ꦡꦩꦤ꧀ꦱꦫꦶ

ꦡꦩꦤ꧀ꦱꦫꦶ
꧋ꦡꦩꦤ꧀ꦱꦫꦶꦲꦶꦁꦏꦁꦠꦼꦒꦼꦱ꧀ꦱꦶꦥꦸꦤ꧀ꦠꦩꦤ꧀ꦏꦁꦲꦺꦤ꧀ꦢꦃꦫꦸꦩꦶꦪꦶꦤ꧀ꦲꦮꦸꦗꦸꦢ꧀ꦠꦩꦤ꧀ꦲꦸꦠꦮꦶꦏꦼꦧꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦿꦠꦺꦴꦤ꧀ꦪꦺꦴꦒꦾꦏꦂꦠ꧈ꦮꦼꦮꦔꦸꦤ꧀ꦤꦤ꧀ꦥꦸꦤꦶꦏꦲꦁꦒꦺꦤ꧀ꦤꦶꦥꦸꦤ꧀ꦧꦔꦸꦤ꧀ꦮꦶꦮꦶꦠ꧀ꦗꦩꦤ꧀ꦯꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧑꧇꧈ꦏꦮꦶꦮꦶꦠꦤ꧀ꦢꦶꦥꦸꦤ꧀ꦧꦔꦸꦤ꧀ꦠꦲꦸꦤ꧀꧇꧑꧗꧕꧘꧇ꦠꦶꦤꦼꦔꦼꦂꦫꦤ꧀ꦏꦤ꧀ꦛꦶꦕꦤ꧀ꦢꦿꦱꦼꦁꦏꦭꦕꦠꦸꦂꦤꦒꦫꦱꦠꦸꦁꦒꦭ꧀ꦲꦶꦁꦏꦁꦤꦼꦢꦃꦲꦏꦼꦤ꧀ꦠꦲꦸꦤ꧀ ꧇꧑꧖꧘꧔꧇ꦗꦮ꧈ꦱꦼꦁꦏꦭꦤ꧀ꦲꦶꦁꦏꦁꦱꦒꦼꦢ꧀ꦢꦶꦥꦸꦚ꧀ꦗꦫ꧀ꦮꦤꦶꦱꦼꦏꦮꦤ꧀ꦤꦒꦠꦸꦁꦒꦭ꧀ꦫꦱꦥꦸꦤꦶꦏꦏꦢꦸꦤꦸꦁꦔꦤ꧀ꦮꦺꦴꦤ꧀ꦠꦼꦤ꧀ꦒꦥꦸꦫꦥꦁꦒꦸꦁ꧈ꦥꦺꦫꦁꦔꦤ꧀ꦥꦺꦫꦁꦔꦤ꧀ꦲꦶꦁꦏꦁꦲꦮꦿꦠ꧀ꦱꦏꦶꦁꦮꦼꦮꦔꦸꦤ꧀ꦤꦤ꧀ꦢꦶꦥꦸꦤ꧀ꦥꦸꦁꦏꦱ꧀ꦱꦺꦶꦧꦔꦸꦤ꧀ꦠꦲꦸꦤ꧀ ꧇꧑꧗꧖꧕꧇ꦠꦶꦤꦼꦔꦼꦂꦫꦤ꧀ꦕꦤ꧀ꦢꦿꦱꦼꦁꦏꦭꦭꦗꦼꦫꦶꦁꦱꦼꦏꦂꦱꦶꦤꦼꦱꦼꦥ꧀ꦥꦼꦏ꧀ꦱꦶꦲꦶꦁꦏꦁꦤꦼꦢꦃꦲꦏꦼꦤ꧀ꦠꦲꦸꦤ꧀꧇꧑꧖꧙꧑꧇ꦗꦮ꧈ ꦱꦼꦁꦏꦭꦤ꧀ꦲꦶꦁꦏꦁꦢꦶꦥꦸꦚ꧀ꦗꦫ꧀ꦮꦤꦶꦏꦸꦣꦸꦥ꧀ꦥꦶꦁꦏꦼꦩ꧀ꦧꦁꦲꦶꦁꦏꦁꦱꦶꦤꦼꦱꦼꦥ꧀ꦥꦼꦏ꧀ꦱꦶꦥꦸꦤꦶꦏꦱꦒꦼꦢ꧀ꦏꦢꦸꦤꦸꦁꦔꦤ꧀ꦮꦺꦴꦤ꧀ꦠꦼꦤ꧀ꦒꦥꦸꦫꦲꦒꦸꦁꦲꦸꦠꦮꦶꦮꦺꦴꦤ꧀ꦠꦼꦤ꧀ꦉꦉꦁꦒꦤ꧀ꦲꦶꦁꦱꦥꦺꦫꦁꦔꦤ꧀ꦠꦺꦩ꧀ꦧꦺꦴꦏ꧀ꦮꦔꦸꦤ꧀ꦤꦤ꧀꧉
꧋ꦡꦩꦤ꧀ꦱꦫꦶꦮꦶꦪꦂꦫꦶꦥꦸꦤ꧀ꦭꦁꦏꦸꦁꦱꦏꦶꦁ ꧇꧑꧐꧇ ꦲꦺꦏ꧀ꦠꦂꦏꦤ꧀ꦛꦶ ꧇꧕꧗꧇ ꦮꦔꦸꦤ꧀ꦤꦤ꧀ꦲꦶꦁꦱꦊꦧꦼꦠꦶꦥꦸꦤ꧀꧈ꦮꦼꦮꦔꦸꦤ꧀ꦤꦤ꧀ꦥꦸꦤꦶꦏꦮꦸꦗꦸꦢ꧀ꦠꦶꦥꦸꦤ꧀ꦒꦼꦣꦸꦥꦥꦤ꧀ꦥꦱꦶꦫꦩꦤ꧀ꦏꦽꦠꦼꦒ꧀ꦒꦤ꧀ꦠꦸꦁꦱꦸꦱꦸꦏꦤ꧀ ꦠ꧀ꦭꦒꦉꦫꦺꦏꦤ꧀ꦩꦱ꧀ꦗꦶꦢ꧀ꦭꦤ꧀ꦭꦸꦫꦸꦁꦥꦼꦤ꧀ꦝꦼꦩ꧀꧉
꧋ꦠꦩꦤ꧀ꦥꦸꦤꦶꦏꦒꦣꦃꦗꦼꦗꦸꦭꦸꦏ꧀ꦮꦠꦼꦂꦏꦱ꧀ꦠꦶꦭ꧀ꦲꦩꦂꦒꦶꦮꦺꦴꦤ꧀ꦠꦼꦤ꧀ꦏꦺꦴꦭꦩ꧀ꦏꦺꦴꦭꦩ꧀ꦭꦤ꧀ꦠꦺꦴꦪꦲꦶꦁꦏꦁꦔꦸꦔꦼꦁꦔꦶꦠꦩꦤ꧀꧈ꦏꦱꦼꦧꦠ꧀ꦲꦸꦒꦶꦢꦺꦥ꦳ꦿꦺꦒꦿꦺꦤ꧀ꦒꦂꦢꦼꦤ꧀ꦲꦩꦂꦒꦶꦏꦛꦃꦏꦗꦼꦁꦭꦤ꧀ꦏꦼꦩ꧀ꦧꦁꦏꦁꦮꦔꦶꦢꦶꦥꦸꦤ꧀ꦠꦤꦼꦩ꧀ꦮꦺꦴꦤ꧀ꦠꦼꦤ꧀ꦏꦼꦧꦺꦴꦤ꧀ꦏꦼꦧꦺꦴꦤ꧀ꦱꦲꦸꦧꦼꦁꦔꦶꦁꦮꦼꦮꦔꦸꦤ꧀ꦤꦤ꧀
꧋ꦫꦚ꧀ꦕꦁꦔꦤ꧀ꦡꦩꦤ꧀ꦱꦫꦶꦥꦸꦤꦶꦏꦲꦣꦼꦣꦱꦂꦱꦏꦶꦁꦒꦒꦱꦤ꧀ꦯꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤꦺ꧇꧑꧇ꦮꦺꦴꦤ꧀ꦢꦺꦤꦺꦒꦼꦒꦩ꧀ꦧꦫꦤ꧀ꦠꦺꦏ꧀ꦤꦶꦱ꧀ꦱꦶꦥꦸꦤ꧀ꦏꦶꦤꦂꦪꦤ꧀ꦢꦺꦤꦶꦁꦥꦿꦶꦪꦤ꧀ꦠꦸꦤ꧀ꦥꦺꦴꦂꦠꦸꦒꦶꦱ꧀ꦲꦶꦁꦏꦁꦏꦢꦸꦒꦢꦸꦒꦶꦱꦏꦶꦁꦮꦼꦮꦼꦁꦏꦺꦴꦤ꧀ꦒꦺꦴꦮꦱꦸꦭꦮꦼꦱꦶ꧈ꦲꦂꦱꦶꦠꦺꦏ꧀ꦱꦏꦶꦁꦥꦺꦴꦂꦠꦸꦒꦶꦱ꧀ꦥꦸꦤꦶꦏꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦩꦶꦤꦁꦏꦢꦼꦩꦁꦠꦼꦒꦶꦱ꧀ꦲꦱ꧀ꦩꦥꦸꦤꦶꦏꦱꦸꦩ꧀ꦧꦺꦂꦫꦶꦥꦸꦤ꧀ꦱꦏꦶꦁꦲꦱꦭ꧀ꦧꦁꦱꦥꦿꦶꦪꦤ꧀ꦠꦸꦤ꧀ꦥꦸꦤꦶꦏ꧈ꦢꦺꦤꦺꦥꦔꦂꦱꦥꦿꦺꦴꦪꦺꦏ꧀ꦥꦩ꧀ꦧꦔꦸꦤ꧀ꦡꦩꦤ꧀ꦱꦫꦶꦢꦶꦥꦸꦚ꧀ꦕꦼꦥꦼꦁꦢꦺꦤꦶꦁꦠꦸꦩꦼꦁꦒꦸꦁꦩꦔꦸꦤ꧀ꦢꦶꦥꦸꦫꦲꦶꦁꦏꦁꦱꦭꦗꦼꦔꦶꦥꦸꦤ꧀ꦢꦶꦥꦸꦤ꧀ꦒꦤ꧀ꦠꦺꦴꦱ꧀ꦱꦶꦢꦺꦤꦶꦁꦥꦔꦺꦫꦤ꧀ꦟꦠꦏꦸꦱꦸꦩ꧉
꧋ꦡꦩꦤ꧀ꦱꦫꦶꦩꦢꦼꦒ꧀ꦮꦺꦴꦤ꧀ꦠꦼꦤ꧀ꦱꦲꦶꦁꦒꦶꦭ꧀ꦭꦶꦥꦸꦤ꧀ꦲꦸꦩ꧀ꦧꦸꦭ꧀ꦲꦸꦠꦮꦶꦱꦸꦩ꧀ꦧꦼꦂꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦲꦸꦩ꧀ꦧꦸꦭ꧀ꦥꦕꦺꦛꦺꦴꦏꦤ꧀꧈ꦮꦺꦴꦤ꧀ꦠꦼꦤ꧀ꦲꦶꦁꦡꦩꦤ꧀ꦱꦫꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦏꦭꦶꦃꦠ꧀ꦭꦒꦉꦫꦺꦏꦤ꧀ꦏꦱꦼꦧꦸꦠ꧀ꦱꦼꦒꦫꦤ꧀꧈ꦠꦼꦩ꧀ꦧꦸꦁꦱꦼꦒꦫꦤ꧀ꦲꦱꦭꦶꦥꦸꦤ꧀ꦱꦏꦶꦁꦠꦼꦩ꧀ꦧꦸꦁꦱꦼꦒꦫꦲꦶꦁꦏꦁꦠꦼꦒꦼꦱ꧀ꦱꦶꦥꦸꦤ꧀ꦱꦩꦸꦢꦿ꧈ꦱꦼꦠꦸꦁꦒꦭ꧀ꦠ꧀ꦭꦒꦮꦺꦴꦤ꧀ꦠꦼꦤ꧀ꦲꦶꦁꦱꦶꦱꦶꦃꦏꦶꦭꦺꦤ꧀ꦏꦤ꧀ꦛꦶꦥꦸꦭꦺꦴꦉꦫꦺꦏꦲꦶꦁꦱꦠꦼꦔꦃꦲꦶꦥꦸꦤ꧀ꦥꦸꦭꦺꦴꦥꦸꦤꦶꦏꦒꦣꦃꦤꦩꦥꦸꦭꦺꦴꦏꦼꦤꦔ꧈ꦏꦼꦏꦭꦶꦃꦱꦼꦒꦫꦤ꧀ꦥꦸꦤꦶꦏꦢꦶꦥꦸꦤ꧀ꦱꦩ꧀ꦧꦼꦠ꧀ꦏꦭꦶꦪꦤ꧀ꦱꦸꦱꦸꦏꦤ꧀ꦲꦶꦁꦏꦁꦩꦫꦺꦴꦭꦸꦫꦸꦁꦲꦶꦁꦏꦁꦚꦩ꧀ꦧꦸꦔꦶꦥ꧀ꦭꦠꦫꦤ꧀ꦩꦒꦁꦔꦤ꧀ꦭꦤ꧀ꦥ꧀ꦭꦠꦫꦤ꧀ꦏꦩꦤ꧀ꦝꦸꦁꦔꦤ꧀ꦏꦶꦢꦸꦭ꧀ ꦥ꧀ꦭꦠꦫꦤ꧀ꦲꦶꦁꦏꦁꦏꦛꦃꦩꦤꦺꦏꦮꦺꦴꦃꦮꦺꦴꦃꦲꦤ꧀ꦱꦸꦧꦸꦂꦩꦔꦥꦶꦠ꧀ꦱꦸꦱꦸꦏꦤ꧀ꦥꦸꦤꦶꦏ꧉
꧋ꦱꦱꦤꦺꦱ꧀ꦱꦶꦥꦸꦤ꧀ꦢꦶꦥꦸꦒꦶꦤꦏꦏꦼꦤ꧀ꦩꦶꦤꦁꦏꦥꦥꦤ꧀ꦥ꧀ꦭꦼꦱꦶꦂꦫꦔꦤ꧀ꦡꦠꦩꦤ꧀ꦱꦫꦶꦲꦸꦒꦶꦒꦣꦃꦥ꦳ꦸꦁꦱꦶꦥꦤꦁꦒꦸꦭꦁꦭꦤ꧀ꦥ꦳ꦸꦁꦱꦶꦲꦒꦩꦶ꧈ꦥ꦳ꦸꦁꦱꦶꦥꦤꦁꦒꦸꦭꦁꦱꦒꦼꦢ꧀ꦏꦠꦶꦔꦭ꧀ꦱꦏꦶꦁꦠꦺꦩ꧀ꦧꦺꦴꦏ꧀ꦩꦸꦧꦼꦁꦲꦶꦁꦏꦁꦏꦤ꧀ꦢꦼꦭ꧀ꦭꦤ꧀ꦲꦶꦁꦒꦶꦭ꧀ꦫꦺꦒꦺꦴꦭ꧀ꦲꦶꦁꦏꦁꦢꦶꦥꦸꦚ꧀ꦗꦏꦼꦥ꧀ꦥꦶꦥꦥꦤ꧀ꦗꦒꦭꦤ꧀ꦧꦱ꧀ꦠꦶꦪꦺꦴꦤ꧀ꦲꦸꦠꦮꦶꦠꦺꦴꦭꦏ꧀ꦧꦭꦩꦶꦤꦁꦏꦥꦥꦤ꧀ꦏꦁꦒꦺꦥꦱꦺꦭꦺꦃꦲꦤ꧀ꦱꦚ꧀ꦗꦠ꧈ꦱꦤꦺꦱ꧀ꦱꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦥꦺꦫꦁꦔꦤ꧀ꦲꦸꦫꦸꦁꦲꦸꦫꦸꦁꦲꦸꦠꦮꦶꦩꦂꦒꦶꦥꦼꦤ꧀ꦝꦼꦩ꧀ꦲꦶꦁꦏꦁꦚꦩ꧀ꦧꦸꦔꦶꦱꦼꦠꦸꦁꦒꦭ꧀ꦥꦥꦤ꧀ꦢꦸꦒꦶꦥꦥꦤ꧀ꦱꦤꦺꦱ꧀ꦱꦶꦥꦸꦤ꧀꧈ꦲꦸꦒꦶꦥꦽꦤꦃꦲꦶꦥꦸꦤ꧀ꦮꦼꦮꦔꦸꦤ꧀ꦤꦤ꧀ꦥꦸꦭꦺꦴꦏꦼꦤꦔꦲꦶꦁꦏꦁꦲꦶꦁꦒꦶꦭ꧀ꦏꦢꦸꦒꦢꦶꦥꦸꦒꦶꦤꦏꦏꦼꦤ꧀ꦩꦶꦤꦁꦏꦥꦥꦤ꧀ꦥꦠꦶꦚ꧀ꦗꦺꦴꦩꦼꦤꦮꦶꦩꦸꦱꦸꦃꦠꦸꦩꦼꦏ꧉
꧋ꦥ꦳ꦸꦁꦱꦶꦲꦒꦩꦶꦢꦶꦥꦸꦤ꧀ꦠꦼꦢꦃꦲꦏꦼꦤ꧀ꦱꦏꦶꦁꦮꦺꦴꦤ꧀ꦠꦼꦤꦶꦥꦸꦤ꧀ꦮꦔꦸꦤ꧀ꦤꦤ꧀ꦱꦸꦩꦸꦂꦒꦸꦩꦸꦭꦶꦁꦭꦤ꧀ꦥꦸꦭꦺꦴꦥꦤꦼꦩ꧀ꦧꦸꦁ꧈ꦱꦸꦩꦸꦂꦒꦸꦩꦸꦭꦶꦁꦲꦶꦁꦏꦁꦮꦸꦗꦸꦢ꧀ꦠꦶꦥꦸꦤ꧀ꦧꦸꦤ꧀ꦢꦼꦂꦩꦸꦧꦼꦁꦢꦶꦥꦸꦒꦶꦤꦏꦏꦼꦤ꧀ꦩꦶꦤꦁꦏꦩꦱ꧀ꦗꦶꦢ꧀ꦮꦺꦴꦤ꧀ꦢꦺꦤꦺꦥꦸꦭꦺꦴꦥꦤꦼꦩ꧀ꦧꦸꦁꦢꦶꦥꦸꦩꦶꦤꦏꦏꦼꦤ꧀ꦢꦺꦤꦶꦁꦱꦸꦭ꧀ꦠꦤ꧀ꦩꦶꦤꦁꦏꦥꦥꦤ꧀ꦩꦤꦼꦏꦸꦁ꧈ ꦏꦼꦏꦭꦶꦃꦮꦔꦸꦤ꧀ꦤꦤ꧀ꦥꦸꦤꦶꦏꦏꦮꦺꦴꦤ꧀ꦠꦼꦤꦤ꧀ꦲꦶꦁꦱꦠꦼꦔꦃꦲꦶꦁꦏꦺꦴꦭꦩ꧀ꦱꦼꦒꦫꦱꦲꦺꦁꦒꦏꦠꦺꦴꦤ꧀ꦩꦕꦸꦔꦸꦭ꧀ꦲꦶꦁꦱꦠꦼꦔꦃꦲꦶꦁꦠꦺꦴꦪꦲꦶꦁꦏꦁꦮꦶꦪꦂ꧉
꧋ꦮꦶꦮꦶꦠꦤꦶꦥꦸꦤ꧀ꦮꦔꦸꦤ꧀ꦤꦤ꧀ꦥꦼꦱꦁꦒꦿꦲꦃꦤ꧀ꦡꦩꦤ꧀ꦱꦫꦶꦥꦸꦤꦶꦏꦩꦗꦼꦁꦔꦶꦭꦺꦤ꧀ꦱꦲꦺꦁꦒꦭꦸꦫꦸꦁꦲꦶꦁꦏꦁꦔꦗꦼꦔꦤ꧀꧌ꦒ꧀ꦭꦼꦢꦺꦔꦤ꧀꧍ꦥꦽꦤꦃꦲꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦶꦱꦶꦃꦏꦶꦢꦸꦭ꧀ꦥ꧀ꦭꦼꦁꦏꦸꦁꦗꦒꦧꦪ꧌ꦥ꧀ꦭꦼꦁꦏꦸꦁꦡꦩꦤ꧀ꦱꦫꦶ꧍꧈ꦮꦺꦴꦤ꧀ꦢꦺꦤꦺꦱꦼꦒꦫꦤ꧀ꦤꦶꦥꦸꦤ꧀ꦒꦣꦃꦭꦸꦫꦸꦁꦔꦗꦼꦁꦭꦸꦫꦸꦱ꧀ꦩꦗꦼꦁꦭꦺꦂꦢꦸꦒꦶꦲꦶꦁꦥ꧀ꦭꦼꦁꦏꦸꦁꦗꦒꦱꦸꦫ꧌ꦥ꧀ꦭꦼꦁꦏꦸꦁꦔꦱꦼꦩ꧀꧍꧈ ꦩꦶꦤꦁꦏꦥꦥꦤ꧀ꦥ꧀ꦭꦼꦱꦶꦫꦤ꧀ ꦱꦥꦸꦤꦶꦏꦫꦺꦒꦺꦴꦭ꧀ꦩ꧀ꦭꦼꦧꦼꦠ꧀ꦲꦶꦁꦮꦼꦮꦔꦸꦤ꧀ꦤꦤ꧀ꦢꦶꦥꦸꦤ꧀ꦒꦤ꧀ꦠꦺꦴꦱ꧀ꦲꦶꦁꦱꦶꦱꦶꦃꦮꦺꦠꦤ꧀ꦲꦁꦒꦶꦤꦏꦏꦼꦤ꧀ꦏꦺꦴꦫꦶꦲꦶꦁꦏꦁꦫꦸꦩꦶꦪꦶꦤ꧀ꦥꦸꦤꦶꦏꦫꦺꦒꦺꦴꦭ꧀ꦮꦶꦁꦏꦶꦁ꧉
꧋ꦲꦶꦁꦠꦲꦸꦤ꧀꧇꧑꧘꧖꧗꧇ꦤꦭꦶꦏꦗꦩꦤ꧀ꦥꦩꦫꦶꦤ꧀ꦠꦃꦲꦤ꧀ꦯꦿꦶꦱꦸꦭ꧀ꦠꦤ꧀ꦲꦩꦼꦁꦏꦸꦧꦸꦮꦤ꧇꧖꧇꧈ ꦮꦺꦴꦤ꧀ꦠꦼꦤ꧀ꦥꦿꦱ꧀ꦠꦮꦒꦼꦩ꧀ꦥꦲꦒꦼꦁꦲꦶꦁꦏꦁꦢꦩꦼꦭ꧀ꦉꦤ꧀ꦠꦃꦮꦼꦮꦔꦸꦤ꧀ꦤꦤ꧀ꦲꦶꦁꦪꦺꦴꦓꦾꦏꦂꦠ꧉ꦮꦼꦮꦔꦸꦤ꧀ꦤꦤ꧀ꦡꦩꦤ꧀ꦱꦫꦶꦲꦸꦒꦶꦫꦶꦱꦏ꧀ꦭꦤ꧀ꦢꦢꦺꦴꦱ꧀ꦱꦏꦼꦤ꧀ꦮꦒꦸꦤ꧀ꦤꦤ꧀ꦥꦸꦤꦶꦏꦢꦢꦺꦴꦱ꧀ꦏꦥꦶꦫꦤ꧀꧉
꧋ꦫꦺꦤꦺꦴꦥ꦳ꦱꦶꦏꦤ꧀ꦛꦶꦠꦸꦩꦼꦩꦼꦤ꧀ꦢꦶꦥꦸꦤ꧀ꦮꦶꦮꦶꦠ꧀ꦠꦶꦤꦭꦶꦏꦠꦲꦸꦤ꧀꧇꧑꧙꧗꧗꧇꧈ ꦱꦥꦺꦫꦁꦔꦤ꧀ꦮꦔꦸꦤ꧀ꦤꦤ꧀ꦲꦶꦁꦏꦁꦩꦠꦶꦩ꧀ꦧꦸꦤ꧀ꦭꦗꦼꦁꦢꦶꦥꦸꦤ꧀ꦧꦺꦴꦁꦏꦂꦲꦤꦔꦶꦁꦤꦩꦸꦁꦏꦤ꧀ꦠꦸꦤ꧀ꦱꦼꦏꦼꦣꦶꦏ꧀ꦱꦏꦶꦁꦮꦔꦸꦤ꧀ꦤꦤꦡꦩꦤ꧀ꦱꦫꦶꦲꦶꦁꦏꦁꦱꦒꦼꦢ꧀ꦱ꧀ꦭꦩꦼꦠ꧀꧉
꧋ꦒꦼꦩ꧀ꦥꦲꦒꦼꦁꦏꦢꦢꦼꦤ꧀ꦩꦭꦶꦃꦲꦶꦁꦮꦼꦮꦼꦁꦏꦺꦴꦤ꧀ꦪꦺꦴꦓꦾꦏꦂꦠꦲꦶꦁꦠꦲꦸꦤ꧀꧇꧒꧐꧐꧖꧇꧈ ꦒꦼꦩ꧀ꦥꦠꦺꦏ꧀ꦠꦺꦴꦤꦶꦏ꧀ꦲꦶꦁꦏꦁꦏꦼꦏꦶꦪꦠ꧀ꦠꦤꦶꦥꦸꦤ꧀ ꧇꧕꧈꧙꧇ ꦌꦱ꧀ꦌꦫ꧀ ꦥꦸꦤꦶꦏꦱꦼꦥꦶꦱꦤ꧀ꦩꦭꦶꦃꦢꦢꦺꦴꦱ꧀ꦗꦭꦫꦤ꧀ꦏꦫꦶꦱꦏꦤ꧀ꦲꦶꦁꦡꦩꦤ꧀ꦱꦫꦶ꧉ ꦥꦿꦺꦴꦱꦺꦱ꧀ꦫꦺꦤꦺꦴꦥ꦳ꦱꦶꦭꦤ꧀ꦫꦺꦥ꦳ꦶꦠꦭꦶꦱꦱꦶꦢꦶꦥꦸꦤ꧀ꦭꦗꦼꦁꦔꦏꦼꦤ꧀꧈ ꦱꦥꦺꦫꦁꦔꦤ꧀ꦮꦔꦸꦤ꧀ꦤꦤ꧀ꦢꦶꦥꦸꦤ꧀ꦢꦤ꧀ꦢꦺꦴꦱꦶꦢꦶꦥꦸꦤ꧀ꦏꦶꦪꦠ꧀ꦠꦏꦼꦤ꧀ꦭꦤ꧀ꦢꦶꦥꦸꦤ꧀ꦭꦥꦶꦱꦶꦩꦭꦶꦃ꧈
꧋ꦡꦩꦤ꧀ꦱꦫꦶꦲꦶꦁꦏꦁꦤꦠꦺꦤꦩꦸꦁꦲꦮꦸꦗꦸꦢ꧀ꦉꦉꦤ꧀ꦠꦃꦲꦤ꧀ꦱꦥꦸꦤꦶꦏꦮꦶꦮꦶꦠ꧀ꦢꦶꦥꦸꦤ꧀ꦢꦤ꧀ꦢꦺꦴꦱꦶ꧈ ꦱꦤꦗꦤ꧀ꦱꦩ꧀ꦥꦸꦤ꧀ꦏꦲꦥꦶꦠ꧀ꦒꦿꦶꦪꦒꦿꦶꦪꦏꦤꦤ꧀ꦏꦺꦫꦶꦁꦱꦶꦱꦱꦶꦱꦮꦔꦸꦤ꧀ꦤꦤ꧀ꦥꦸꦤꦶꦏꦲꦔꦤ꧀ꦠꦶꦥꦫꦮꦶꦱꦠꦮꦤ꧀ꦲꦶꦁꦏꦁꦒꦣꦃꦥꦼꦥꦶꦔꦶꦤ꧀ꦤꦤ꧀ꦤꦶꦔꦭꦶꦏꦸꦚ꧀ꦕꦫꦤꦶꦁꦠꦩꦤ꧀ꦏꦒꦸꦔꦤ꧀ꦤꦶꦥꦸꦤ꧀ꦫꦗꦲꦶꦁꦗꦩꦤ꧀ꦫꦸꦩꦶꦪꦶꦤ꧀꧈
Tamansari
tamansari hiŋkaŋ těgěssipun taman kaŋ hendah, rumiyin hawujud taman hutawi kěbon wontěn hiŋ kŕaton yogỿakaṙta. wěwaṅunan punika haŋgennipun baṅun wiwit jaman sŕi sultan haměŋku buwana 1. kawiwitan dipunbaṅun tahun 1758 tiněṅěran kanṭi candra sěŋkala “catuṙ naga rasa tuŋgal” hiŋkaŋ nědaḥhakěn tahun 1684 jawa. sěŋkalan hiŋkaŋ sagěd dipunjaṙwani “sěkawan naga tuŋgal rasa” punika kadunuŋṅan wontěn gapura paŋguŋ. perangan-perangan hiŋkaŋ hawrat sakiŋ wěwaṅunnan dipunpuŋkasi baṅun tahun 1765 tiněṅěran candŕa sěŋkala “lajěriŋ sěkaṙ siněsěp pěksi” hiŋkaŋ nědaḥhakěn tahun 1691 jawa. sěŋkalan hiŋkaŋ dipunjaṙwani “kuḍupiŋ kěmbaŋ hiŋkaŋ siněsěp pěksi” punika sagěd kadunuŋṅan wontěn gapura hagung hutawi wontěn rěrěŋgan hing saperaŋṅan těmbok waṅunnan.
tamansari wiyaṙripun laŋkuŋ sakiŋ 10 hektaṙ kanṭi 57 waṅunnan hiŋ salěběttipun. wěwaṅunnan punika wujudtipun gěḍuŋ, papan pasiraman, kŕětěg gantuŋ, susukan, tlaga rěrekan, masjid, lan lurung pěnḍěm.
taman punika gaḍaḥ jějuluk watěr kastil hamaṙgi wontěn kolam-kolam lan toya hiŋkaŋ ṅuběngi taman. kasěbat hugi dě fŕegŕent gaṙděn hamaṙgi kaṭah kajěŋ lan kěmbaŋ kaŋ waṅi dipuntaněm wontěn kěbon-kěbon sahuběŋṅiŋ wěwaṅunnan.
rañcaŋṅan tamansari punika haḍěḍasaṙ sakiŋ gagasan sŕi sultan haměŋku buwana 1, wondene gěgambaṙran teknissipun kinaṙyan deniŋ pṙiyantun poṙtugis hiŋkaŋ kaduga dugi sakiŋ wěwěŋkon gowa, sulawěsi. haṙsitek sakiŋ portugis punika dipunsuměrěppi minaŋka děmaŋ těgis, hasma punika sumběṙripun sakiŋ hasal baŋsa pṙiyantun punika. dene paṅaṙsa pŕoyek pambaṅun tamansari dipuncěpěŋ deniŋ tuměŋguŋ maṅundipura hiŋkaŋ salajěŋṅipun dipungantosi deniŋ paṅěran natakusuma.
tamansari maděg wontěn sahinggillipun humbul hutawi sumběṙ hiŋkaŋ dipunwastani humbul pacěṭokan. wontěn hiŋ tamansari kawontěnan kaliḥ tlaga rěrekan, kasěbut sěgaran. těmbuŋ sěgaran hasallipun sakiŋ těmbuŋ sěgara hiŋkaŋ těgěssipun samudŕa. sětuŋgal tlaga wontěn hiŋ sisiḥ kilen kanṭi pulo rěreka hiŋ satěṅaḥhipun, pulo punika gaḍaḥ nama pulo kěnaṅa. kěkaliḥ sěgaran punika dipunsambět kaliyan susukan hiŋkaŋ maro luruŋ hiŋkaŋ ñambuṅi plataran magaṅan lan plataran kamanḍuŋṅan kidul. plataran hiŋkaŋ kaṭah maneka woḥ-woḥhan subuṙ maṅapit susukan punika.
sasanessipun dipunginakakěn minaŋka papan plěsiran, tamansari hugi gaḍaḥ fuŋsi panaŋgulaŋ lan fuŋsi hagami. fuŋsi panaŋgulaŋ sagěd katiŋal sakiŋ tembok muběŋ hiŋkaŋ kanděl lan hinggil, regol hiŋkaŋ dipunjaŋkěpi papan jaga lan bastiyon hutawi tolak bala minaŋka papan kaŋge paséléḥhan sañjata. sanessipun wontěn saperaŋṅan huruŋ-huruŋ hutawi maṙgi pěnḍěm hiŋkaŋ ñambuŋŋṅi sětuŋgal papan dugi papan sanessipun. hugi prěnaḥhipun wěwaṅunnan pulo kěnaṅa hiŋkaŋ hinggil, kaduga dipunginakakěn minaŋka papan patiñjo měnawi musuḥ tuměka.
fuŋsi hagami dipuntědaḥhakěn sakiŋ wontěnnipun waṅunnan sumuṙ gumuliŋ lan pulo paněmbuŋ. sumuṙ gumuliŋ hiŋkaŋ wujudtipun bunděṙ muběŋ dipunginakakěn minaŋka masjid, wondene pulo paněmbuŋ dipunginakakěn deniŋ sultan minaŋka papan maněkuŋ. Kěkaliḥ waṅunnan punika kawontěnan hiŋ satěṅaḥhiŋ kolam sěgara, saheŋga katon macuṅul hiŋ satěṅaḥhiŋ toya hiŋkaŋ wiyaṙ.
wiwittanipun waṅunnan pěsaŋgŕaḥhan tamansari punika majěŋ ṅilěn, saheŋga luruŋ hiŋkaŋ ṅajěṅan (glědeṅan) prěnaḥhipun wontěn hiŋ sisiḥ kidul plěŋkuŋ jagabaya (plěŋkuŋ tamansari). wondene sěgarannipun gaḍaḥ luruŋ ṅajěŋ lurus majěŋ leṙ dugi hiŋ plěŋkuŋ jagasura (plěŋkuŋ ṅasěm). minaŋka papan plěsiran, sapunika regol mlěbět hiŋ wěwaṅunnan dipun gantos hiŋ sisiḥ wětan haŋginakakěn kori hiŋkaŋ rumiyin punika regol wiŋkiŋ.
hing tahun 1867, nalika jaman pamarintaḥhan sŕi sultan haměŋku buwana 6, wontěn pŕastawa gěmpa hagěŋ hiŋkaŋ daměl rěntaḥ wěwaṅunnan hiŋ yogỿakaṙta. wěwaṅunnan tamansari hugi risak lan dadosakěn waṅunnan punika dados kapiran.
renovasi kanṭi tuměměn dipunwiwitti nalika tahun 1977. saperaŋṅan waṅunnan hiŋkaŋ matimbun lajěŋ dipunbongkaṙ, hanaŋṅiŋ namuŋ kantun sěkěḍik sakiŋ waṅunnan tamansari hiŋkaŋ sagěd slamět.
gěmpa hagěŋ kadaden maliḥ hiŋ wěwěŋkon yogỿakarta hiŋ tahun 2006. gěmpa tektonik hiŋkaŋ kěkiyatannipun 5,9 sr punika sěpisan maliḥ dados jalaran karisakan hiŋ tamansari. pŕoses renovasi lan revitalisasi dipunlajěŋṅakěn, saperaŋṅan waṅunnan dipundandosi, dipunkiyatakěn lan dipunlapisi maliḥ.
tamansari hiŋkaŋ nate namuŋ hawujud rěrěntahḥan sapunika wiwit dipundandosi. sanajan sampun kahapit gŕiya-gŕiya kanan keriŋ, sisa-sisa waṅunnan punika haŋṅanti para wisatawan hiŋkaŋ gaḍaḥ pěpinginnan niṅali kuñcaraniŋ taman kaguṅannipun raja hiŋ jaman rumiyin.
tamansari
tamansari hiŋkaŋ těgěssipun taman kaŋ hendah, rumiyin hawujud taman hutawi kěbon wontěn hiŋ kŕaton yogỿakaṙta. wěwaṅunan punika haŋgennipun baṅun wiwit jaman sŕi sultan haměŋku buwana 1. kawiwitan dipunbaṅun tahun 1758 tiněṅěran kanṭi candra sěŋkala “catuṙ naga rasa tuŋgal” hiŋkaŋ nědaḥhakěn tahun 1684 jawa. sěŋkalan hiŋkaŋ sagěd dipunjaṙwani “sěkawan naga tuŋgal rasa” punika kadunuŋṅan wontěn gapura paŋguŋ. perangan-perangan hiŋkaŋ hawrat sakiŋ wěwaṅunnan dipunpuŋkasi baṅun tahun 1765 tiněṅěran candŕa sěŋkala “lajěriŋ sěkaṙ siněsěp pěksi” hiŋkaŋ nědaḥhakěn tahun 1691 jawa. sěŋkalan hiŋkaŋ dipunjaṙwani “kuḍupiŋ kěmbaŋ hiŋkaŋ siněsěp pěksi” punika sagěd kadunuŋṅan wontěn gapura hagung hutawi wontěn rěrěŋgan hing saperaŋṅan těmbok waṅunnan.
tamansari wiyaṙripun laŋkuŋ sakiŋ 10 hektaṙ kanṭi 57 waṅunnan hiŋ salěběttipun. wěwaṅunnan punika wujudtipun gěḍuŋ, papan pasiraman, kŕětěg gantuŋ, susukan, tlaga rěrekan, masjid, lan lurung pěnḍěm.
taman punika gaḍaḥ jějuluk watěr kastil hamaṙgi wontěn kolam-kolam lan toya hiŋkaŋ ṅuběngi taman. kasěbat hugi dě fŕegŕent gaṙděn hamaṙgi kaṭah kajěŋ lan kěmbaŋ kaŋ waṅi dipuntaněm wontěn kěbon-kěbon sahuběŋṅiŋ wěwaṅunnan.
rañcaŋṅan tamansari punika haḍěḍasaṙ sakiŋ gagasan sŕi sultan haměŋku buwana 1, wondene gěgambaṙran teknissipun kinaṙyan deniŋ pṙiyantun poṙtugis hiŋkaŋ kaduga dugi sakiŋ wěwěŋkon gowa, sulawěsi. haṙsitek sakiŋ portugis punika dipunsuměrěppi minaŋka děmaŋ těgis, hasma punika sumběṙripun sakiŋ hasal baŋsa pṙiyantun punika. dene paṅaṙsa pŕoyek pambaṅun tamansari dipuncěpěŋ deniŋ tuměŋguŋ maṅundipura hiŋkaŋ salajěŋṅipun dipungantosi deniŋ paṅěran natakusuma.
tamansari maděg wontěn sahinggillipun humbul hutawi sumběṙ hiŋkaŋ dipunwastani humbul pacěṭokan. wontěn hiŋ tamansari kawontěnan kaliḥ tlaga rěrekan, kasěbut sěgaran. těmbuŋ sěgaran hasallipun sakiŋ těmbuŋ sěgara hiŋkaŋ těgěssipun samudŕa. sětuŋgal tlaga wontěn hiŋ sisiḥ kilen kanṭi pulo rěreka hiŋ satěṅaḥhipun, pulo punika gaḍaḥ nama pulo kěnaṅa. kěkaliḥ sěgaran punika dipunsambět kaliyan susukan hiŋkaŋ maro luruŋ hiŋkaŋ ñambuṅi plataran magaṅan lan plataran kamanḍuŋṅan kidul. plataran hiŋkaŋ kaṭah maneka woḥ-woḥhan subuṙ maṅapit susukan punika.
sasanessipun dipunginakakěn minaŋka papan plěsiran, tamansari hugi gaḍaḥ fuŋsi panaŋgulaŋ lan fuŋsi hagami. fuŋsi panaŋgulaŋ sagěd katiŋal sakiŋ tembok muběŋ hiŋkaŋ kanděl lan hinggil, regol hiŋkaŋ dipunjaŋkěpi papan jaga lan bastiyon hutawi tolak bala minaŋka papan kaŋge paséléḥhan sañjata. sanessipun wontěn saperaŋṅan huruŋ-huruŋ hutawi maṙgi pěnḍěm hiŋkaŋ ñambuŋŋṅi sětuŋgal papan dugi papan sanessipun. hugi prěnaḥhipun wěwaṅunnan pulo kěnaṅa hiŋkaŋ hinggil, kaduga dipunginakakěn minaŋka papan patiñjo měnawi musuḥ tuměka.
fuŋsi hagami dipuntědaḥhakěn sakiŋ wontěnnipun waṅunnan sumuṙ gumuliŋ lan pulo paněmbuŋ. sumuṙ gumuliŋ hiŋkaŋ wujudtipun bunděṙ muběŋ dipunginakakěn minaŋka masjid, wondene pulo paněmbuŋ dipunginakakěn deniŋ sultan minaŋka papan maněkuŋ. Kěkaliḥ waṅunnan punika kawontěnan hiŋ satěṅaḥhiŋ kolam sěgara, saheŋga katon macuṅul hiŋ satěṅaḥhiŋ toya hiŋkaŋ wiyaṙ.
wiwittanipun waṅunnan pěsaŋgŕaḥhan tamansari punika majěŋ ṅilěn, saheŋga luruŋ hiŋkaŋ ṅajěṅan (glědeṅan) prěnaḥhipun wontěn hiŋ sisiḥ kidul plěŋkuŋ jagabaya (plěŋkuŋ tamansari). wondene sěgarannipun gaḍaḥ luruŋ ṅajěŋ lurus majěŋ leṙ dugi hiŋ plěŋkuŋ jagasura (plěŋkuŋ ṅasěm). minaŋka papan plěsiran, sapunika regol mlěbět hiŋ wěwaṅunnan dipun gantos hiŋ sisiḥ wětan haŋginakakěn kori hiŋkaŋ rumiyin punika regol wiŋkiŋ.
hing tahun 1867, nalika jaman pamarintaḥhan sŕi sultan haměŋku buwana 6, wontěn pŕastawa gěmpa hagěŋ hiŋkaŋ daměl rěntaḥ wěwaṅunnan hiŋ yogỿakaṙta. wěwaṅunnan tamansari hugi risak lan dadosakěn waṅunnan punika dados kapiran.
renovasi kanṭi tuměměn dipunwiwitti nalika tahun 1977. saperaŋṅan waṅunnan hiŋkaŋ matimbun lajěŋ dipunbongkaṙ, hanaŋṅiŋ namuŋ kantun sěkěḍik sakiŋ waṅunnan tamansari hiŋkaŋ sagěd slamět.
gěmpa hagěŋ kadaden maliḥ hiŋ wěwěŋkon yogỿakarta hiŋ tahun 2006. gěmpa tektonik hiŋkaŋ kěkiyatannipun 5,9 sr punika sěpisan maliḥ dados jalaran karisakan hiŋ tamansari. pŕoses renovasi lan revitalisasi dipunlajěŋṅakěn, saperaŋṅan waṅunnan dipundandosi, dipunkiyatakěn lan dipunlapisi maliḥ.
tamansari hiŋkaŋ nate namuŋ hawujud rěrěntahḥan sapunika wiwit dipundandosi. sanajan sampun kahapit gŕiya-gŕiya kanan keriŋ, sisa-sisa waṅunnan punika haŋṅanti para wisatawan hiŋkaŋ gaḍaḥ pěpinginnan niṅali kuñcaraniŋ taman kaguṅannipun raja hiŋ jaman rumiyin.