꧋ꦧꦽꦒꦢꦥꦿꦗꦸꦫꦶꦠ꧀ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠ꧉

꧋ꦱ​ꦩꦁ​ꦏꦺ​ꦥꦸ​ꦤꦶ​ꦏ​꧈ ꦏꦿ​ꦠꦺꦴꦤ꧀ꦲꦁ​ꦒ​ꦝꦃ​ꦲꦶ​ꦱꦼ​ꦢ​ꦱ​ꦥꦼ​ꦥꦤ꧀ꦛꦤ꧀ꦥ​ꦱꦸ​ꦏꦤ꧀ꦲꦶꦁ​ꦏꦁ​ꦱꦶ​ꦤꦼ​ꦧꦸꦠ꧀ꦧꦽ​ꦒ​ꦢ​꧉ ꦒꦸꦁ​ꦒꦸꦁ​ꦔꦶ​ꦥꦸꦤ꧀ꦱꦼ​ꦢ​ꦪ​ꦥꦿ​ꦗꦸ​ꦫꦶꦠ꧀ꦫ​ꦢꦶ​ꦱꦼ​ꦏꦼ​ꦣꦶꦏ꧀꧈ ꦏꦶ​ꦫꦁ​ꦭꦁ​ꦏꦸꦁ​ ꧇​꧖​꧐​꧐꧇ ꦠꦶ​ꦪꦁ​꧉ ꦒꦸꦁ​ꦒꦸꦁ​ꦔꦶ​ꦥꦸꦤ꧀ꦥꦿ​ꦗꦸ​ꦫꦶꦠ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦱ​ꦧꦼꦤ꧀ꦧꦽ​ꦒ​ꦢ​ꦩ​ꦤꦺ​ꦏ​ꦮꦂ​ꦤꦶ​꧉ ꦧꦽ​ꦒ​ꦢ​ꦚꦸ​ꦠꦿ​꧈ ꦠꦸ​ꦭ​ꦣ​ꦤꦶ​ꦥꦸꦤ꧀꧈ ꦤ​ꦩꦸꦁ​ꦩ​ꦢꦼꦒ꧀ꦱ​ꦏꦶꦁ​ ꧇​꧖​꧔꧇ ꦠꦶ​ꦪꦁ​ꦱ​ꦮꦼ​ꦢꦭ꧀꧈
ꦥꦿꦗꦸꦫꦶꦠ꧀ꦏꦿꦠꦺꦴꦤ꧀ ꦱꦏ꧀ꦭꦗꦺꦔꦶꦥꦸꦤ꧀

ꦱ​ꦏꦶꦁ​ꦥꦿ​ꦗꦸ​ꦫꦶꦠ꧀ꦠꦶꦁ​ꦏ​ꦝꦲꦸ​ꦭ​ꦠ꧀ꦠꦤ꧀ꦢꦸ​ꦩꦸ​ꦒꦶ​ꦥꦁ​ꦔꦶ​ꦫꦶꦢ꧀ꦧꦸ​ꦢ​ꦪ​

꧋ꦏ​ꦮꦺꦴꦤ꧀ꦠꦼ​​ꦤ꧀ꦤ​ꦤ꧀ꦤꦶ​ꦥꦸꦤ꧀ꦥꦿ​ꦗꦸ​ꦫꦶꦠ꧀ꦏꦿ​ꦠꦺꦴꦤ꧀ꦪꦺꦴ​ꦒꦾ​ꦏꦂ​ꦠ​ꦧꦺꦴ​ꦠꦼꦤ꧀ꦱ​ꦒꦼꦢ꧀ꦲꦸ​ꦮꦭ꧀ꦱ​ꦏꦶꦁ​ꦥꦼ​ꦫꦁ​ꦲꦤ꧀ꦠ​ꦫ​ꦤꦶꦁ​ꦥ​ꦔꦺ​ꦫꦤ꧀ꦩꦁ​ꦏꦸ​ꦧꦸ​ꦩꦶ​ꦏ​ꦭ​ꦮꦤ꧀꧌ꦥ꦳ꦺ​꧈ ꦲꦺꦴ​꧈ ꦕꦺ​꧍꧌ ꧇​꧑​꧗​꧔​꧖꧇ꦢꦸꦩꦸꦒꦶ꧇​꧑​꧗​꧕​꧕꧇ ꧍꧉ ꦮꦺꦴꦤ꧀ꦠꦼꦤ꧀ꦲꦶꦁ​ꦥꦼ​ꦫꦁ​ꦲꦶꦁ​ꦏꦁ​ꦲꦸ​ꦒꦶ​ꦏ​ꦮꦱ꧀ꦠ​ꦤꦤ꧀ꦥꦼ​ꦫꦁ​ꦩꦁ​ꦏꦸ​ꦧꦸ​ꦩꦺꦤ꧀ꦥꦸ​ꦤꦶ​ꦏ​꧈ ꦥ​ꦔꦺ​ꦫꦤ꧀ꦩꦁ​ꦏꦸ​ꦧꦸ​ꦩꦶ​ꦢꦶ​ꦥꦸꦤ꧀ꦧꦶ​ꦪꦤ꧀ꦠꦸ​ꦏ​ꦭꦶ​ꦪꦤ꧀ꦱ​ꦏ​ꦛꦃ​ꦲꦶꦁ​ꦮ​ꦢꦾ​ꦧ​ꦭ​꧈ ꦏ​ꦊ​ꦧꦼꦠ꧀ꦱꦼꦤ꧀ꦠꦤ​ꦢ​ꦊꦩ꧀ꦱ​ꦏꦶꦁ​ꦏꦿ​ꦠꦺꦴꦤ꧀꧈ ꦲꦶꦁ​ꦲꦤ꧀ꦠ​ꦮꦶꦱ꧀ꦱꦶ​ꦥꦸꦤ꧀ꦫ​ꦢꦺꦤ꧀ꦫꦁ​ꦒ​ꦥꦿ​ꦮꦶ​ꦫ​ꦱꦼꦤ꧀ꦠꦶ​ꦏ​꧈ ꦥ​ꦔꦺ​ꦫꦤ꧀ꦲ​ꦢꦶ​ꦮꦶ​ꦗ​ꦪ​꧈ ꦥ​ꦔꦺ​ꦫꦤ꧀ꦱꦶ​ꦔ​ꦱ​ꦫꦶ​꧈ ꦥ​ꦔꦺ​ꦫꦤ꧀ꦲ​ꦔ​ꦧꦺꦲꦶ​꧈ ꦭꦤ꧀ꦫ​ꦢꦺꦤ꧀ꦩꦱ꧀ꦱ​ꦲꦶꦢ꧀꧈ ꦱꦼꦤ꧀ꦠ​ꦤ​ꦢ​ꦊꦩ꧀ꦏ​ꦱꦼ​ꦧꦠ꧀ꦒ​ꦣꦃ​ꦮ​ꦢꦾ​ꦧ​ꦭ​ꦥꦶ​ꦪꦩ꧀ꦧꦏ꧀ꦲꦶꦁ​ꦏꦁ​ꦠꦼꦩ꧀ꦠꦸ​ꦤ꧀ꦝꦺ​ꦫꦺꦏ꧀ꦝ​ꦠꦼꦁ​ꦥꦼ​ꦫꦁ​ꦲꦶꦁ​ꦏꦁ​ꦏ​ꦭꦩ꧀ꦥꦃꦲꦤ꧀ꦢꦺ​ꦤꦶꦁ​ꦱꦁ​ꦤ​ꦪ​ꦏ​꧉
ꦥꦿꦗꦸꦫꦶꦠ꧀ꦏꦿꦠꦺꦴꦤ꧀ ꦱꦏ꧀ꦭꦗꦺꦔꦶꦥꦸꦤ꧀

꧋ꦧꦸ​ꦱ​ꦤ​ꦏ​ꦥꦿ​ꦗꦸ​ꦫꦶ​ꦠ꧀ꦠꦤ꧀ꦏ​ꦱꦸꦭ꧀ꦠ​ꦤ꧀ꦤꦤ꧀ꦪꦺꦴ​ꦓꦾꦑꦂꦡ

꧋ꦧꦸ​ꦱ​ꦤ​ꦏ​ꦥꦿ​ꦗꦸ​ꦫꦶ​ꦠ꧀ꦠꦤ꧀ꦱꦩ꧀ꦥꦸꦤ꧀ꦢꦶ​ꦥꦸꦤ꧀ꦱꦸ​ꦩꦼ​ꦉ​ꦥ꧀ꦥꦶꦮꦺꦴꦤ꧀ꦠꦼꦤ꧀ꦲꦶꦁ​ꦱꦸ​ꦗ​ꦫꦃ​ꦏ​ꦱꦸꦭ꧀ꦠ​ꦤ꧀ꦤꦤ꧀ꦪꦺꦴ​ꦓꦾꦑꦂꦡ​ꦤ​ꦭꦶ​ꦏ​ꦥ​ꦔꦺ​ꦫꦤ꧀ꦩꦁ​ꦏꦸ​ꦧꦸ​ꦩꦶ​ꦠ​ꦱꦶꦃ​ꦥꦼ​ꦫꦁ​ꦩꦼꦁ​ꦱꦃ​ꦥ​ꦩ​ꦫꦺꦤ꧀ꦠꦃ​ꦲꦤ꧀ ꧉ꦥ꦳ꦺ꧈ꦎ꧈ꦕꦺ꧉ ꧍ꦏꦸꦩ꧀ꦥꦼ​ꦤꦶ​ꦮ​ꦭꦤ꧀ꦢꦶ​꧍꧉ ꦧꦸ​ꦱ​ꦤ​ꦏ​ꦥꦿ​ꦗꦸ​ꦫꦶ​ꦠ꧀ꦠꦤ꧀ꦥꦸ​ꦤꦶ​ꦏ​ꦭꦗꦼꦁꦒ​ꦣꦃ​ꦲꦶ​ꦲꦺꦴ​ꦮꦃ​ꦲꦺꦴ​ꦮꦃꦲꦤ꧀ꦱ​ꦏꦶꦁ​ꦗ​ꦩꦤ꧀ꦫꦸ​ꦩꦶ​ꦪꦶꦤ꧀ꦢꦸ​ꦩꦸ​ꦒꦶ​ꦱꦩꦼꦤꦶ​ꦏ​ꦲꦶꦁ​ꦏꦁ​ꦢꦶ​ꦥꦸꦤ꧀ꦱꦸ​ꦩꦸ​ꦫꦸꦥ꧀ꦥꦶ​​꧉
ꦥꦿꦗꦸꦫꦶꦠ꧀ꦏꦿꦠꦺꦴꦤ꧀ ꦱꦏ꧀ꦭꦗꦺꦔꦶꦥꦸꦤ꧀

ꦩꦸ​ꦱꦶꦏꦥꦿ​ꦗꦸ​ꦫꦶꦠ꧀ꦏꦿ​ꦠꦺꦴꦤ꧀ꦪꦺꦴ​ꦒꦾ​ꦏꦂ​ꦠ​

꧋ꦏꦺꦴꦂꦥꦼꦱ꧀ꦲꦸ​ꦠ​ꦮꦶ​ꦥ​ꦏꦸꦩ꧀ꦥꦸ​ꦭꦤ꧀ꦩꦸ​ꦱꦶꦏ꧀ꦢ​ꦢꦺꦴꦱ꧀ꦥꦺ​ꦫꦁ​ꦔꦤ꧀ꦲꦶꦁ​ꦏꦁꦧꦺꦴꦠꦼꦤ꧀ꦱꦒꦼꦢ꧀ꦢꦶ​ꦥꦸꦤ꧀ꦥꦶ​ꦱꦃ​ꦱ​ꦏꦶꦁ​ꦧꦽꦒ​ꦢ​ꦥꦿ​ꦗꦸ​ꦫꦶꦠ꧀ꦏꦿ​ꦠꦺꦴꦤ꧀ꦪꦺꦴ​ꦒꦾ​ꦏꦂ​ꦠ​꧉ ꦩꦶ​ꦤꦁ ꦏ​ꦥꦿ​ꦗꦸ​ꦫꦶꦠ꧀ꦥ​ꦔꦶ​ꦫꦶꦢ꧀ꦲꦸ​ꦥ​ꦕ​ꦫ​꧈ ꦩꦸ​ꦱꦶꦏ꧀ꦥꦿ​ꦗꦸ​ꦫꦶꦠ꧀ꦏꦿ​ꦠꦺꦴꦤ꧀ꦲꦁ​ꦒ​ꦝꦃ​ꦲꦶ​ꦱꦼꦱꦶꦉꦥ꧀ꦲꦶꦁ​ꦏꦁ​ꦩ꧀ꦭꦶ​ꦒꦶ​꧉ ꦩꦸ​ꦱꦶꦏ꧀ꦥꦿ​ꦗꦸ​ꦫꦶꦠ꧀ꦲꦶꦁ​ꦏꦁ​ꦢ​ꦢꦺꦴꦱ꧀ꦠꦺꦴꦤ꧀ꦠꦺꦴ​ꦤ꧀ꦤꦤ꧀ꦧꦸ​ꦢ​ꦪ​ꦲꦸ​ꦒꦶ​ꦢ​ꦢꦺꦴꦱ꧀ꦏꦺꦴ​ꦱ​ꦤꦶꦁ​ꦩꦸ​ꦱꦶꦏ꧀ꦠ꧀ꦭ​ꦠꦃ​ꦝꦲꦺ​ꦫꦃ​ꦏꦁ​ꦲ​ꦱꦸꦁ​ꦮꦼꦂꦤꦶ​ꦝꦠꦼꦁꦧꦸ​ꦢ​ꦪ​ꦗ​ꦮ꧉ꦩꦸ​ꦱꦶꦏ꧀ꦲꦶꦁ​ꦏꦁ​ꦢꦶ​ꦥꦸꦤ꧀ꦲꦸꦔꦼ​ꦭ꧀ꦭꦏꦼꦤ꧀ꦥꦸ​ꦤꦶ​ꦏ​ꦒ​ꦝꦃ​ꦕ​ꦫꦶ​ꦪꦺꦴꦱ꧀ꦲꦶꦁ​ꦗ​ꦩꦤ꧀ꦏ​ꦥꦸꦁ​ꦏꦸꦂ​꧈ꦤ​ꦭꦶ​ꦏ​ꦤꦶꦁꦧꦽ​ꦒ​ꦢ​ꦥꦿ​ꦗꦸ​ꦫꦶꦠ꧀ꦏꦿ​ꦠꦺꦴꦤ꧀ꦪꦺꦴ​ꦒꦾ​ꦏꦂ​ꦠ​ꦠꦏ꧀ꦱꦶꦃ​ꦢ​ꦢꦺꦴꦱ꧀ꦥꦿ​ꦗꦸ​ꦫꦶꦠ꧀ꦲꦶꦁ​ꦏꦁ​ꦢꦶ​ꦥꦸ​ꦤ꧀ꦲꦤ꧀ꦢꦼꦭ꧀ꦗ​ꦒꦶ​ꦏꦿ​ꦠꦺꦴꦤ꧀꧉
ꦥꦿꦗꦸꦫꦶꦠ꧀ꦏꦿꦠꦺꦴꦤ꧀ ꦱꦏ꧀ꦭꦗꦺꦔꦶꦥꦸꦤ꧀