏꦮꦸꦗꦸꦢ꧀ꦢꦶꦁꦭꦺꦴꦮꦃꦲꦤ꧀ꦲꦸꦩꦸꦩ꧀ ꦢꦢꦺꦴꦱ꧀ꦧꦒꦺꦪꦤ꧀ꦲꦶꦁꦏꦁꦧꦺꦴꦠꦼꦤ꧀ꦏꦥꦶꦱꦃꦱꦏꦶꦁꦠꦠꦫꦏꦶꦠ꧀ꦠꦶꦁꦏꦶꦛꦥꦿꦗꦏꦿꦠꦺꦴꦤ꧀ ꦏꦺꦴꦤ꧀ꦱꦺꦥ꧀ꦥꦸꦤꦶꦏꦭꦗꦼꦁꦢꦶꦥꦸꦤ꧀ꦠꦸꦭꦢ꧀ꦢꦺꦤꦶꦁꦏꦶꦛꦏꦶꦛꦲꦶꦁꦲꦶꦤ꧀ꦝꦺꦴꦤꦺꦱꦶꦪꦲꦶꦁꦒꦶꦃꦥꦸꦤꦶꦏꦭꦺꦴꦮꦃꦲꦤ꧀ꦗꦮꦶꦲꦶꦁꦏꦁꦢꦶꦥꦸꦤ꧀ꦱꦩꦏ꧀ꦠꦤꦶꦲꦶꦁꦔꦗꦼꦁꦥꦸꦚ꧀ꦗꦼꦂꦫꦶꦁꦥꦩꦫꦺꦤ꧀ꦠꦃꦲꦤ꧀꧈
꧋ꦥꦔꦺꦫꦤ꧀ꦩꦁꦏꦸꦧꦸꦩꦶꦲꦶꦁꦏꦁꦗꦸꦩꦼꦤꦼꦁꦔꦏꦼꦤ꧀ꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠꦩꦺꦴꦚ꧀ꦕꦺꦂꦲꦁꦒꦺꦤ꧀ꦤꦶꦥꦸꦤ꧀ꦱꦸꦩꦼꦉꦥ꧀ꦠꦸꦩꦿꦥ꧀ꦲꦶꦭ꧀ꦩꦸꦥ꦳ꦶꦭ꧀ꦱꦥ꦳ꦠ꧀ꦲꦸꦒꦶꦲꦸꦤ꧀ꦝꦒꦶ꧈ꦒꦺꦴꦭꦺꦴꦁꦒꦸꦩꦼꦊꦁꦔꦶꦁꦱꦼꦱꦼꦉꦥ꧀ꦥꦤ꧀ꦥꦚ꧀ꦗꦼꦤꦼꦔꦤ꧀ꦤꦶꦥꦸꦤ꧀ꦥꦸꦤꦶꦏꦲꦶꦁꦏꦁꦢꦩꦼꦭ꧀ꦠꦠꦫꦏꦶꦠ꧀ꦠꦶꦁꦮꦼꦮꦔꦸꦤ꧀ꦤꦤ꧀ꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠꦢꦂꦧꦺꦭꦩ꧀ꦧꦁꦭꦩ꧀ꦧꦁꦲꦶꦁꦏꦁꦏꦛꦃꦮꦼꦂꦢꦶ꧉
꧋ꦏꦿꦠꦺꦴꦤ꧀ꦪꦺꦴꦒꦾꦏꦂꦠꦲꦸꦒꦶꦮꦼꦮꦔꦸꦤ꧀ꦤꦤ꧀ꦱꦼꦱꦁꦒꦺꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦪꦱꦮꦺꦴꦤ꧀ꦠꦼꦤ꧀ꦱꦠꦸꦁꦒꦭ꧀ꦭꦶꦁꦥꦱꦁꦫꦏꦶꦠ꧀ꦲꦶꦁꦏꦁꦏꦥꦿꦠꦶꦱ꧀ꦛꦲꦶꦁꦱꦸꦩ꧀ꦧꦸꦥ꦳ꦶꦭꦺꦴꦱꦺꦴꦥ꦳ꦶꦱ꧀ ꦲꦶꦁꦒꦶꦃꦥꦸꦤꦶꦏꦒꦫꦶꦱ꧀ꦫꦺꦏꦤ꧀ꦲꦶꦁꦏꦁꦏꦠꦫꦶꦏ꧀ꦭꦸꦫꦸꦱ꧀ꦲꦤ꧀ꦠꦮꦶꦱ꧀ꦱꦶꦁꦠꦸꦒꦸꦒꦺꦴꦭꦺꦴꦁꦒꦶꦭꦶꦒ꧀ꦏꦭꦮꦤ꧀ꦥꦁꦒꦸꦁꦏꦿꦥꦾꦏ꧀ ꦮꦺꦴꦤ꧀ꦠꦼꦤ꧀ꦱꦲꦤ꧀ꦠꦮꦶꦱ꧀ꦱꦶꦁꦥꦸꦤꦶꦏꦏꦭꦶꦃꦲꦭꦸꦤ꧀ꦲꦭꦸꦤ꧀ꦲꦶꦁꦏꦁꦢꦶꦥꦸꦤ꧀ꦒꦝꦃꦲꦶꦏꦿꦠꦺꦴꦤ꧀ ꦲꦶꦁꦒꦶꦃꦥꦸꦤꦶꦏꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ꦭꦤ꧀ꦭꦺꦂ꧉
꧋ꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀
꧋ꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ꦲꦸꦒꦶꦏꦲꦸꦤꦶꦔꦤ꧀ꦏꦤ꧀ꦛꦶꦤꦩꦲꦭꦸꦤ꧀ꦲꦭꦸꦤ꧀ꦥꦼꦁꦏꦼꦂꦫꦤ꧀ ꦢꦸꦤꦸꦁꦔꦶꦥꦸꦤ꧀ꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦲꦶꦁꦊꦧꦼꦠ꧀ꦧꦺꦠꦺꦁꦏꦿꦠꦺꦴꦤ꧀ ꦲꦶꦁꦩꦢꦾꦤꦶꦥꦸꦤ꧀ ꦢꦶꦥꦸꦤ꧀ꦠꦤꦼꦩ꧀ꦏꦭꦶꦃꦏꦗꦼꦁꦮꦫꦶꦔꦶꦤ꧀ ꦮꦫꦶꦔꦶꦤ꧀ꦥꦸꦤꦶꦏꦢꦶꦥꦸꦤ꧀ꦱꦼꦧꦠ꧀ꦱꦸꦥꦶꦠ꧀ꦲꦸꦫꦁꦭꦤ꧀ꦢꦶꦥꦸꦤ꧀ꦏꦸꦥꦼꦁꦔꦶꦥꦒꦼꦂꦱꦲꦺꦁꦒꦲꦸꦒꦶꦏꦲꦸꦤꦶꦔꦤ꧀ꦩꦶꦤꦁꦏꦫꦶꦔꦶꦤ꧀ꦏꦸꦫꦸꦁ꧈ꦥꦒꦼꦂꦲꦶꦁꦏꦁꦔꦸꦥꦼꦁꦔꦶꦏꦼꦏꦭꦶꦃꦏꦗꦼꦁꦥꦸꦤꦶꦏꦢꦶꦥꦸꦤ꧀ꦱꦸꦏꦤꦶꦉꦉꦁꦒꦤ꧀ꦲꦮꦸꦗꦸꦢ꧀ꦧꦸꦤ꧀ꦢꦼꦂꦫꦤ꧀ꦭꦤ꧀ꦝꦼꦣꦥꦸꦂꦫꦤ꧀ꦒꦼꦤ꧀ꦢꦺꦮ꧈ ꦮꦸꦱ꧀ꦢꦺꦤ꧀ꦠꦼꦤ꧀ ꦲꦶꦁꦧꦒꦺꦪꦤ꧀ꦥꦶꦁꦒꦶꦂꦮꦺꦴꦤ꧀ꦠꦼꦤ꧀ꦏꦗꦼꦁꦥꦏꦺꦭ꧀ꦲꦸꦒꦶꦏ꧀ꦮꦺꦤꦶꦩꦶꦤꦁꦏꦥꦿꦭꦩ꧀ꦧꦁꦔꦶꦁꦔꦚ꧀ꦕꦶꦏ꧀ꦢꦶꦮꦱꦭꦤ꧀ꦏꦥꦸꦫꦸꦤ꧀ꦤꦤ꧀꧈
꧋ꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ꦮꦶꦪꦂꦫꦶꦥꦸꦤ꧀ ꧇꧑꧕꧐꧇ ꦥꦶꦁ ꧇꧑꧕꧐꧇ ꦩꦺꦠꦼꦂꦭꦤ꧀ꦢꦶꦥꦸꦤ꧀ꦏꦸꦥꦼꦁꦔꦶꦥꦒꦼꦂ ꧇꧒꧇ ꦩꦺꦠꦼꦂꦲꦶꦁꦒꦶꦭ꧀ꦭꦶꦥꦸꦤ꧀ ꦱꦂꦠꦒꦁꦱꦭ꧀ꦒꦥꦸꦫꦩꦶꦤꦁꦏꦩꦂꦒꦶꦩ꧀ꦭꦼꦧꦼꦠ꧀ꦲꦸꦒꦶꦩꦼꦢꦭ꧀ ꦒꦁꦱꦭ꧀ꦩꦂꦒꦶꦥꦸꦤꦶꦏꦲꦶꦁꦒꦶꦃꦩꦂꦒꦶꦭꦔꦼꦤ꧀ꦲꦱ꧀ꦠꦿꦤ꧀ꦏꦶꦢꦸꦭ꧀ ꦩꦂꦒꦶꦭꦔꦼꦤ꧀ꦲꦱ꧀ꦠꦿꦤ꧀ꦭꦺꦴꦂ꧈ ꦩꦂꦒꦶꦔꦢꦶꦱꦸꦂꦪꦤ꧀ ꦩꦂꦒꦶꦥꦠꦺꦲꦤ꧀ꦭꦺꦴꦂ꧈ ꦭꦤ꧀ꦩꦂꦒꦶꦒꦝꦶꦁ꧈ ꦱꦢꦪꦩꦂꦒꦶꦥꦸꦤꦶꦏꦩꦿꦭꦩ꧀ꦧꦁꦔꦏꦼꦤ꧀ꦥꦚ꧀ꦕꦢꦿꦶꦪꦤꦶꦁꦗꦤ꧀ꦩ꧈ ꦲꦶꦁꦱꦶꦱꦶꦃꦏꦶꦭꦺꦤ꧀ ꦕꦏꦼꦠ꧀ꦠꦶꦥꦸꦤ꧀ꦩꦂꦒꦶꦔꦢꦶꦱꦸꦂꦪꦤ꧀ ꦮꦺꦴꦤ꧀ꦠꦼꦤ꧀ꦏꦤ꧀ꦝꦁꦭꦶꦩꦤ꧀ꦏꦿꦠꦺꦴꦤ꧀꧈
꧋ꦭꦸꦩꦃꦲꦶꦁꦲꦭꦸꦤ꧀ꦲꦭꦸꦤ꧀ꦢꦶꦥꦸꦤ꧀ꦲꦸꦫꦸꦒ꧀ꦒꦶꦮꦼꦣꦶ꧈ ꦮꦶꦪꦂꦫꦶꦁꦮꦼꦣꦶꦏꦱꦼꦧꦠ꧀ꦩꦶꦤꦁꦏꦥꦿꦭꦩ꧀ꦧꦁꦧꦶꦭꦶꦃꦢꦿꦶꦪꦠꦏ꧀ꦱꦶꦃꦢꦺꦫꦺꦁꦲꦗꦼꦒ꧀ꦭꦤ꧀ꦒꦩ꧀ꦥꦶꦭ꧀ꦲꦁꦒꦺꦤ꧀ꦤꦶꦥꦸꦤ꧀ꦲꦺꦮꦃꦒꦶꦁꦱꦶꦂ꧈ ꦱꦂꦠꦩ꧀ꦧꦺꦴꦠꦼꦤ꧀ꦠꦶꦤꦠꦥꦿꦱꦱꦠ꧀ꦮꦼꦣꦶ꧈ ꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦠꦼꦩꦃꦲꦶꦗꦤ꧀ꦩꦤꦭꦶꦏꦩ꧀ꦭꦼꦧꦼꦠ꧀ꦮꦚ꧀ꦕꦶꦔꦚ꧀ꦕꦶꦏ꧀ꦢꦶꦮꦱꦲꦶꦁꦏꦁꦢꦶꦥꦸꦤ꧀ꦭꦩ꧀ꦧꦁꦔꦏꦼꦤ꧀ꦏꦤ꧀ꦛꦶꦮꦸꦗꦸꦢ꧀ꦥꦁꦒꦶꦃꦲꦶꦁꦫꦫꦺꦗꦊꦂꦭꦤ꧀ꦲꦺꦱ꧀ꦠꦿꦶꦱꦮꦂꦤꦶꦮꦫꦶꦔꦶꦤ꧀ꦮꦲꦸ꧉
꧋ꦲꦼꦩ꧀ꦥꦤ꧀ꦲꦶꦁꦏꦁꦲꦸꦠꦩꦶꦱꦏꦶꦁꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ꦫꦸꦩꦶꦪꦶꦤ꧀ꦲꦶꦁꦒꦶꦃꦥꦸꦤꦶꦏꦩꦶꦤꦁꦏꦥꦥꦤ꧀ꦒ꧀ꦭꦣꦶꦥꦫꦥꦿꦗꦸꦫꦶꦠ꧀ꦏꦿꦠꦺꦴꦤ꧀ ꦱꦂꦠꦩꦶꦤꦁꦏꦥꦥꦤ꧀ꦤꦶꦠꦶꦥꦿꦶꦏ꧀ꦱꦥꦿꦗꦸꦫꦶꦠ꧀ꦥꦼꦫꦏ꧀ꦲꦸꦥꦕꦫꦒꦉꦧꦼꦒ꧀ ꦱꦥꦸꦤꦶꦏꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ꦢꦢꦺꦴꦱ꧀ꦥꦥꦤ꧀ꦠꦶꦪꦁꦥ꧀ꦭꦼꦱꦶꦂ꧈ ꦤꦭꦶꦏꦢꦭꦸꦏꦛꦃꦲꦶꦁꦏꦁꦱꦢꦺꦪꦤ꧀ꦠꦼꦣꦲꦸꦒꦶꦏꦿꦺꦠꦒꦼꦚ꧀ꦗꦺꦴꦠ꧀ꦲꦶꦁꦏꦁꦢꦶꦥꦸꦤ꧀ꦱꦺꦮꦏ꧀ꦏꦏꦼꦤ꧀ ꦮꦺꦴꦤ꧀ꦠꦼꦤ꧀ꦲꦸꦒꦶꦏꦒꦶꦪꦠ꧀ꦠꦤ꧀ꦩꦱꦔꦶꦤ꧀ ꦲꦶꦁꦒꦶꦃꦥꦸꦤꦶꦏꦩ꧀ꦭꦩ꧀ꦥꦃꦩ꧀ꦭꦼꦧꦼꦠ꧀ꦲꦶꦁꦱꦲꦤ꧀ꦠꦮꦶꦱ꧀ꦱꦶꦁꦏꦗꦼꦁꦮꦫꦶꦔꦶꦤ꧀ ꦥꦫꦮꦶꦱꦠꦮꦤ꧀ꦔꦸꦥꦢꦺꦴꦱ꧀ꦩ꧀ꦭꦩ꧀ꦥꦃꦩ꧀ꦭꦼꦧꦼꦠ꧀ꦲꦔꦩ꧀ꦧꦃꦲꦶꦏꦼꦏꦭꦶꦃꦏꦗꦼꦁꦮꦫꦶꦔꦶꦤ꧀ꦏꦤ꧀ꦛꦶꦠꦶꦤꦸꦠꦸꦥ꧀ꦤꦺꦠꦿꦤꦶꦥꦸꦤ꧀꧈
꧋ꦲꦭꦸꦤ꧀ꦲꦭꦸꦤ꧀ꦭꦺꦂ꧉
꧋ꦲꦭꦸꦤ꧀ꦲꦭꦸꦤ꧀ꦭꦺꦂꦮꦶꦪꦂꦫꦶꦥꦸꦤ꧀ ꧇꧓꧐꧐꧇ ꦥꦶꦁ ꧇꧓꧐꧐꧇ ꦩꦺꦠꦼꦂꦥꦱꦒꦶ꧈ ꦲꦶꦁꦱꦩꦢꦾꦤꦶꦥꦸꦤ꧀ꦩꦢꦼꦒ꧀ꦏꦭꦶꦃꦮꦫꦶꦔꦶꦤ꧀ꦏꦸꦫꦸꦁꦲꦶꦁꦏꦁꦒꦝꦃꦲꦶꦤꦩꦏꦾꦲꦶꦢꦺꦮꦢꦫꦸꦭꦤ꧀ꦏꦾꦲꦶꦗꦤꦢꦫꦸ꧌ꦲꦶꦁꦏꦁꦱꦥꦸꦤꦶꦏꦲꦤꦩꦏꦾꦲꦶꦮꦶꦗꦪꦢꦫꦸ꧍꧈ ꦩꦶꦠꦸꦫꦸꦠ꧀ꦱꦼꦫꦠ꧀ꦱꦭꦺꦴꦏꦥꦠꦿꦮꦶꦤꦶꦃꦏꦾꦲꦶꦗꦤꦢꦫꦸꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦏꦿꦠꦺꦴꦤ꧀ꦥꦗꦗꦫꦤ꧀ ꦢꦺꦤꦺꦏꦾꦲꦶꦢꦺꦮꦢꦫꦸꦮꦶꦤꦶꦃꦲꦶꦥꦸꦤ꧀ꦱꦏꦶꦁꦏꦿꦠꦺꦴꦤ꧀ꦩꦗꦥꦲꦶꦠ꧀꧈
꧋ꦠꦼꦩ꧀ꦧꦸꦁꦏꦾꦲꦶꦢꦺꦮꦢꦫꦸꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦢꦺꦮꦲꦶꦁꦏꦁꦮꦼꦂꦢꦶꦤꦶꦥꦸꦤ꧀ꦒꦸꦱ꧀ꦠꦶꦄꦭ꧀ꦭꦃꦭꦤ꧀ꦢꦫꦸꦲꦶꦁꦏꦁꦮꦼꦂꦢꦶꦤꦶꦥꦸꦤ꧀ꦮꦃꦪꦸ꧈ ꦏꦗꦼꦁꦥꦸꦤꦶꦏꦢꦸꦤꦸꦁꦔꦶꦥꦸꦤ꧀ꦲꦶꦁꦱꦶꦱꦶꦃꦏꦶꦭꦺꦤ꧀ꦱꦏꦶꦁꦱꦸꦩ꧀ꦧꦸꦥ꦳ꦶꦭꦺꦴꦱꦺꦴꦥ꦳ꦶꦱ꧀ ꦱꦼꦱꦉꦁꦔꦤ꧀ꦏꦭꦶꦪꦤ꧀ꦩꦱ꧀ꦗꦶꦢ꧀ꦒꦼꦣꦺꦲꦶꦁꦏꦁꦢꦸꦤꦸꦁꦔꦶꦥꦸꦤ꧀ꦲꦸꦒꦶꦲꦶꦁꦱꦶꦱꦶꦃꦏꦶꦭꦺꦤ꧀ꦱꦸꦩ꧀ꦧꦸꦥ꦳ꦶꦭꦺꦴꦱꦺꦴꦥ꦳ꦶꦱ꧀ ꦏꦗꦼꦁꦥꦸꦤꦶꦏꦲꦠꦸꦂꦒꦩ꧀ꦧꦂꦫꦤ꧀ꦱꦼꦱꦩ꧀ꦧꦼꦠ꧀ꦠꦤ꧀ꦤꦶꦁꦗꦤ꧀ꦩꦣꦸꦩꦠꦼꦁꦒꦸꦱ꧀ꦠꦶꦤꦶꦥꦸꦤ꧀ ꦲꦢꦼꦒ꧀ꦒꦶꦁꦏꦗꦼꦁꦥꦸꦤꦶꦏꦩꦶꦤꦁꦏꦮꦸꦗꦸꦢ꧀ꦢꦶꦁꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧑꧇ꦲꦶꦁꦏꦁꦮꦶꦕꦏ꧀ꦱꦤꦲꦁꦒꦺꦤ꧀ꦤꦶꦥꦸꦤ꧀ꦥꦫꦶꦁꦥꦔꦺꦤ꧀ꦛꦲꦺꦤ꧀ꦛꦏꦺꦴꦤ꧀ꦱꦺꦥ꧀ꦲꦶꦱ꧀ꦭꦩ꧀ꦲꦧ꧀ꦭꦸꦩꦶꦤꦭ꧀ꦭꦃ꧈
꧋ꦮꦸꦱ꧀ꦢꦺꦤ꧀ꦠꦼꦤ꧀ ꦏꦾꦲꦶꦗꦤꦢꦫꦸꦲꦶꦁꦏꦁꦒꦝꦃꦲꦶꦮꦼꦂꦢꦶꦏꦤ꧀ꦛꦶꦭꦸꦒꦱ꧀ꦲꦠꦼꦒꦼꦱ꧀ꦗꦤ꧀ꦩ ꦱꦼꦱꦉꦁꦔꦤ꧀ꦏꦭꦶꦪꦤ꧀ꦥꦱꦂꦧꦼꦫꦶꦁꦲꦂꦗꦢꦸꦤꦸꦁꦔꦶꦥꦸꦤ꧀ꦲꦶꦁꦱꦶꦱꦶꦃꦮꦺꦠꦤ꧀ꦱꦏꦶꦁꦱꦸꦩ꧀ꦧꦸꦥ꦳ꦶꦭꦺꦴꦱꦺꦴꦥ꦳ꦶꦱ꧀ ꦧꦧ꧀ꦥꦸꦤꦶꦏꦩꦿꦭꦩ꧀ꦧꦁꦔꦏꦼꦤ꧀ꦱꦼꦱꦩ꧀ꦧꦼꦠ꧀ꦠꦤ꧀ꦤꦶꦁꦗꦤ꧀ꦩꦏꦭꦶꦪꦤ꧀ꦗꦤ꧀ꦩ꧈ ꦱꦮꦶꦗꦶꦤꦶꦁꦏꦺꦴꦤ꧀ꦱꦺꦥ꧀ꦲꦶꦱ꧀ꦭꦩ꧀ꦲꦧ꧀ꦭꦸꦩꦶꦤꦤꦱ꧀꧈
꧋ꦲꦶꦁꦱꦶꦱꦶꦃꦭꦺꦂꦭꦤ꧀ꦏꦶꦢꦸꦭ꧀ ꦩꦢꦼꦒ꧀ꦲꦸꦒꦶꦱꦥꦱꦁꦏꦗꦼꦁꦮꦫꦶꦔꦶꦤ꧀ ꦮꦫꦶꦔꦶꦤ꧀ꦭꦺꦂꦒꦝꦃꦲꦶꦤꦩꦏꦾꦲꦶꦮꦺꦴꦏ꧀ꦭꦤ꧀ꦏꦾꦲꦶꦗꦺꦁꦒꦺꦴꦠ꧀ ꦢꦺꦤꦺꦲꦶꦁꦏꦶꦢꦸꦭ꧀ꦲꦤꦩꦲꦒꦸꦁꦭꦤ꧀ꦧꦶꦤꦠꦸꦂ꧉
꧋ꦏꦢꦺꦴꦱ꧀ꦠꦲꦭꦸꦤ꧀ꦲꦭꦸꦤ꧀ꦏꦶꦢꦸꦭ꧀ ꦱꦢꦪꦭꦸꦩꦃꦲꦶꦁꦲꦭꦸꦤ꧀ꦲꦭꦸꦤ꧀ꦭꦺꦂꦲꦸꦒꦶꦢꦶꦥꦸꦤ꧀ꦲꦸꦫꦸꦒ꧀ꦒꦶꦮꦼꦣꦶꦊꦩ꧀ꦧꦸꦠ꧀ ꦥꦸꦤꦶꦏꦒꦼꦒꦩ꧀ꦧꦂꦫꦤ꧀ꦤꦶꦁꦱꦼꦒꦤ꧀ꦠꦼꦤ꧀ꦠꦤ꧀ꦥꦒꦶꦱꦶꦏ꧀ꦩꦶꦤꦁꦏꦮꦸꦗꦸꦢ꧀ꦱꦏꦶꦁꦒꦸꦱ꧀ꦠꦶꦲꦶꦁꦏꦁꦩꦲꦲꦒꦸꦁ꧈ ꦩꦶꦭꦮꦼꦂꦢꦶꦤꦶꦥꦸꦤ꧀ꦲꦭꦸꦤ꧀ꦲꦭꦸꦤ꧀ꦱꦂꦠꦏꦼꦏꦭꦶꦃꦏꦗꦼꦁꦮꦫꦶꦔꦶꦤ꧀ꦲꦶꦁꦩꦢꦾꦤꦶꦥꦸꦤ꧀ꦩꦿꦭꦩ꧀ꦧꦁꦔꦏꦼꦤ꧀ꦏꦺꦴꦤ꧀ꦱꦺꦥ꧀ꦩꦤꦸꦁꦒꦭ꧀ꦭꦶꦁꦏꦮꦸꦭꦒꦸꦱ꧀ꦠꦶ꧉
꧋ꦮꦺꦴꦤ꧀ꦠꦼꦤ꧀ ꧇꧖꧒꧇ ꦏꦗꦼꦁꦮꦫꦶꦔꦶꦤ꧀ꦲꦶꦁꦏꦁꦔꦸꦥꦼꦁꦔꦶꦲꦭꦸꦤ꧀ꦲꦭꦸꦤ꧀ꦭꦺꦂ꧈ ꦱꦼꦱꦉꦁꦔꦤ꧀ꦏꦼꦏꦭꦶꦃꦮꦫꦶꦔꦶꦤ꧀ꦲꦶꦁꦩꦢꦾꦤꦶꦥꦸꦤ꧀ ꦱꦢꦪꦏꦗꦼꦁꦒꦸꦁꦒꦸꦁꦔꦶꦥꦸꦤ꧀ ꧇꧖꧔꧇ ꦏꦗꦼꦁꦮꦫꦶꦔꦶꦁ꧈ ꦒꦸꦁꦒꦸꦁꦔꦶꦥꦸꦤ꧀ꦥꦸꦤꦶꦏꦩꦿꦭꦩ꧀ꦧꦁꦔꦏꦼꦤ꧀ꦪꦸꦱ꧀ꦮꦤꦶꦁꦤꦧꦶꦩꦸꦲꦩ꧀ꦩꦢ꧀ꦫꦶꦏꦭꦥꦚ꧀ꦗꦼꦤꦼꦔꦤ꧀ꦤꦶꦥꦸꦤ꧀ꦱꦸꦫꦸꦢ꧀ꦲꦶꦁꦥꦺꦠꦸꦁꦔꦤ꧀ꦗꦮꦶ꧉
꧋ꦲꦶꦁꦮꦚ꧀ꦕꦶꦫꦸꦩꦶꦪꦶꦤ꧀ ꦲꦭꦸꦤ꧀ꦲꦭꦸꦤ꧀ꦭꦺꦂꦢꦶꦥꦸꦤ꧀ꦏꦸꦥꦼꦁꦔꦶꦥꦒꦼꦂꦧꦤꦺꦴꦤ꧀ꦭꦤ꧀ꦏꦭꦺꦤ꧀ ꦠꦺꦴꦪꦏꦭꦺꦤ꧀ꦥꦸꦤꦶꦏꦱꦒꦼꦢ꧀ꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦏꦁꦒꦺꦲꦁꦭꦸꦧꦺꦂꦫꦶꦲꦭꦸꦤ꧀ꦲꦭꦸꦤ꧀ꦤꦭꦶꦏꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦲꦶꦁꦲꦤ꧀ꦠꦮꦶꦱ꧀ꦱꦶꦁꦏꦗꦼꦁꦮꦫꦶꦔꦶꦤ꧀ꦗꦺꦗꦺꦂ꧈ ꦮꦺꦴꦤ꧀ꦠꦼꦤ꧀ꦱꦮꦠꦮꦶꦱ꧀ꦮꦼꦮꦔꦸꦤ꧀ꦤꦤ꧀ꦲꦤꦩꦧꦁꦱꦭ꧀ꦥꦼꦏꦥꦭ꧀ꦭꦤ꧀ ꦥꦼꦏꦥꦭ꧀ꦭꦤ꧀ꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦏꦥꦭ꧀ꦲꦶꦁꦏꦁꦲꦠꦼꦒꦼꦱ꧀ꦗꦫꦤ꧀ ꦏꦤ꧀ꦛꦶꦲꦂꦥ꦳ꦶꦪꦃ ꦥꦼꦏꦥꦭ꧀ꦭꦤ꧀ꦲꦠꦼꦒꦼꦱ꧀ꦥꦥꦤ꧀ꦏꦁꦒꦺꦲꦚꦼꦚ꧀ꦕꦁꦏꦥꦭ꧀ ꦧꦁꦱꦭ꧀ꦥꦼꦏꦥꦭ꧀ꦭꦤ꧀ꦩꦶꦤꦁꦏꦥꦥꦤ꧀ꦥꦼꦥꦁꦒꦶꦃꦲꦤ꧀ꦤꦶꦁꦥꦫꦧꦸꦥꦠꦶꦲꦸꦒꦶꦩꦤ꧀ꦠꦿꦶꦲꦶꦁꦒꦶꦭ꧀ ꦱꦤꦺꦱ꧀ꦱꦶꦥꦸꦤ꧀ꦥꦼꦏꦥꦭ꧀ꦭꦤ꧀ ꦮꦺꦴꦤ꧀ꦠꦼꦤ꧀ꦧꦁꦱꦭ꧀ꦱꦤꦺꦱ꧀ꦲꦶꦁꦱꦥꦶꦁꦒꦶꦂꦫꦶꦁꦲꦭꦸꦤ꧀ꦲꦭꦸꦤ꧀ ꦲꦶꦁꦒꦶꦃꦥꦸꦤꦶꦏꦧꦁꦱꦭ꧀ꦥꦔꦸꦫꦏ꧀ꦏꦤ꧀ꦭꦤ꧀ꦧꦁꦱꦭ꧀ꦧꦭꦺꦩꦔꦸ꧉
꧋ꦧꦁꦱꦭ꧀ꦥꦔꦸꦫꦏ꧀ꦏꦤ꧀ꦢꦸꦤꦸꦁꦔꦶꦥꦸꦤ꧀ꦲꦶꦁꦱꦶꦱꦶꦃꦭꦺꦂꦲꦶꦁꦏꦁꦒꦸꦁꦒꦸꦁꦔꦶꦥꦸꦤ꧀ꦏꦭꦶꦃꦭꦤ꧀ꦲꦒꦥꦶꦠ꧀ꦩꦂꦒꦶ꧈ꦲꦼꦩ꧀ꦥꦤ꧀ꦤꦶꦥꦸꦤ꧀ꦩꦶꦤꦁꦏꦥꦥꦤ꧀ꦔꦸꦫꦏ꧀ ꦲꦶꦁꦒꦶꦃꦥꦸꦤꦶꦏꦔꦸꦫꦏ꧀ꦏꦮꦸꦭꦲꦶꦁꦏꦁꦧꦭꦺꦭꦣꦠꦼꦁꦥꦿꦤꦠꦤ꧀ ꦱꦤꦺꦱ꧀ꦱꦶꦥꦸꦤ꧀ꦥꦸꦤꦶꦏꦧꦁꦱꦭ꧀ꦥꦔꦸꦫꦏ꧀ꦏꦤ꧀ꦲꦸꦒꦶꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦏꦁꦒꦺꦲꦚꦶꦩ꧀ꦥꦼꦤ꧀ꦒꦩꦤ꧀ ꦱꦧꦼꦤ꧀ꦢꦶꦤ꧀ꦠꦼꦤ꧀ ꦧꦁꦱꦭ꧀ꦥꦸꦤꦶꦏꦢꦶꦥꦸꦚ꧀ꦗꦒꦶꦢꦺꦤꦶꦁꦲꦧ꧀ꦢꦶꦢꦊꦩ꧀ꦒꦼꦭꦣꦒ꧀꧈
꧋ꦧꦁꦱꦭ꧀ꦧꦭꦺꦩꦔꦸꦲꦸꦒꦶꦒꦸꦁꦒꦸꦁꦔꦶꦥꦸꦤ꧀ꦏꦭꦶꦃꦢꦸꦤꦸꦁꦔꦶꦥꦸꦤ꧀ꦲꦒꦥꦶꦠ꧀ꦒꦥꦸꦫꦠꦸꦩꦸꦗꦸꦩꦱ꧀ꦗꦶꦢ꧀ꦒꦼꦣꦺ꧈ ꦧꦁꦱꦭ꧀ꦥꦸꦤꦶꦏꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦩꦶꦤꦁꦏꦥꦥꦤ꧀ꦥꦿꦢꦠꦤ꧀ꦲꦒꦩꦶ꧉
꧋ꦱꦤꦺꦱ꧀ꦱꦶꦥꦸꦤ꧀ꦩꦶꦤꦁꦏꦥꦥꦤ꧀ꦏꦁꦒꦺꦲꦢꦶꦕꦫꦲꦶꦁꦏꦁꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠ꧈ ꦲꦭꦸꦤ꧀ꦲꦭꦸꦤ꧀ꦭꦺꦂꦲꦸꦒꦶꦢꦢꦺꦴꦱ꧀ꦥꦥꦤ꧀ꦧꦶꦭꦶꦃꦮꦺꦴꦤ꧀ꦠꦼꦤ꧀ꦏꦮꦸꦭꦲꦶꦁꦏꦁꦧꦣꦺꦲꦠꦸꦂꦥꦱꦩ꧀ꦧꦠ꧀ꦠꦤ꧀ꦝꦸꦩꦠꦼꦁꦱꦸꦭ꧀ꦠꦤ꧀ ꦏꦮꦸꦭꦲꦶꦁꦏꦁꦫꦸꦩꦲꦺꦴꦱ꧀ꦱꦶꦤꦶꦪꦱꦶꦪꦧꦣꦺꦔꦒꦼꦩ꧀ꦫꦱꦸꦏ꧀ꦏꦤ꧀ꦥꦼꦛꦏ꧀ ꦊꦁꦒꦃꦏꦤ꧀ꦛꦶꦥꦺꦥꦺꦲꦶꦁꦧꦼꦤ꧀ꦠꦺꦂꦫꦶꦁꦱꦽꦔꦺꦔꦺꦲꦶꦁꦱꦩꦢꦾꦤꦶꦁꦲꦭꦸꦤ꧀ꦲꦭꦸꦤ꧀ꦔꦤ꧀ꦠꦺꦴꦱ꧀ꦱꦸꦭ꧀ꦠꦤ꧀ꦥꦶꦂꦱꦭꦤ꧀ꦤꦶꦩ꧀ꦧꦭ꧀ꦭꦶ꧈ ꦭꦩ꧀ꦥꦃꦲꦠꦸꦂꦥꦱꦩ꧀ꦧꦠ꧀ꦠꦤ꧀ꦲꦶꦁꦧꦼꦤ꧀ꦠꦺꦂꦫꦶꦁꦱꦽꦔꦺꦔꦺꦥꦸꦤꦶꦏꦢꦶꦥꦸꦤ꧀ꦱꦼꦧꦠ꧀ꦏꦤ꧀ꦛꦶꦭꦏꦸꦥꦺꦥꦺꦲꦸꦠꦮꦶꦠꦥꦥꦺꦥꦺ꧉
꧋ꦲꦭꦸꦤ꧀ꦲꦭꦸꦤ꧀ꦲꦶꦁꦏꦁꦮꦶꦪꦂꦲꦶꦁꦱꦔꦗꦼꦁꦔꦶꦁꦏꦿꦠꦺꦴꦤ꧀ꦪꦺꦴꦒꦾꦏꦂꦠꦲꦸꦒꦶꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦥꦸꦁꦏꦸꦂꦫꦤ꧀ ꦩ꧀ꦧꦺꦴꦠꦼꦤ꧀ꦤꦩꦸꦁꦭꦺꦴꦮꦃꦲꦤ꧀ꦲꦸꦩꦸꦩ꧀ꦩꦶꦤꦁꦏꦮꦣꦃꦏꦁꦒꦺꦱꦢꦪꦏꦒꦶꦪꦠ꧀ꦠꦤ꧀ꦤꦶꦥꦸꦤ꧀ꦏꦮꦸꦭꦏꦶꦛꦏꦢꦺꦴꦱ꧀ꦲꦶꦁꦏꦁꦱꦒꦼꦢ꧀ꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦱꦥꦸꦤꦶꦏ꧈ ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦲꦭꦸꦤ꧀ꦲꦭꦸꦤ꧀ꦥꦸꦤꦶꦏꦚꦼꦩ꧀ꦧꦢꦤꦶꦩꦚ꧀ꦕꦮꦂꦤꦶꦲꦼꦩ꧀ꦥꦤ꧀ꦭꦤ꧀ꦥꦼꦫꦤ꧀ꦏꦿꦠꦺꦴꦤ꧀ꦩꦶꦤꦁꦏꦥꦸꦚ꧀ꦗꦼꦂꦫꦶꦁꦥꦩꦫꦶꦤ꧀ꦠꦃꦲꦤ꧀ ꦭꦺꦴꦮꦃꦲꦤ꧀ꦲꦸꦩꦸꦩ꧀ꦲꦶꦁꦏꦁꦮꦶꦪꦂꦥꦸꦤꦶꦏꦲꦤꦩ꧀ꦧꦸꦠ꧀ꦱꦥꦺꦫꦁꦔꦤ꧀ꦲꦺꦊꦩꦺꦤ꧀ꦮꦼꦮꦼꦁꦏꦺꦴꦤ꧀ꦱꦲꦸꦧꦼꦁꦔꦶꦥꦸꦤ꧀ꦲꦸꦠꦮꦶꦲꦤ꧀ꦠꦮꦶꦱ꧀ꦱꦶꦁꦱꦸꦭ꧀ꦠꦤ꧀ꦏꦭꦮꦤ꧀ꦏꦮꦸꦭꦤꦶꦥꦸꦤ꧀꧈
Alun-alun Yogyakarta
wiwit rikala jaman majapahit, kawontěnnannipun halun-halun hiŋ saḷěběttiŋ wěwěŋkon kŕaton tansaḥ dipunlěstantunnakěn, halun-halun hiŋgiḥ punika wujuddiŋ lowaḥhan humum, dados bageyan hiŋkaŋ botěn kapisaḥ sakiŋ tata rakittiŋ kiṭa pŕaja kŕaton, konsep punika lajěŋ dipuntulad deniŋ kiṭa-kiṭa hiŋ hinḍonesiya hiŋgiḥ punika lowaḥhan jawi hiŋkaŋ dipunsamaktani hiŋ ṅajěŋ puñjěṙriŋ pamarintaḥhan.
paṅeran maŋkubumi hiŋkaŋ juměněŋṅakěn kasultannan yogỿakaṙta moñceṙ haŋgennipun suměṛěp tumŕap hilmu filsafat hugi hunḍagi, goloŋ guměḷěŋṅiŋ sěsěṛěppan pañjěněṅannipun punika hiŋkaŋ daměl tata rakittiŋ wěwaṅunnan kasultannan yogỿakaṙta daṙbe lambaŋ-lambaŋ hiŋkaŋ kaṭaḥ wěṙdi.
kŕaton yogỿakaṙta hugi wěwaṅunnan sěsaŋgennipun dipunyasa wontěn satuŋgalliŋ pasaŋ rakit hiŋkaŋ kapŕatisṭa hiŋ sumbu filosofis, hiŋgiḥ punika garis rekan hiŋkaŋ katarik lurus hantawissiŋ tugu goloŋ gilig kalawan paŋguŋ kŕapỿak, wontěn sahantawissiŋ punika kaliḥ halun-halun hiŋkaŋ dipungaḍaḥhi kŕaton, hiŋgiḥ punika halun-halun kidul lan leṙ.
halun-halun kidul
halun-halun kidul hugi kahuniṅan kanṭi nama halun-halun pěŋkěṙran, dunuŋṅipun taksiḥ wontěn hiŋ ḷěbět beteŋ kŕaton, hiŋ madỿanipun, dipuntaněm kaliḥ kajěŋ wariṅin, wariṅin punika dipunsěbat supit huraŋ lan dipunkupěŋṅi pagěṙ saheŋga hugi kahuniṅan minaŋka riṅin kuruŋ, pagěṙ hiŋkaŋ ṅupěŋṅi kěkaliḥ kajěŋ punika dipunsukani ṛěṛěŋgan hawujud bunděṙran lan ḍěḍapuṙran gěndewa, wusdentěn, hiŋ bageyan piŋgiṙ wontěn kajěŋ pakel hugi kweni minaŋka pŕalambaŋṅiŋ ṅañcik diwasa lan kapurunnan.
halun-halun kidul wiyaṙripun 140 piŋ 140 metěṙ lan dipunkupěŋṅi pagěṙ 2 metěṙ hiŋgillipun, saṙta gaŋsal gapura minaŋka maṙgi mlěbět hugi mědal, gaŋsal maṙgi punika hiŋgiḥ maṙgi laṅěnhastŕan, maṙgi laṅěnhastŕan loṙ, maṙgi ṅadisuṙyan, maṙgi patehan loṙ, lan maṙgi gaḍiŋ, sadaya maṙgi punika mŕalambaŋṅakěn pañcadŕiyaniŋ janma, hiŋ sisiḥ kilen, cakěttipun maṙgi ṅadisuṙyan, wontěn kanḍaŋ liman kŕaton.
lumaḥhiŋ halun-halun dipunhuruggi wěḍi, wiyaṙriŋ wěḍi kasěbat minaŋka pŕalambaŋ biliḥ dŕiya taksiḥ dereŋ hajěg lan gampil haŋgennipun hewaḥ giŋsiṙ, saṙta mbotěn tinata pŕasasat wěḍi, punika hiŋkaŋ dipuntěmaḥhi janma nalika mlěbět wañci ṅañcik diwasa hiŋkaŋ dipunlambaŋṅakěn kanṭi wujud paŋgiḥhiŋ rare jaḷěṙ lan hestŕi sawaṙni wariṅin wahu.
hěmpan hiŋkaŋ hutami sakiŋ halun-halun kidul rumiyin hiŋgiḥ punika minaŋka papan glaḍi para pŕajurit kŕaton, saṙta minaŋka papan nitipŕiksa pŕajurit pěrak hupacara gaṛěběg, sapunika halun-halun kidul dados papan tiyaŋ pḷěsiṙ, nalika dalu kaṭaḥ hiŋkaŋ sadeyan těḍa hugi kŕeta gěñjot hiŋkaŋ dipunsewakkakěn, wontěn hugi kagiyattan masaṅin, hiŋgiḥ punika mlampaḥ mlěbět hiŋ sahantawissiŋ kajěŋ wariṅin, para wisatawan ṅupados mlampaḥ mlěbět haṅambaḥhi kekaliḥ kajěŋ wariṅin kanṭi tinutup netŕanipun.
halun-halun leṙ
halun-halun leṙ wiyaṙripun 300 piŋ 300 metěṙ pasagi, hiŋ samadỿanipun maděṅ kaliḥ wariṅin kuruŋ hiŋkaŋ gaḍaḥhi nama kỿahi dewadaru lan kỿahi janadaru (hiŋkaŋ sapunika hanama kỿahi wijayadaru), miturut sěrat salokapatŕa winiḥ kỿahi janadaru saŋkannipun sakiŋ kŕaton pajajaran, dene kỿahi dewadaru winiḥhipun sakiŋ kŕaton majapahit.
těmbuŋ kỿahi dewadaru saŋkannipun sakiŋ těmbuŋ dewa hiŋkaŋ wěṙdinipun gusti allah lan daru hiŋkaŋ wěṙdinipun waḥyum kajěŋ punika dunuŋṅipun hiŋ sisiḥ kilen sakiŋ sumbu filosofis, sěsaṛěŋṅan kaliyan masjid gěḍe hiŋkaŋ dunuŋṅipun hugi hiŋ sisiḥ kilen sumbu filosofis, kajěŋ punika hatuṛ gambaṙran sěsamběttanniŋ janma ḍumatěŋ gustinipun, haděggiŋ kajěŋ punika minaŋka wujuddiŋ sŕi sultan haměŋkubuwana 1 hiŋkaŋ wicaksana haŋgennipun pariŋ paṅenṭa-enṭa konsep hislam habluminallaḥ.
wusdentěn, kỿahi janadaru hiŋkaŋ gaḍaḥhi wěṙdi kanṭi lugas hatěgěs janma sěsaṛěŋṅan kaliyan pasaṙ běriŋhaṙja dunuŋṅipun hiŋ sisiḥ wetan sakiŋ sumbu filosofis, bab punika mŕalambaŋṅakěn sěsamběttanniŋ janma kaliyan janma, sawijiniŋ konsep hislam habluminanas.
hiŋ sisiḥ leṙ lan kidul, maděg hugi sapasaŋ kajěŋ wariṅin, wariṅin leṙ gaḍaḥhi nama kỿahi wok lan kỿahi jeŋgot, dene hiŋ kidul hanama haguŋ lan binatuṙ.
kadosta halun-halun kidul, sadaya lumaḥhiŋ halun-halun leṙ hugi dipunhuruggi wěḍi ḷěmbut, punika gěgambaṙranniŋ sěgantěn tanpa gisik minaŋka wujud sakiŋ gusti hiŋkaŋ maha haguŋ, mila wěṙdinipun halun-halun saṙta kěkaliḥ kajěŋ wariṅin hiŋ madỿanipun mŕalambaŋṅakěn konsep manuŋgalliŋ kawula gusti.
wontěn 62 kajěŋ wariṅin hiŋkaŋ ṅupěŋṅi halun-halun leṙ, sěsaṛěŋṅan kěkaliḥ wariṅin hif madỿanipun, sadaya kajěŋ guŋguŋṅipun 64 kajěŋ wariṅin, guŋguŋṅipun punika mŕalambaŋṅakěn yuswaniŋ nabi muhammad rikala pañjěněṅannipun surud hiŋ petuŋṅan jawi.
hiŋ wañci rumiyin, halun-halun leṙ dipunkupeŋṅi pagěṙ banon lan kalen, toya kalen punika sagěḍ dipunginakkakěn kaŋge haŋlubeṙri halun-halun nalika dipunbětaḥhakěn, hiŋ hantawissiŋ kajěŋ wariṅin jejeṙ, wontěn sawatawis wěwaṅunnan hanama baŋsal pěkapallan, pěkapallan saŋkannipun sakiŋ těmbuŋ kapal hiŋkaŋ hatěgěs jaran, kanṭi haṙfiyaḥ pěkapallan hatěgěs papan kaŋge hañěñcaŋ kapal, baŋsal pěkapallan minaŋka papan pěpaŋgiḥhanniŋ para bupati hugi mantŕi hiŋgil, sanessipun pěkapallan, wontěn baŋsal sanes hiŋ sapiŋgiṙriŋ halun-halun, hiŋgiḥ punika baŋsal paṅurakkan lan baŋsal bale maṅu.
baṅsal paṅurakkan dunuŋṅipun hiŋ sisiḥ leṙ hiŋkaŋ guŋguŋṅipun kaliḥ lan hagapit maṙgi, hěmpannipun minaŋka papan ṅurak, hiŋgiḥ punika ṅurak kawula hiŋkaŋ balela ḍatěŋ pŕanatan, sanessipun punika baŋsal paṅurakkan hugi dipunginakkakěn kaŋge hañimpěn gaman, saběn dintěn, baŋsal punika dipuñjagi deniŋ habdi daḷěm gělaḍag.
baŋsal bale maṅu hugi guŋguŋṅipun kaliḥ dunuŋṅipun hagapit gapura tumuju masjid gěḍe, baŋsal punika dipunginakkaken minaŋka papan pŕadatan hagami.
sanessipun minaŋka papan kaŋge hadicara hiŋkaŋ dipunwontěnnakěn kasultannan yogỿakaṙta, halun-halun leṙ hugi dados papan biliḥ wontěn kawula hiŋkaŋ baḍe hatuṙ pasambattan ḍumatěŋ sultan, kawula hiŋkaŋ rumahos siniya-siya baḍe ṅagěm rasukkan pěṭak, ḷěŋgaḥ kanṭi pepe hiŋ běnteṙriŋ sŕěṅěṅě hiŋ samadỿaniŋ halun-halun ṅantos sultan piṙsa lan nimballi, lampaḥ hatuṙ pasambattan hiŋ běnteṙriŋ sŕěṅěṅě punika dipunsěbat kanṭi laku pepe hutawi tapa pepe.
halun-halun hiŋkaŋ wiyaṙ hiŋ saṅajěŋṅiŋ kŕaton yogỿakaṙta hugi hiŋkaŋ wontěn hiŋ puŋkuṙran, mbotěn namuŋ lowaḥhan humum minaŋka waḍaḥ kaŋge sadaya kagiyattannipun kawula kiṭa kados hiŋkaŋ sagěḍ dipunsuměṛěppi sapunika, wontěnnipun halun-halun punika ñěmbadani mañcawaṙni hěmpan lan pěran kŕaton minaŋka puñjěṙriŋ pamarintaḥhan, lowaḥhan humum hiŋkaŋ wiyaṙ punika hanambut saperaŋṅan heḷěmen wěwěŋkon sahuběŋṅipun hutawi hantawissiŋ sultan kalawan kawulanipun.
halun-halun yogỿakaṙta
wiwit rikala jaman majapahit, kawontěnnannipun halun-halun hiŋ saḷěběttiŋ wěwěŋkon kŕaton tansaḥ dipunlěstantunnakěn, halun-halun hiŋgiḥ punika wujuddiŋ lowaḥhan humum, dados bageyan hiŋkaŋ botěn kapisaḥ sakiŋ tata rakittiŋ kiṭa pŕaja kŕaton, konsep punika lajěŋ dipuntulad deniŋ kiṭa-kiṭa hiŋ hinḍonesiya hiŋgiḥ punika lowaḥhan jawi hiŋkaŋ dipunsamaktani hiŋ ṅajěŋ puñjěṙriŋ pamarintaḥhan.
paṅeran maŋkubumi hiŋkaŋ juměněŋṅakěn kasultannan yogỿakaṙta moñceṙ haŋgennipun suměṛěp tumŕap hilmu filsafat hugi hunḍagi, goloŋ guměḷěŋṅiŋ sěsěṛěppan pañjěněṅannipun punika hiŋkaŋ daměl tata rakittiŋ wěwaṅunnan kasultannan yogỿakaṙta daṙbe lambaŋ-lambaŋ hiŋkaŋ kaṭaḥ wěṙdi.
kŕaton yogỿakaṙta hugi wěwaṅunnan sěsaŋgennipun dipunyasa wontěn satuŋgalliŋ pasaŋ rakit hiŋkaŋ kapŕatisṭa hiŋ sumbu filosofis, hiŋgiḥ punika garis rekan hiŋkaŋ katarik lurus hantawissiŋ tugu goloŋ gilig kalawan paŋguŋ kŕapỿak, wontěn sahantawissiŋ punika kaliḥ halun-halun hiŋkaŋ dipungaḍaḥhi kŕaton, hiŋgiḥ punika halun-halun kidul lan leṙ.
halun-halun kidul
halun-halun kidul hugi kahuniṅan kanṭi nama halun-halun pěŋkěṙran, dunuŋṅipun taksiḥ wontěn hiŋ ḷěbět beteŋ kŕaton, hiŋ madỿanipun, dipuntaněm kaliḥ kajěŋ wariṅin, wariṅin punika dipunsěbat supit huraŋ lan dipunkupěŋṅi pagěṙ saheŋga hugi kahuniṅan minaŋka riṅin kuruŋ, pagěṙ hiŋkaŋ ṅupěŋṅi kěkaliḥ kajěŋ punika dipunsukani ṛěṛěŋgan hawujud bunděṙran lan ḍěḍapuṙran gěndewa, wusdentěn, hiŋ bageyan piŋgiṙ wontěn kajěŋ pakel hugi kweni minaŋka pŕalambaŋṅiŋ ṅañcik diwasa lan kapurunnan.
halun-halun kidul wiyaṙripun 140 piŋ 140 metěṙ lan dipunkupěŋṅi pagěṙ 2 metěṙ hiŋgillipun, saṙta gaŋsal gapura minaŋka maṙgi mlěbět hugi mědal, gaŋsal maṙgi punika hiŋgiḥ maṙgi laṅěnhastŕan, maṙgi laṅěnhastŕan loṙ, maṙgi ṅadisuṙyan, maṙgi patehan loṙ, lan maṙgi gaḍiŋ, sadaya maṙgi punika mŕalambaŋṅakěn pañcadŕiyaniŋ janma, hiŋ sisiḥ kilen, cakěttipun maṙgi ṅadisuṙyan, wontěn kanḍaŋ liman kŕaton.
lumaḥhiŋ halun-halun dipunhuruggi wěḍi, wiyaṙriŋ wěḍi kasěbat minaŋka pŕalambaŋ biliḥ dŕiya taksiḥ dereŋ hajěg lan gampil haŋgennipun hewaḥ giŋsiṙ, saṙta mbotěn tinata pŕasasat wěḍi, punika hiŋkaŋ dipuntěmaḥhi janma nalika mlěbět wañci ṅañcik diwasa hiŋkaŋ dipunlambaŋṅakěn kanṭi wujud paŋgiḥhiŋ rare jaḷěṙ lan hestŕi sawaṙni wariṅin wahu.
hěmpan hiŋkaŋ hutami sakiŋ halun-halun kidul rumiyin hiŋgiḥ punika minaŋka papan glaḍi para pŕajurit kŕaton, saṙta minaŋka papan nitipŕiksa pŕajurit pěrak hupacara gaṛěběg, sapunika halun-halun kidul dados papan tiyaŋ pḷěsiṙ, nalika dalu kaṭaḥ hiŋkaŋ sadeyan těḍa hugi kŕeta gěñjot hiŋkaŋ dipunsewakkakěn, wontěn hugi kagiyattan masaṅin, hiŋgiḥ punika mlampaḥ mlěbět hiŋ sahantawissiŋ kajěŋ wariṅin, para wisatawan ṅupados mlampaḥ mlěbět haṅambaḥhi kekaliḥ kajěŋ wariṅin kanṭi tinutup netŕanipun.
halun-halun leṙ
halun-halun leṙ wiyaṙripun 300 piŋ 300 metěṙ pasagi, hiŋ samadỿanipun maděṅ kaliḥ wariṅin kuruŋ hiŋkaŋ gaḍaḥhi nama kỿahi dewadaru lan kỿahi janadaru (hiŋkaŋ sapunika hanama kỿahi wijayadaru), miturut sěrat salokapatŕa winiḥ kỿahi janadaru saŋkannipun sakiŋ kŕaton pajajaran, dene kỿahi dewadaru winiḥhipun sakiŋ kŕaton majapahit.
těmbuŋ kỿahi dewadaru saŋkannipun sakiŋ těmbuŋ dewa hiŋkaŋ wěṙdinipun gusti allah lan daru hiŋkaŋ wěṙdinipun waḥyum kajěŋ punika dunuŋṅipun hiŋ sisiḥ kilen sakiŋ sumbu filosofis, sěsaṛěŋṅan kaliyan masjid gěḍe hiŋkaŋ dunuŋṅipun hugi hiŋ sisiḥ kilen sumbu filosofis, kajěŋ punika hatuṛ gambaṙran sěsamběttanniŋ janma ḍumatěŋ gustinipun, haděggiŋ kajěŋ punika minaŋka wujuddiŋ sŕi sultan haměŋkubuwana 1 hiŋkaŋ wicaksana haŋgennipun pariŋ paṅenṭa-enṭa konsep hislam habluminallaḥ.
wusdentěn, kỿahi janadaru hiŋkaŋ gaḍaḥhi wěṙdi kanṭi lugas hatěgěs janma sěsaṛěŋṅan kaliyan pasaṙ běriŋhaṙja dunuŋṅipun hiŋ sisiḥ wetan sakiŋ sumbu filosofis, bab punika mŕalambaŋṅakěn sěsamběttanniŋ janma kaliyan janma, sawijiniŋ konsep hislam habluminanas.
hiŋ sisiḥ leṙ lan kidul, maděg hugi sapasaŋ kajěŋ wariṅin, wariṅin leṙ gaḍaḥhi nama kỿahi wok lan kỿahi jeŋgot, dene hiŋ kidul hanama haguŋ lan binatuṙ.
kadosta halun-halun kidul, sadaya lumaḥhiŋ halun-halun leṙ hugi dipunhuruggi wěḍi ḷěmbut, punika gěgambaṙranniŋ sěgantěn tanpa gisik minaŋka wujud sakiŋ gusti hiŋkaŋ maha haguŋ, mila wěṙdinipun halun-halun saṙta kěkaliḥ kajěŋ wariṅin hiŋ madỿanipun mŕalambaŋṅakěn konsep manuŋgalliŋ kawula gusti.
wontěn 62 kajěŋ wariṅin hiŋkaŋ ṅupěŋṅi halun-halun leṙ, sěsaṛěŋṅan kěkaliḥ wariṅin hif madỿanipun, sadaya kajěŋ guŋguŋṅipun 64 kajěŋ wariṅin, guŋguŋṅipun punika mŕalambaŋṅakěn yuswaniŋ nabi muhammad rikala pañjěněṅannipun surud hiŋ petuŋṅan jawi.
hiŋ wañci rumiyin, halun-halun leṙ dipunkupeŋṅi pagěṙ banon lan kalen, toya kalen punika sagěḍ dipunginakkakěn kaŋge haŋlubeṙri halun-halun nalika dipunbětaḥhakěn, hiŋ hantawissiŋ kajěŋ wariṅin jejeṙ, wontěn sawatawis wěwaṅunnan hanama baŋsal pěkapallan, pěkapallan saŋkannipun sakiŋ těmbuŋ kapal hiŋkaŋ hatěgěs jaran, kanṭi haṙfiyaḥ pěkapallan hatěgěs papan kaŋge hañěñcaŋ kapal, baŋsal pěkapallan minaŋka papan pěpaŋgiḥhanniŋ para bupati hugi mantŕi hiŋgil, sanessipun pěkapallan, wontěn baŋsal sanes hiŋ sapiŋgiṙriŋ halun-halun, hiŋgiḥ punika baŋsal paṅurakkan lan baŋsal bale maṅu.
baṅsal paṅurakkan dunuŋṅipun hiŋ sisiḥ leṙ hiŋkaŋ guŋguŋṅipun kaliḥ lan hagapit maṙgi, hěmpannipun minaŋka papan ṅurak, hiŋgiḥ punika ṅurak kawula hiŋkaŋ balela ḍatěŋ pŕanatan, sanessipun punika baŋsal paṅurakkan hugi dipunginakkakěn kaŋge hañimpěn gaman, saběn dintěn, baŋsal punika dipuñjagi deniŋ habdi daḷěm gělaḍag.
baŋsal bale maṅu hugi guŋguŋṅipun kaliḥ dunuŋṅipun hagapit gapura tumuju masjid gěḍe, baŋsal punika dipunginakkaken minaŋka papan pŕadatan hagami.
sanessipun minaŋka papan kaŋge hadicara hiŋkaŋ dipunwontěnnakěn kasultannan yogỿakaṙta, halun-halun leṙ hugi dados papan biliḥ wontěn kawula hiŋkaŋ baḍe hatuṙ pasambattan ḍumatěŋ sultan, kawula hiŋkaŋ rumahos siniya-siya baḍe ṅagěm rasukkan pěṭak, ḷěŋgaḥ kanṭi pepe hiŋ běnteṙriŋ sŕěṅěṅě hiŋ samadỿaniŋ halun-halun ṅantos sultan piṙsa lan nimballi, lampaḥ hatuṙ pasambattan hiŋ běnteṙriŋ sŕěṅěṅě punika dipunsěbat kanṭi laku pepe hutawi tapa pepe.
halun-halun hiŋkaŋ wiyaṙ hiŋ saṅajěŋṅiŋ kŕaton yogỿakaṙta hugi hiŋkaŋ wontěn hiŋ puŋkuṙran, mbotěn namuŋ lowaḥhan humum minaŋka waḍaḥ kaŋge sadaya kagiyattannipun kawula kiṭa kados hiŋkaŋ sagěḍ dipunsuměṛěppi sapunika, wontěnnipun halun-halun punika ñěmbadani mañcawaṙni hěmpan lan pěran kŕaton minaŋka puñjěṙriŋ pamarintaḥhan, lowaḥhan humum hiŋkaŋ wiyaṙ punika hanambut saperaŋṅan heḷěmen wěwěŋkon sahuběŋṅipun hutawi hantawissiŋ sultan kalawan kawulanipun.
