ꦩꦏꦩ꧀ꦲꦶꦩꦒꦶꦫꦶ ꦥꦱꦫꦺꦪꦤ꧀ꦤꦶꦁꦥꦫꦫꦗꦩꦠꦫꦩ꧀
ꦩꦏꦩ꧀ꦲꦶꦩꦒꦶꦫꦶ ꦥꦱꦫꦺꦪꦤ꧀ꦤꦶꦁꦥꦫꦫꦗꦩꦠꦫꦩ꧀
꧋ꦩꦏꦩ꧀ꦲꦶꦩꦒꦶꦫꦶꦲꦸꦠꦮꦶꦥꦱꦫꦺꦪꦤ꧀ꦲꦶꦩꦒꦶꦫꦶꦲꦶꦁꦒꦶꦃꦥꦸꦤꦶꦏꦥꦥꦤ꧀ꦥꦱꦫꦺꦪꦤ꧀ꦤꦶꦁꦥꦫꦫꦗꦩꦠꦫꦩ꧀ꦏꦭꦮꦤ꧀ꦱꦼꦤ꧀ꦠꦤꦢꦊꦩ꧀꧈ ꦏꦺꦴꦩ꧀ꦥ꧀ꦭꦺꦏ꧀ꦥꦱꦫꦺꦪꦤ꧀ꦥꦸꦤꦶꦏꦢꦸꦩꦸꦤꦸꦁꦏꦶꦫꦁꦭꦁꦏꦸꦁ ꧇꧑꧖꧇ ꧉ꦏ꧈ꦌꦩ꧀꧉ ꦮꦺꦴꦤ꧀ꦠꦼꦤ꧀ꦱꦶꦱꦶꦃꦏꦶꦢꦸꦭ꧀ꦏꦫꦠꦺꦴꦤ꧀ꦪꦺꦴꦒꦾꦏꦂꦠ ꦥꦚ꧀ꦕꦼꦂꦫꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦮꦼꦮꦼꦁꦏꦺꦴꦤ꧀ꦢꦺꦱꦒꦶꦫꦶꦉꦗꦭꦤ꧀ꦢꦺꦱꦮꦸꦏꦶꦂꦱꦫꦶ ꦏꦥꦤꦺꦮꦺꦴꦤ꧀ꦲꦶꦩꦒꦶꦫꦶ ꦏꦧꦸꦥꦠꦺꦤ꧀ꦧꦤ꧀ꦠꦸꦭ꧀ ꦣꦲꦺꦫꦃꦲꦶꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧈ ꦲꦶꦩꦒꦶꦫꦶꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦲꦶꦩꦭꦤ꧀ꦒꦶꦫꦶ꧈ ꦲꦶꦩꦲꦠꦼꦒꦼꦱ꧀ꦥꦼꦣꦸꦠ꧀ꦭꦤ꧀ꦒꦶꦫꦶꦲꦠꦼꦒꦼꦱ꧀ꦒꦸꦤꦸꦁ ꦱꦲꦺꦁꦒꦲꦶꦩꦒꦶꦫꦶꦱꦒꦼꦢ꧀ꦢꦶꦥꦸꦤ꧀ꦮꦼꦂꦢꦺꦤꦶꦩꦶꦤꦁꦏꦒꦸꦤꦸꦁꦲꦶꦁꦏꦁꦏꦭꦶꦩ꧀ꦥꦸꦠ꧀ꦠꦤ꧀ꦥꦼꦣꦸꦠ꧀꧈
꧋ꦲꦁꦏꦃꦲꦶꦁꦥꦩꦶꦭꦶꦃꦲꦤ꧀ꦤꦶꦥꦸꦤ꧀ꦒꦸꦤꦸꦁꦥꦸꦤꦶꦏꦩꦶꦤꦁꦏꦢꦸꦤꦸꦁꦔꦶꦁꦥꦱꦫꦺꦪꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦏꦲꦸꦮꦭ꧀ꦭꦏꦼꦤ꧀ꦱꦏꦶꦁꦏꦺꦴꦤ꧀ꦱꦺꦥ꧀ꦩꦱꦫꦏꦠ꧀ꦗꦮꦤꦭꦶꦏꦱꦢꦺꦫꦺꦁꦔꦶꦥꦸꦤ꧀ꦲꦶꦤ꧀ꦝꦸꦲꦶꦁꦏꦁꦒꦣꦃꦥꦚꦼꦁꦒꦸꦃꦣꦠꦼꦁꦒꦸꦤꦸꦁꦲꦸꦠꦮꦶꦥꦁꦒꦺꦤ꧀ꦤꦤ꧀ꦲꦶꦁꦒꦶꦭ꧀ꦩꦶꦤꦁꦏꦥꦥꦤ꧀ꦲꦶꦁꦏꦁꦮꦶꦔꦶꦠ꧀ꦱꦂꦠꦢꦢꦺꦴꦱ꧀ꦢꦸꦤꦸꦁꦔꦶꦥꦸꦤ꧀ꦥꦫꦊꦭꦸꦲꦸꦂ꧈ ꦢꦺꦤꦺ ꦲꦁꦏꦃꦲꦶꦁꦥꦩꦶꦭꦶꦃꦲꦤ꧀ꦲꦶꦁꦥꦥꦤ꧀ꦲꦶꦁꦒꦶꦭ꧀ꦲꦸꦒꦶꦢꦢꦺꦴꦱ꧀ꦱꦠꦸꦁꦒꦭ꧀ꦭꦶꦁꦮꦸꦗꦸꦢ꧀ꦢꦶꦥꦸꦤ꧀ꦏꦥꦶꦠꦪꦤ꧀ꦩꦱꦫꦏꦠ꧀ꦲꦶꦤ꧀ꦝꦸꦲꦶꦁꦏꦁꦲꦔꦁꦒꦼꦥ꧀ꦱꦁꦱꦪꦲꦶꦁꦒꦶꦭ꧀ꦥꦥꦤ꧀ꦤꦶꦁꦥꦱꦫꦺꦪꦤ꧀ ꦩꦶꦭꦱꦁꦱꦪꦲꦶꦁꦒꦶꦭ꧀ꦲꦸꦒꦶꦢꦿꦗꦠ꧀ꦠꦶꦁꦏꦩꦸꦭꦾꦤ꧀ꦤꦶꦥꦸꦤ꧀꧈
꧋ꦥꦱꦫꦺꦪꦤ꧀ꦲꦶꦩꦒꦶꦫꦶꦢꦶꦥꦸꦤ꧀ꦪꦱꦫꦶꦏꦭꦠꦲꦸꦤ꧀ ꧇꧑꧖꧓꧒꧇ ꦱꦊꦧꦼꦠ꧀ꦠꦶꦁꦥꦩꦫꦺꦤ꧀ꦠꦃꦲꦤ꧀ꦱꦸꦭ꧀ꦠꦤ꧀ꦲꦒꦸꦁꦲꦚꦏꦿꦏꦸꦱꦸꦩ꧌ ꧇꧑꧖꧑꧓꧇ ꦢꦸꦩꦸꦒꦶ ꧇꧑꧖꧔꧕꧇ ꧍꧈ ꦥꦩ꧀ꦧꦔꦸꦤ꧀ꦤꦤ꧀ꦏꦺꦴꦩ꧀ꦥ꧀ꦭꦺꦏ꧀ꦥꦱꦫꦺꦪꦤ꧀ꦢꦶꦥꦸꦤ꧀ꦥꦤ꧀ꦝꦺꦒꦤꦶꦢꦺꦤꦶꦁꦏꦾꦲꦶꦠꦸꦩꦼꦁꦒꦸꦁꦕꦶꦠꦿꦏꦸꦱꦸꦩ꧈ ꦉꦫꦏꦶꦠ꧀ꦠꦶꦁꦮꦼꦮꦔꦸꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦒꦺꦴꦭꦺꦴꦁꦒꦸꦩꦼꦊꦁꦔꦶꦁꦧꦸꦢꦪꦲꦤ꧀ꦠꦮꦶꦱ꧀ꦱꦶꦁꦲꦶꦤ꧀ꦝꦸꦭꦤ꧀ꦲꦶꦱ꧀ꦭꦩ꧀꧈ ꦧꦤꦺꦴꦤ꧀ꦲꦧꦿꦶꦠ꧀ꦲꦶꦁꦏꦁꦔꦏꦛꦃꦮꦺꦴꦤ꧀ꦠꦼꦤ꧀ꦮꦼꦮꦼꦁꦏꦺꦴꦤ꧀ꦥꦱꦫꦺꦪꦤ꧀ꦧꦒꦺꦪꦤ꧀ꦲꦶꦁꦒꦶꦭ꧀ꦲꦶꦁꦒꦶꦃꦩꦶꦤꦁꦏꦠꦶꦠꦶꦏ꧀ꦏꦤ꧀ꦲꦸꦠꦩꦶꦉꦫꦏꦶꦠ꧀ꦠꦶꦁꦮꦼꦮꦔꦸꦤ꧀ꦤꦤ꧀ꦲꦶꦱ꧀ꦭꦩ꧀ꦗꦮꦲꦸꦠꦮꦶꦉꦫꦏꦶꦠ꧀ꦠꦶꦁꦮꦼꦮꦔꦸꦤ꧀ꦤꦤ꧀ꦲꦶꦱ꧀ꦭꦩ꧀ꦲꦶꦤ꧀ꦝꦸꦤꦭꦶꦏꦲꦧꦢ꧀ꦏꦥꦶꦁ ꧇꧑꧗꧇ ꧉
꧋ꦧꦤꦺꦴꦤ꧀ꦧꦤꦺꦴꦤ꧀ꦲꦶꦁꦏꦁꦲꦤꦠꦲꦢꦼꦒ꧀ꦒꦶꦥꦸꦤ꧀ꦥꦱꦫꦺꦪꦤ꧀ꦲꦶꦩꦒꦶꦫꦶꦧꦺꦴꦠꦼꦤ꧀ꦏꦫꦏꦼꦠ꧀ꦠꦏꦼꦤ꧀ꦩꦮꦶꦱ꧀ꦥꦺꦱꦶꦲꦶꦁꦏꦁꦩ꧀ꦭꦶꦒꦶꦏꦢꦺꦴꦱ꧀ꦱꦼꦩꦺꦤ꧀꧈ ꦏꦢꦸꦒꦧꦤꦺꦴꦤ꧀ꦧꦤꦺꦴꦤ꧀ꦥꦸꦤꦶꦏꦏꦠꦠꦏꦤ꧀ꦛꦶꦠꦠꦏꦺꦴꦱꦺꦴꦢ꧀꧈ ꦭꦸꦩꦃꦲꦶꦁꦧꦤꦺꦴꦤ꧀ꦲꦶꦁꦏꦁꦱꦠꦸꦁꦒꦭ꧀ꦢꦶꦥꦸꦤ꧀ꦏꦺꦴꦱꦺꦴꦏ꧀ꦔꦁꦒꦺꦭꦸꦩꦃꦲꦶꦁꦧꦤꦺꦴꦤ꧀ꦲꦶꦁꦏꦁꦱꦤꦺꦱ꧀ꦩꦮꦶꦢꦶꦥꦸꦤ꧀ꦱꦸꦏꦤꦶꦱꦏꦼꦣꦶꦏ꧀ꦠꦺꦴꦪꦔꦤ꧀ꦠꦺꦴꦱ꧀ꦩꦼꦢꦭ꧀ꦱꦮꦂꦤꦶꦠꦶꦂꦠꦭꦶꦤ꧀ꦠꦽꦒ꧀꧈ ꦠꦶꦂꦠꦭꦶꦤ꧀ꦠꦽꦒ꧀ꦥꦸꦤꦶꦏꦭꦗꦼꦁꦲꦶꦁꦏꦁꦲꦔꦿꦏꦼꦠ꧀ꦠꦏꦼꦤ꧀ꦱꦠꦸꦁꦒꦭ꧀ꦧꦤꦺꦴꦤ꧀ꦏꦭꦶꦪꦤ꧀ꦧꦤꦺꦴꦤ꧀ꦱꦤꦺꦱ꧀ꦱꦶꦥꦸꦤ꧀꧈ ꦠꦠꦥꦸꦤꦶꦏꦱꦒꦼꦢ꧀ꦢꦶꦥꦸꦤ꧀ꦲꦁꦒꦺꦲꦮꦶꦠ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦮꦺꦴꦮꦺꦴꦂꦫꦤ꧀ꦩ꧀ꦭꦶꦒꦶꦲꦶꦁꦧꦤꦺꦴꦤ꧀ꦲꦶꦁꦮꦚ꧀ꦕꦶꦥꦸꦤꦶꦏꦲꦶꦁꦏꦁꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦧꦤꦺꦴꦤ꧀ꦱꦥꦸꦤꦶꦏ꧉
꧋ꦥꦥꦤ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦔꦶꦁꦒꦶꦭ꧀ꦭꦶꦁꦒꦸꦤꦸꦁꦢꦢꦺꦴꦱ꧀ꦱꦏꦼꦤ꧀ꦩꦂꦒꦶꦣꦠꦼꦁꦥꦱꦫꦺꦪꦤ꧀ꦲꦶꦩꦒꦶꦫꦶꦒꦝꦃꦲꦠꦸꦱ꧀ꦱꦤ꧀ꦲꦶꦤ꧀ꦝꦏ꧀ꦲꦶꦤ꧀ꦝꦏ꧀ꦏꦤ꧀꧈ ꦲꦶꦤ꧀ꦝꦏ꧀ꦲꦶꦤ꧀ꦝꦏ꧀ꦏꦤ꧀ꦥꦸꦤꦶꦏꦏꦢꦩꦼꦭ꧀ꦕꦼꦏꦏ꧀ ꦧꦺꦴꦏ꧀ꦧꦶꦭꦶꦃꦏꦁꦒꦺꦢꦩꦼꦭ꧀ꦒꦩ꧀ꦥꦶꦭ꧀ꦥꦫꦗꦶꦪꦫꦃꦲꦶꦁꦏꦁꦔꦿꦱꦸꦏ꧀ꦧꦸꦱꦤꦲꦢꦠ꧀꧈ ꦥꦠꦿꦥ꧀ꦥꦿꦠꦶꦏꦼꦭ꧀ꦲꦁꦒꦺꦤ꧀ꦤꦶꦥꦸꦤ꧀ꦔꦿꦱꦸꦏ꧀ꦧꦸꦱꦤꦲꦢꦠ꧀ꦥꦸꦤꦶꦏꦔꦤ꧀ꦠꦺꦴꦱ꧀ꦱꦥꦸꦤꦶꦏꦠꦏ꧀ꦱꦶꦃꦏꦊꦏ꧀ꦱꦤꦤ꧀ꦮꦺꦴꦤ꧀ꦠꦼꦤ꧀ꦱꦮꦠꦮꦶꦱ꧀ꦥꦁꦒꦺꦤ꧀ꦤꦤ꧀ꦠꦂꦠꦩ꧀ꦠꦸ꧉
꧋ꦒꦫꦶꦱ꧀ꦱꦶꦁꦲꦶꦤ꧀ꦝꦏ꧀ꦲꦶꦤ꧀ꦝꦏ꧀ꦏꦤ꧀ꦏꦭꦮꦤ꧀ꦲꦢꦼꦒ꧀ꦒꦶꦥꦸꦤ꧀ꦲꦤ꧀ꦠꦮꦶꦱ꧀ꦱꦶꦁꦒꦥꦸꦫꦠꦸꦩꦸꦗꦸꦥꦱꦫꦺꦪꦤ꧀ ꦱꦏꦶꦁꦔꦤ꧀ꦝꦥ꧀ꦢꦸꦩꦸꦒꦶꦔꦶꦁꦒꦶꦭ꧀ ꦢꦩꦼꦭ꧀ꦱꦮꦂꦤꦶꦒꦫꦶꦱ꧀ꦭꦸꦫꦸꦱ꧀꧈ ꦒꦥꦸꦫꦒꦥꦸꦫꦥꦸꦤꦶꦏꦢꦢꦺꦴꦱ꧀ꦮꦠꦼꦱ꧀ꦱꦶꦁꦮꦼꦮꦼꦁꦏꦺꦴꦤ꧀ꦠꦸꦩꦿꦥ꧀ꦥꦥꦤ꧀ꦥꦥꦤ꧀ꦱꦊꦧꦼꦠ꧀ꦠꦶꦁꦥꦱꦫꦺꦪꦤ꧀꧈
꧋ꦥꦥꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦱꦥꦶꦱꦤ꧀ꦲꦶꦁꦒꦶꦃꦥꦸꦤꦶꦏꦭꦺꦴꦮꦃꦲꦤ꧀ꦲꦸꦩꦸꦩ꧀ꦲꦶꦁꦏꦁꦢꦶꦥꦸꦤ꧀ꦠꦼꦔꦼꦂꦫꦶꦏꦤ꧀ꦛꦶꦒꦥꦸꦫꦱꦸꦥꦶꦠ꧀ꦲꦸꦫꦁꦩꦶꦤꦁꦏꦩꦂꦒꦶꦣꦠꦼꦁꦊꦧꦼꦠ꧀ꦠꦸꦩꦸꦗꦸꦏꦺꦴꦩ꧀ꦥ꧀ꦭꦺꦏ꧀ꦏꦱꦸꦭ꧀ꦠꦤ꧀ꦲꦒꦸꦁꦔꦤ꧀꧈ ꦥꦥꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦏꦥꦶꦁꦏꦭꦶꦃꦲꦶꦁꦒꦶꦃꦥꦸꦤꦶꦏꦥꦁꦒꦺꦤ꧀ꦤꦤ꧀ꦫꦢꦶꦮꦶꦔꦶꦠ꧀ꦏꦮꦱ꧀ꦠꦤ꧀ꦤꦤ꧀ꦱꦿꦶꦩꦔꦤ꧀ꦠꦶꦲꦶꦁꦏꦁꦢꦶꦥꦸꦤ꧀ꦠꦼꦔꦼꦂꦫꦶꦏꦤ꧀ꦛꦶꦒꦥꦸꦫꦥꦢꦸꦫꦏ꧀ꦱ꧈ ꦱꦤꦺꦱ꧀ꦏꦭꦶꦪꦤ꧀ꦒꦥꦸꦫꦱꦸꦥꦶꦠ꧀ꦲꦸꦫꦁ ꦒꦥꦸꦫꦥꦢꦸꦫꦏ꧀ꦱꦒꦣꦃꦲꦶꦥꦪꦺꦴꦤ꧀꧈ ꦱꦢꦪꦒꦥꦸꦫꦥꦢꦸꦫꦏ꧀ꦱꦲꦶꦁꦥꦱꦫꦺꦪꦤ꧀ꦲꦶꦩꦒꦶꦫꦶꦒꦣꦃꦲꦶꦏꦺꦴꦫꦶꦲꦶꦁꦏꦁꦱꦒꦼꦢ꧀ꦧꦶꦤꦸꦏꦠꦸꦠꦸꦥ꧀ꦭꦤ꧀ꦉꦉꦁꦒꦤ꧀ꦲꦮꦸꦗꦸꦢ꧀ꦭꦂꦲꦶꦁꦏꦼꦏꦭꦶꦃꦱꦶꦱꦶꦃꦲꦶꦥꦸꦤ꧀꧈ ꦉꦉꦁꦒꦤ꧀ꦲꦮꦸꦗꦸꦢ꧀ꦭꦂꦥꦸꦤꦶꦏꦩꦿꦭꦩ꧀ꦧꦁꦔꦏꦼꦤ꧀ꦭꦂꦫꦶꦁꦥꦼꦏ꧀ꦱꦶꦲꦶꦁꦏꦁꦢꦢꦺꦴꦱ꧀ꦭꦩ꧀ꦧꦁꦩꦂꦢꦶꦏꦤꦶꦁꦥꦼꦏ꧀ꦱꦶꦱꦏꦶꦁꦱꦁꦏꦂꦫꦶꦥꦸꦤ꧀꧈ ꦱꦮꦶꦗꦶꦤꦶꦁꦥ꦳ꦶꦭꦺꦴꦱꦺꦴꦥ꦳ꦶꦗꦮꦲꦁꦒꦺꦤ꧀ꦤꦶꦥꦸꦤ꧀ꦩꦼꦂꦢꦺꦤꦶꦱꦸꦏ꧀ꦩꦲꦶꦁꦏꦁꦲꦺꦮꦭ꧀ꦱꦏꦶꦁꦱꦫꦶꦫ꧈ ꦱꦔꦶꦁꦒꦶꦭ꧀ꦭꦶꦁꦥꦁꦒꦺꦤ꧀ꦤꦤ꧀ꦫꦢꦶꦮꦶꦔꦶꦠ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦥꦁꦒꦺꦤ꧀ꦤꦤ꧀ꦮꦶꦔꦶꦠ꧀ꦱꦔꦼꦠ꧀ꦲꦶꦁꦏꦁꦏꦮꦱ꧀ꦠꦤ꧀ꦤꦤ꧀ꦏꦼꦣꦠꦺꦴꦤ꧀꧈ ꦮꦺꦴꦤ꧀ꦠꦼꦤ꧀ꦥꦁꦒꦺꦤ꧀ꦤꦤ꧀ꦮꦶꦔꦶꦠ꧀ꦲꦸꦒꦶꦫꦢꦶꦮꦶꦔꦶꦠ꧀ꦥꦸꦤꦶꦏꦲꦶꦁꦒꦶꦃꦢꦸꦤꦸꦁꦔꦶꦁꦥꦱꦫꦺꦪꦤ꧀ꦥꦫꦫꦗꦱꦂꦠꦱꦼꦤ꧀ꦠꦤꦢꦊꦩ꧀ꦩꦶꦥꦸꦤ꧀꧈
꧋ꦫꦗꦲꦶꦁꦏꦁꦏꦥꦶꦱꦤ꧀ꦢꦶꦥꦸꦤ꧀ꦱꦫꦺꦏ꧀ꦏꦏꦼꦤ꧀ꦲꦶꦁꦥꦱꦫꦺꦪꦤ꧀ꦲꦶꦩꦒꦶꦫꦶꦲꦶꦁꦒꦶꦃꦥꦸꦤꦶꦏꦱꦸꦭ꧀ꦠꦤ꧀ꦲꦒꦸꦁꦲꦚꦏꦿꦏꦸꦱꦸꦩ꧈ ꦥꦱꦫꦺꦪꦤ꧀ꦥꦸꦤꦶꦏꦭꦗꦼꦁꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ꦢꦺꦤꦶꦁꦥꦫꦫꦗꦱꦱꦩ꧀ꦥꦸꦤ꧀ꦤꦶꦥꦸꦤ꧀ ꦮꦸꦱ꧀ꦢꦺꦤ꧀ꦠꦼꦤ꧀ꦔꦤ꧀ꦠꦺꦴꦱ꧀ꦫꦶꦏꦭꦏꦫꦠꦺꦴꦤ꧀ꦩꦠꦫꦩ꧀ꦢꦶꦥꦸꦤ꧀ꦥꦭꦶꦃꦢꦢꦺꦴꦱ꧀ꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠꦭꦤ꧀ꦏꦱꦸꦤꦤ꧀ꦤꦤ꧀ꦱꦸꦫꦏꦂꦠ ꦥꦭꦶꦃꦲꦤ꧀ꦏꦫꦠꦺꦴꦤ꧀ꦥꦸꦤꦶꦏꦭꦗꦼꦁꦠꦸꦩꦸꦠ꧀ꦲꦥꦭꦶꦃꦮꦼꦮꦼꦁꦏꦺꦴꦤ꧀ꦤꦶꦁꦥꦱꦫꦺꦪꦤ꧀꧈
꧋ꦱꦏ꧀ꦥꦸꦤꦶꦏꦥꦱꦫꦺꦪꦤ꧀ꦲꦶꦩꦒꦶꦫꦶꦏꦱꦸꦱꦸꦤ꧀ꦱꦏꦶꦁꦱꦮꦠꦮꦶꦱ꧀ꦏꦺꦴꦩ꧀ꦥ꧀ꦭꦺꦏ꧀ꦲꦒꦼꦁ ꦲꦶꦁꦒꦶꦃꦥꦸꦤꦶꦏꦏꦱꦸꦭ꧀ꦠꦤ꧀ꦲꦒꦸꦁꦔꦤ꧀ ꦥꦏꦸꦧꦸꦮꦤꦤ꧀ ꦏꦱꦸꦤꦤ꧀ꦤꦤ꧀ꦱꦸꦫꦏꦂꦠ ꦱꦂꦠꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠ꧈ ꦲꦶꦁꦱꦊꦧꦼꦠ꧀ꦠꦶꦁꦏꦺꦴꦩ꧀ꦥ꧀ꦭꦺꦏ꧀ꦥꦱꦫꦺꦪꦤ꧀ꦥꦫꦫꦗꦏꦱꦸꦭ꧀ꦠꦤ꧀ꦤꦤ꧀ꦪꦺꦴꦒꦾꦏꦂꦠ ꦮꦺꦴꦤ꧀ꦠꦼꦤ꧀ꦠꦶꦒꦲꦱ꧀ꦠꦤꦲꦸꦠꦮꦶꦏꦼꦣꦠꦺꦴꦤ꧀ꦩꦶꦤꦁꦏꦭꦺꦴꦮꦃꦲꦤ꧀ꦲꦶꦤ꧀ꦠꦶꦥꦱꦫꦺꦪꦤ꧀ꦱꦸꦭ꧀ꦠꦤ꧀ ꦲꦶꦁꦒꦶꦃꦥꦸꦤꦶꦏ꧇
꧋ ꧇꧑꧇ ꧉ ꦏꦼꦣꦠꦺꦴꦤ꧀ꦏꦱꦸꦮꦂꦒꦤ꧀ ꦩꦶꦤꦁꦏꦥꦱꦫꦺꦪꦤ꧀ꦤꦶꦁꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧑꧇ꦱꦂꦠꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧓꧇꧉
꧋ ꧇꧒꧇ ꧉ ꦏꦼꦣꦠꦺꦴꦤ꧀ꦧꦼꦱꦶꦪꦂꦫꦤ꧀ ꦩꦶꦤꦁꦏꦥꦱꦫꦺꦪꦤ꧀ꦤꦶꦁꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧔꧇꧈ ꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧕꧇꧈ ꦱꦂꦠꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧖꧇꧉
꧋ ꧇꧓꧇ ꧉ ꦏꦼꦣꦠꦺꦴꦤ꧀ꦱꦥ꧀ꦠꦉꦁꦒ ꦩꦶꦤꦁꦏꦥꦱꦫꦺꦪꦤ꧀ꦤꦶꦁꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧗꧇꧈ ꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧘꧇꧈ ꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧙꧇꧉
꧋ꦮꦸꦱ꧀ꦢꦺꦤ꧀ꦠꦼꦤ꧀ ꦱꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧒꧇ꦲꦶꦁꦏꦁꦱꦸꦫꦸꦢ꧀ꦫꦶꦏꦭꦠꦲꦸꦤ꧀ ꧇꧑꧘꧒꧘꧇ ꦢꦶꦥꦸꦤ꧀ꦱꦫꦺꦏ꧀ꦏꦏꦼꦤ꧀ꦲꦶꦁꦏꦺꦴꦩ꧀ꦥ꧀ꦭꦺꦏ꧀ꦥꦱꦫꦺꦪꦤ꧀ꦫꦗꦫꦗꦩꦠꦫꦩ꧀ꦏꦺꦴꦠꦒꦼꦣꦺ꧉
꧋ꦲꦶꦤꦠꦸꦱ꧀ꦲꦠꦸꦱ꧀ꦠꦲꦸꦤ꧀ꦩꦢꦼꦒ꧀ꦲꦶꦁꦥꦸꦚ꧀ꦕꦏ꧀ꦏꦶꦁꦮꦸꦏꦶꦂ ꦥꦱꦫꦺꦪꦤ꧀ꦲꦶꦩꦒꦶꦫꦶꦢꦢꦺꦴꦱ꧀ꦱꦼꦏ꧀ꦱꦶꦤꦶꦁꦗꦪꦏꦮꦶꦗꦪꦤ꧀ꦲꦸꦒꦶꦲꦺꦮꦃꦒꦶꦁꦱꦶꦂꦫꦶꦁꦩꦠꦫꦩ꧀ꦏꦭꦮꦤ꧀ꦏꦫꦠꦺꦴꦤ꧀ꦏꦫꦠꦺꦴꦤ꧀ꦲꦶꦁꦏꦁꦲꦔ꧀ꦭꦗꦼꦁꦔꦶ꧈ ꦱꦤꦗꦤ꧀ꦏꦶꦛꦥꦿꦗꦏꦫꦠꦺꦴꦤ꧀ꦏꦛꦃꦲꦁꦒꦺꦤ꧀ꦤꦶꦥꦸꦤ꧀ꦥꦶꦤ꧀ꦝꦃꦲꦸꦒꦶꦠꦸꦮꦶꦤ꧀ꦏꦫꦠꦺꦴꦤ꧀ꦏꦥꦭꦶꦃ ꦥꦫꦫꦗꦲꦶꦁꦗꦩꦤ꧀ꦏꦶꦤꦮꦲꦸꦏꦼꦏꦃꦏꦺꦴꦤ꧀ꦢꦸꦂꦣꦠꦼꦁꦱꦠꦸꦁꦒꦭ꧀ꦥꦥꦤ꧀ꦥꦱꦫꦺꦪꦤ꧀ꦲꦶꦁꦏꦁꦱꦩꦶ꧈ ꦗꦪꦏꦮꦶꦗꦪꦤ꧀ ꦮꦫꦶꦱ꧀ꦱꦤ꧀ꦲꦶꦁꦏꦁꦮꦶꦕꦏ꧀ꦱꦤ ꦱꦂꦠꦕꦫꦶꦪꦺꦴꦱ꧀ꦱꦶꦁꦊꦭꦧꦸꦃꦲꦤ꧀ꦥꦫꦥꦚ꧀ꦗꦼꦤꦼꦔꦤ꧀ꦤꦶꦥꦸꦤ꧀ꦲꦶꦤꦸꦏꦶꦂꦭꦁꦒꦼꦁꦲꦶꦁꦥꦸꦚ꧀ꦕꦏ꧀ꦏꦶꦁꦲꦶꦩꦒꦶꦫꦶ꧉
Makam Imagiri, Pasareyaning Para Raja Mataram
Makam himagiri hutawi pasareyan himagiri hiŋgiḥ punika papan pasareyanniŋ para raja mataram kalawan sěntana daḷěm. Komplek pasareyan punika dumunuŋ kiraŋ laŋkuŋ 16 km wontěn sisiḥ kidul karaton yogỿakaṙta pañcěṙripun wontěn wěwěŋkon desa giriṛěja lan desa wukiṙsari kapanewon himagiri kabupaten bantul ḍaheraḥ histimewa yogỿakaṙta. Himagiri saŋkannipun sakiŋ těmbuŋ hima lan giri. Hima hatěgěs pěḍut lan giri hatěgěs gunuŋ saheŋga himagiri sagěd dipunwěṙdeni minaŋka gunuŋ hiŋkaŋ kalimputtan pěḍut.
Haŋkaḥhiŋ pamiliḥhannipun gunuŋ punika minaŋka dunuŋṅiŋ pasareyan botěn sagěd kahuwallakěn sakiŋ konsep masarakat jawa nalika sadereŋṅipun hinḍu hiŋkaŋ gaḍaḥ pañěŋguḥ ḍatěŋ gunuŋ hutawi paŋgennan hiŋgil minaŋka papan hiŋkaŋ wiṅit saṙta dados dunuŋṅipun para ḷěluhuṙ. Dene haŋkaḥhiŋ pamiliḥhan hiŋ papan hiŋgil hugi dados satuŋgalliŋ wujuddipun kapitayan masarakat hinḍu hiŋkaŋ haṅaŋgěp saŋsaya hiŋgil papanniŋ pasareyan, mila saŋsaya hiŋgil hugi dŕajattiŋ kamulỿannipun.
Pasareyan himagiri dipunyasa rikala tahun 1632 saḷěběttiŋ pamarentaḥhan sultan haguŋ hañakŕakusuma (1613 dumugi 1645). Pambaṅunnan komplek pasareyan dipunpanḍegani deniŋ kỿahi tuměŋguŋ citŕakusuma. ṛerakittiŋ wěwaṅunnannipun hiŋgiḥ punika goloŋ guměḷěŋṅiŋ budaya hantawissiŋ hinḍu lan hislam. Banon habŕit hiŋkaŋ ṅakaṭaḥ wontěn wěwěŋkon pasareyan bageyan hiŋgil hiŋgiḥ minaŋka titikkan hutawi ṛěrakittiŋ wěwaṅunnan hislam jawa hutawi ṛěrakittiŋ wěwaṅunnan hislam hinḍu nalika habad kapiŋ 17.
Banon banon hiŋkaŋ hanata haděggipun pasareyan himagiri botěn sagěd karakittakěn mawi spesi hiŋkaŋ mligi kados sěmen. Kaduga banon banon punika katata kanṭi tata kosod. Lumaḥhiŋ banon hiŋkaŋ satuŋgal dipunkosok ṅaŋge lumaḥhiŋ banon hiŋkaŋ sanes mawi dipunsukani sakěḍik toya ṅantos mědal sawaṙni tiṙta lintŕěg. Tiṙta lintŕěg punika lajěŋ hiŋkaŋ haṅŕakěttakěn satuŋgal banon kaliyan banon sanessipun. Tata punika sagěd dipunhaŋge hawit wontěnnipun wowoṙran mligi hiŋ banon hiŋ wañci punika hiŋkaŋ sampun botěn wontěn hiŋ banon sakpunika.
Papan hiŋkaŋ wontěn hiŋ ṅiŋgilliŋ gunuŋ ñukani maṙgi ḍatěŋ pasareyan himagiri hiŋkaŋ gaḍaḥhi hatussan hinḍak hinḍakkan. Hinḍak hinḍakkan punika kadaměl cěkak bok biliḥ kaŋge daměl gampil para jiyaraḥ hiŋkaŋ ṅŕasuk busana hadat. Patŕap pŕatikěl haŋgennipun ṅŕasuk busana hadat punika ṅantos sakpunika taksiḥ kaḷěksanan wontěn sawatawis paŋgennan taṙtamtu.
Garissiŋ hinḍak hinḍakkan kalawan haděggipun hantawissiŋ gapura tumuju pasareyan sakiŋ ṅanḍap dumugi ṅiŋgil daměl sawaṙni garis lurus. Gapura gapura punika dados watěssiŋ wěwěŋkon tumŕap papan papan saḷěběttiŋ pasareyan.
Papan paŋgennan hiŋkaŋ sěpisan hiŋgiḥ punika lowaḥhan humum hiŋkaŋ dipuntěṅěṛri kanṭi gapura supit huraŋ minaŋka maṙgi ḍatěŋ ḷěběṭ tumuju komplek kasultanhaguŋṅan. Papan paŋgennan hiŋkaŋ kapiŋ kaliḥ hiŋgiḥ punika paŋgennan ragi wiṅit kawastannan sŕi maṅanti hiŋkaŋ dipuntěṅěṙri kanṭi gapura paduraksa. Sanes kaliyan gapura supit huraŋ gapura paduraksa gaḍaḥhi payon. Sadaya gapura paduraksa hiŋ pasareyan himagiri gaḍaḥhi kori hiŋkaŋ sagěd binuka tutup lan ṛěṛěŋgan hawujud laṙ hiŋ kěkaliḥ sisiḥhipun. ṛěṛěŋgan hawujud laṙ punika mŕalambaŋṅakěn laŕriŋ pěksi hiŋkaŋ dados lambaŋ maṙdikaniŋ pěksi sakiŋ saŋkaṙripun. Sawijiniŋ filosofi jawa haŋgennipun měṙdeni sukma hiŋkaŋ hewal sakiŋ sarira. Saṅiŋgilliŋ paŋgennan ragi wiṅit punika wontěn paŋgennan wiṅit saṅět hiŋkaŋ kawastannan kěḍaton. Wontěn paŋgennan wiṅit hugi ragi wiṅit punika hiŋgiḥ dunuŋṅiŋ pasareyan para raja saṙta sěntana daḷěm.
Raja hiŋkaŋ kapisan dipunsarekkakěn hiŋ pasareyan himagiri hiŋgiḥ punika sultan haguŋ hañakŕakusuma. Pasareyan punika lajěŋ dipunginakkakěn deniŋ para raja sasampunnipun. Wusdentěn ṅantos rikala karaton mataram dipunpaliḥ dados kasultannan yogỿakaṙta lan kasunannan surakaṙta paliḥhan karaton punika lajěŋ tumut hapaliḥ wěwěŋkonniŋ pasareyan.
Sakpunika pasareyan himagiri kasusun sakiŋ sawatawis komplek hagěŋ hiŋgiḥ punika kasultanhaguŋṅan, pakubuwanan, kasunannan surakaṙta saṙta kasultannan yogỿakaṙta. Hiŋ saḷěběttiŋ komplek pasareyan para raja kasultannan yogỿakaṙta wontěn tiga hastana hutawi kěḍaton minaŋka lowaḥhan hinti pasareyan sultan, hiŋgiḥ punika:
- Kěḍaton kasuwaṙgan minaŋka pasareyanniŋ sŕi sultan haměŋkubuwana 1 saṙta sŕi sultan haměŋkubuwana 3.
- Kěḍaton běsiyaṙran minaŋka pasareyanniŋ sŕi sultan haměŋkubuwana 4, sŕi sultan haměŋkubuwana 5, saŕta sŕi sultan haměŋkubuwana 6.
- Kěḍaton saptaṛěŋga minaŋka pasareyanniŋ sŕi sultan haměŋkubuwana 7, sŕi sultan haměŋkubuwana 8, sŕi sultan haměŋkubuwana 9.
Wusdentěn sŕi sultan haměŋkubuwana 2 hiŋkaŋ surud rikala tahun 1828 dipunsarekkakěn hiŋ komplek pasareyan raja raja mataram kotagěḍe.
Hinatus hatus tahun maděg hiŋ puñcakkiŋ wukiṙ pasareyan himagiri dados sěksiniŋ jaya kawijayan hugi hewaḥ giŋsiṙriŋ mataram kalawan karaton karaton hiŋkaŋ haṅlajěŋṅi. Sanajan kiṭa pŕaja karaton kaṭaḥ haŋgennipun pinḍaḥ hugi tuwin karaton kapaliḥ para raja hiŋ jaman kina wahu kěkaḥ konduṙ ḍatěŋ satuŋgal papan pasareyan hiŋkaŋ sami. Jaya kawijayan, warissan hiŋkaŋ wicaksana saṙta cariyossiŋ ḷělabuḥhan para pañjěněṅannipun hinukiṙ laŋgěŋ hiŋ puñcakkiŋ himagiri.
Makam himagiri pasareyanniŋ para raja mataram
Makam himagiri hutawi pasareyan himagiri hiŋgiḥ punika papan pasareyanniŋ para raja mataram kalawan sěntana daḷěm. Komplek pasareyan punika dumunuŋ kiraŋ laŋkuŋ 16 km wontěn sisiḥ kidul karaton yogỿakaṙta pañcěṙripun wontěn wěwěŋkon desa giriṛěja lan desa wukiṙsari kapanewon himagiri kabupaten bantul ḍaheraḥ histimewa yogỿakaṙta. Himagiri saŋkannipun sakiŋ těmbuŋ hima lan giri. Hima hatěgěs pěḍut lan giri hatěgěs gunuŋ saheŋga himagiri sagěd dipunwěṙdeni minaŋka gunuŋ hiŋkaŋ kalimputtan pěḍut.
Haŋkaḥhiŋ pamiliḥhannipun gunuŋ punika minaŋka dunuŋṅiŋ pasareyan botěn sagěd kahuwallakěn sakiŋ konsep masarakat jawa nalika sadereŋṅipun hinḍu hiŋkaŋ gaḍaḥ pañěŋguḥ ḍatěŋ gunuŋ hutawi paŋgennan hiŋgil minaŋka papan hiŋkaŋ wiṅit saṙta dados dunuŋṅipun para ḷěluhuṙ. Dene haŋkaḥhiŋ pamiliḥhan hiŋ papan hiŋgil hugi dados satuŋgalliŋ wujuddipun kapitayan masarakat hinḍu hiŋkaŋ haṅaŋgěp saŋsaya hiŋgil papanniŋ pasareyan, mila saŋsaya hiŋgil hugi dŕajattiŋ kamulỿannipun.
Pasareyan himagiri dipunyasa rikala tahun 1632 saḷěběttiŋ pamarentaḥhan sultan haguŋ hañakŕakusuma (1613 dumugi 1645). Pambaṅunnan komplek pasareyan dipunpanḍegani deniŋ kỿahi tuměŋguŋ citŕakusuma. ṛerakittiŋ wěwaṅunnannipun hiŋgiḥ punika goloŋ guměḷěŋṅiŋ budaya hantawissiŋ hinḍu lan hislam. Banon habŕit hiŋkaŋ ṅakaṭaḥ wontěn wěwěŋkon pasareyan bageyan hiŋgil hiŋgiḥ minaŋka titikkan hutawi ṛěrakittiŋ wěwaṅunnan hislam jawa hutawi ṛěrakittiŋ wěwaṅunnan hislam hinḍu nalika habad kapiŋ 17.
Banon banon hiŋkaŋ hanata haděggipun pasareyan himagiri botěn sagěd karakittakěn mawi spesi hiŋkaŋ mligi kados sěmen. Kaduga banon banon punika katata kanṭi tata kosod. Lumaḥhiŋ banon hiŋkaŋ satuŋgal dipunkosok ṅaŋge lumaḥhiŋ banon hiŋkaŋ sanes mawi dipunsukani sakěḍik toya ṅantos mědal sawaṙni tiṙta lintŕěg. Tiṙta lintŕěg punika lajěŋ hiŋkaŋ haṅŕakěttakěn satuŋgal banon kaliyan banon sanessipun. Tata punika sagěd dipunhaŋge hawit wontěnnipun wowoṙran mligi hiŋ banon hiŋ wañci punika hiŋkaŋ sampun botěn wontěn hiŋ banon sakpunika.
Papan hiŋkaŋ wontěn hiŋ ṅiŋgilliŋ gunuŋ ñukani maṙgi ḍatěŋ pasareyan himagiri hiŋkaŋ gaḍaḥhi hatussan hinḍak hinḍakkan. Hinḍak hinḍakkan punika kadaměl cěkak bok biliḥ kaŋge daměl gampil para jiyaraḥ hiŋkaŋ ṅŕasuk busana hadat. Patŕap pŕatikěl haŋgennipun ṅŕasuk busana hadat punika ṅantos sakpunika taksiḥ kaḷěksanan wontěn sawatawis paŋgennan taṙtamtu.
Garissiŋ hinḍak hinḍakkan kalawan haděggipun hantawissiŋ gapura tumuju pasareyan sakiŋ ṅanḍap dumugi ṅiŋgil daměl sawaṙni garis lurus. Gapura gapura punika dados watěssiŋ wěwěŋkon tumŕap papan papan saḷěběttiŋ pasareyan.
Papan paŋgennan hiŋkaŋ sěpisan hiŋgiḥ punika lowaḥhan humum hiŋkaŋ dipuntěṅěṛri kanṭi gapura supit huraŋ minaŋka maṙgi ḍatěŋ ḷěběṭ tumuju komplek kasultanhaguŋṅan. Papan paŋgennan hiŋkaŋ kapiŋ kaliḥ hiŋgiḥ punika paŋgennan ragi wiṅit kawastannan sŕi maṅanti hiŋkaŋ dipuntěṅěṙri kanṭi gapura paduraksa. Sanes kaliyan gapura supit huraŋ gapura paduraksa gaḍaḥhi payon. Sadaya gapura paduraksa hiŋ pasareyan himagiri gaḍaḥhi kori hiŋkaŋ sagěd binuka tutup lan ṛěṛěŋgan hawujud laṙ hiŋ kěkaliḥ sisiḥhipun. ṛěṛěŋgan hawujud laṙ punika mŕalambaŋṅakěn laŕriŋ pěksi hiŋkaŋ dados lambaŋ maṙdikaniŋ pěksi sakiŋ saŋkaṙripun. Sawijiniŋ filosofi jawa haŋgennipun měṙdeni sukma hiŋkaŋ hewal sakiŋ sarira. Saṅiŋgilliŋ paŋgennan ragi wiṅit punika wontěn paŋgennan wiṅit saṅět hiŋkaŋ kawastannan kěḍaton. Wontěn paŋgennan wiṅit hugi ragi wiṅit punika hiŋgiḥ dunuŋṅiŋ pasareyan para raja saṙta sěntana daḷěm.
Raja hiŋkaŋ kapisan dipunsarekkakěn hiŋ pasareyan himagiri hiŋgiḥ punika sultan haguŋ hañakŕakusuma. Pasareyan punika lajěŋ dipunginakkakěn deniŋ para raja sasampunnipun. Wusdentěn ṅantos rikala karaton mataram dipunpaliḥ dados kasultannan yogỿakaṙta lan kasunannan surakaṙta paliḥhan karaton punika lajěŋ tumut hapaliḥ wěwěŋkonniŋ pasareyan.
Sakpunika pasareyan himagiri kasusun sakiŋ sawatawis komplek hagěŋ hiŋgiḥ punika kasultanhaguŋṅan, pakubuwanan, kasunannan surakaṙta saṙta kasultannan yogỿakaṙta. Hiŋ saḷěběttiŋ komplek pasareyan para raja kasultannan yogỿakaṙta wontěn tiga hastana hutawi kěḍaton minaŋka lowaḥhan hinti pasareyan sultan, hiŋgiḥ punika:
- Kěḍaton kasuwaṙgan minaŋka pasareyanniŋ sŕi sultan haměŋkubuwana 1 saṙta sŕi sultan haměŋkubuwana 3.
- Kěḍaton běsiyaṙran minaŋka pasareyanniŋ sŕi sultan haměŋkubuwana 4, sŕi sultan haměŋkubuwana 5, saŕta sŕi sultan haměŋkubuwana 6.
- Kěḍaton saptaṛěŋga minaŋka pasareyanniŋ sŕi sultan haměŋkubuwana 7, sŕi sultan haměŋkubuwana 8, sŕi sultan haměŋkubuwana 9.
Wusdentěn sŕi sultan haměŋkubuwana 2 hiŋkaŋ surud rikala tahun 1828 dipunsarekkakěn hiŋ komplek pasareyan raja raja mataram kotagěḍe.
Hinatus hatus tahun maděg hiŋ puñcakkiŋ wukiṙ pasareyan himagiri dados sěksiniŋ jaya kawijayan hugi hewaḥ giŋsiṙriŋ mataram kalawan karaton karaton hiŋkaŋ haṅlajěŋṅi. Sanajan kiṭa pŕaja karaton kaṭaḥ haŋgennipun pinḍaḥ hugi tuwin karaton kapaliḥ para raja hiŋ jaman kina wahu kěkaḥ konduṙ ḍatěŋ satuŋgal papan pasareyan hiŋkaŋ sami. Jaya kawijayan, warissan hiŋkaŋ wicaksana saṙta cariyossiŋ ḷělabuḥhan para pañjěněṅannipun hinukiṙ laŋgěŋ hiŋ puñcakkiŋ himagiri.
